Matayi 8:5 - ULufingwi uLupwa

⁵ Lwe uYeesu ayinjila mu nkaaya iya Kapelanawuumu, umupiti wumo uwa vhasikaali avha Shiluumi ahinza ku kwakwe. Ahamulambiilizya

Tesitamenti Umupwa 1965

⁵ Ilelo lwʼakwinjila mu-Kapelinahumu, pʼumupiti woka wa vasikali ahapalamila kukwakwe ahalambilizya,

Matayi 8:5 ပူးပေါင်းရင်းမြစ်များ

Matayi 11:23

Niimwe mwe vhantu avha mu nkaaya iya Kapelanawuumu, vhuli, mukusiivha kuuti muliizuvha kufishila ku mwanya? Ndaali! Te yihaavhe vhwevhulo, mulisumbwa pansi kufishila ku vhuzimu. Nkuyanga isho, mwe pe amafindango ge mbomvile kuli imwe, inga gapele gavhombehaje mwe mu nkaaya iya Sodooma, inkaaya iyo, nkandi yiliipo kufishila ileelo.

Matayi 27:54

Lwe umupiti uwa vhasikaali pooka na vhe vhahamuguulaga uYeesu vhaalola ishisumbi, ni zinji inyinji zye zyálolesile vhahoogopa nkaani, vhahayanga vhahati, “Nalyoli umuntu uno aamile Mwana wa Mulungu!”

Matayi 4:13

Lwe uYeesu ali mu Galilaaya, aheepa mu nkaaya iya Naazaleeti, ahasogola kutendama mu nkaaya iya Kapelanawuumu. IKapelanawuumu nkaaya ye yili mu luvhazu mwa sumbi uwa Galilaaya, ku luvhazu ulwa nsi iya Zaabulooni ni ya Naafutaali.

Matayi 9:1

Pe uYeesu ahalimbila ivhooti, ahalamba usumbi uwa Galilaaya nu kugaluha mu nkaaya yaakwe iya Kapelanawuumu.

Maliko 15:39

Umupiti uwa vhasikaali we ahimililaga pilongolela paala, lwe aalola vwe uYeesu aafwa sheshiila ahati, “Nalyoli umuntu uno aamile Mwana wa Mulungu!”

Maliko 2:1

Lwe zyatuuha insiku nyinsi, uYeesu ahagaluha ku Kapelanawuumu na vhantu vhahiivwa kuuti ali pa nkaaya.

iMbombo izya Vhatumwa 22:25

Lwe avhasikaali vhamukunga uPaavhuli kuuti vhamuhome ni ndiisa, ahamuvhuziilizya umwimiilizi waavho we áyimiliiye pepaala, ahati, “Vhuli, mukwitishilwa ni ndajizyo kumuhoma ni ndiisa uMuluumi, we ashiili kulongwa kuuti munanzi?”

iMbombo izya Vhatumwa 23:17

Pe uPaavhuli ahamwita umwimiilizi wumo uwa vhasikaali, ahamuvhuuzya ahati, “Mutwale umujaaha uno kwa mupiti wiinyu, ali ni izwi ilya kumuvhuuzya.”

iMbombo izya Vhatumwa 23:23

Pe umupiti uwa vhasikaali ahavhiita avhimiilizi vhavhili avha vhasikaali. Ahavhavhuuzya ahati, “Muyisengaanye kwepa ileelo mu saala taatu uvhusiku kusogola mu nkaaya iya Kayisaaliya. Muvhe pooka na vhasikaali 200 avha kujenda ulwa pansi, avhamwavho 70 avha kulimbila imfwalaasi, avhamwavho 200 avha kulema impalala.

iMbombo izya Vhatumwa 27:13

Inkungu yihataliha kuvugula hansi hansi kufuma uluvhazu ulwa kuntende, vhahasiivha kuuti zye vhítinkiine zyalunjiha. Pe vhahazuvwa ishintu ishimwamu isha kwimilisizya imeeli, vhaheepa paala, vhahashuula kutuushila mu luvhazu mu Kileete.

iMbombo izya Vhatumwa 27:31

Ileelo uPaavhuli ahamuvhuuzya umupiti uwa vhasikaali, pooka na vhasikaali vhaakwe ahati, “Avhavhomba mbombo ivha, inga vhatakusyala pooka niiswe mu meeli ino, imwe te mupone.”

iMbombo izya Vhatumwa 27:43

Ileelo, mwe pe umwimiilizi uwa vhasikaali ahanzaga kumupoha uPaavhuli, ahavhahaana. Ahalajizya kuuti vhonti vhe vhamanyile kusavha vhadomoshele mu minzi, inga vhalambiile ku nsi inyuumu.

iMbombo izya Vhatumwa 9:38

Mu havhaliilizyo iho avhalandati avha Yeesu vhahiivwa kuuti uPeeteli ali mu nkaaya iya Liida. Pe vhahavhasonteelezya ku kwakwe avhantu vhavhili, mwe pe inkaaya iyo yáamile papiipi ni nkaaya yaavho iya Yaafa. Avhantu ivho vhe vhávhasonteleziizye vhahamulambiilizya uPeeteli vhahati, “Twalamba uyinze ku kwitu ishisita kuhaavha!”