Matayi 8:20 - ULufingwi uLupwa

²⁰ Ileelo uYeesu ahamwamula ahati, “Avhahavhila vhali na mashembo, zyope inyunyi zili ni visanza, ileelo ne Mwana wa Aadamu ntali na pa kukaasya uluvhazu lwane!”

Tesitamenti Umupwa 1965

²⁰ UwenʼuYesu ahamuvuzya ahati: Izyenʼinyimba zili namashembo, Zyope ninyunyi zili niṿisanzo. UwenʼuMwanamuntu nyene wʼate napamo apa kusagamihʼitwe.

Matayi 8:20 ပူးပေါင်းရင်းမြစ်များ

Matayi 12:32

Havhili, inga umuntu anjanjila amazwi amavhiivhi ine ne Mwana wa Aadamu, aliswilwa. Ileelo inga amuyanjila amazwi amavhiivhi uMupepo uMufinjile, te ahaswilwe ahavhaliilizyo iha, poosye he hakwinza.”

Matayi 12:40

Nkuyanga vhwevhulo, mwe pe inza vwe uYoona átendiime insiku zitatu mu lwanda ulwa nswi impiti uvhusiku nu musanya, niine ne Mwana wa Aadamu kwe ntendame mu mbiipa insiku zitatu uvhusiku nu musanya.

Matayi 12:8

Nkuyanga vhwevhulo, mwe pe ne Mwana wa Aadamu indi na maha ni Sabaato.”

Matayi 13:37

UYeesu ahavhaamula ahati, “Umuntu we ávhwaye imbeyu inyinza neene ne Mwana wa Aadamu.

Matayi 16:13

Lwe uYeesu aafiha mu lutala ulwa mu nkaaya iya Kayisaaliya mu Fiilipi, ahavhavhuziilizya avhasundikwa vhaakwe ahati, “Avhantu vhakuti ine ne Mwana wa Aadamu ne naanu?”

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

Matayi 17:9

Lwe vhakwiha mwi igamba liila, uYeesu ahavhalajizya, ahati, “Mutahinze mumuvhuuzye umuntu nuumo zye mwazilola, kufishila ahavhaliilizyo he ne Mwana wa Aadamu nazyuha.”

Matayi 19:28

UYeesu ahavhaamula ahati, “Nalyoli nkuvhavhuuzya kuuti, lwe ne Mwana wa Aadamu natendama pa shitengo ishishindamu isha vhumwene mu nsi impwa, niimwe mwe mundandasite, mulitendama pa vitengo ivwa vhumwene 12 kuzikonzya inkolo 12 izya Vhaisilayeeli.

Maliko 8:38

Umuntu wonti we akundolela insoni ine na mazwi gaane ku vhavhembu na vhatalamalandu avha havhaliilizyo iha, niine ne Mwana wa Aadamu, ndimuhaana lwe nkwinza havhili nu vhushindamu uvhwa Taata waane, pooka na vhahavhizya avhafinjile.”

uLuuka 12:8

“Nkuvhavhuuzya kuuti, umuntu wonti we akuvhavhuuzya avhantu, kuuti akundandata ine, niine ne Mwana wa Aadamu ndimuvhuuzya uMulungu na vhahavhizya vhaakwe, kuuti uyo mulandati waane.

uLuuka 18:8

Nkuvhavhuuzya kuuti, uMulungu kwe avhavhombele naluvhiilo zye zikwanzilwa kuvhavhombela. Ishi ne Mwana wa Aadamu lwe nkugaluha mu nsi, ndivhaaga avhantu vhe vhakuniitiha?”

uLuuka 2:12

Ishilolesyo isha imwe kumumanya she shino: Kwe mumwaje umwana umucheeche vhamuzwaliziizye amenda aga mwana umucheeche, akaasite mwi isuuvha ilya kuzuvhiilila ingʼombe.”

uLuuka 2:16

Pe vhahasogola naluvhiilo ku Betelehemu. Lwe vhaafiha, vhahavhaaga avha Maliiya nu Yoosefu nu mwana umucheeche akaasite mwi isuuvha ilya kuzuvhiilila ingʼombe.

uLuuka 2:7

Ahapaapa umwana umwanaavuli uhatoote, ahamuzwalizya amenda aga mwana umucheeche. Ahamukaasya mwi isuuvha ilya kuliila ingʼombe, mwe pe patáliipo apa kukaata avheene, inyumba izya vhajeni zyízuuye avhantu.

uLuuka 21:36

Ishi, muvhanje minso ahavhaliilizyo honti, mumulaavhaje uMulungu, inga avhapanje amaha aga kupoota mu zyonti zye zilifumila, inga muhimiilile ku luseshelo pilongolela lyane ine ne Mwana wa Aadamu.”

uLuuka 8:3

nu Yowaana umushi wa Kuuza. UKuuza áamile muvhomvi umupiti uwa mwene uHeelodi. Havhili, áliipo uSuzaana, na vhantanda avhanji avhinji. Avhantanda ivho vhahafumwaga ivintu vwavho, kumwavwa uYeesu na vhasundikwa vhaakwe.

uLuuka 9:58

Ileelo uYeesu ahamwamula ahati, “Avhahavhila vhali na mashembo, zyope inyunyi zili ni visanza, ileelo ne Mwana wa Aadamu ntali na pa kukaasya uluvhazu lwane.”

Yohani 1:51

UYeesu ahajendeelela kuyanga kuuti, “Nalyoli nkuvhavhuuzya kuuti, kwe mulole ku mwanya kwigusile, avhahavhizya avha Mulungu vhakuzuvha nu kwiha pali ine ne Mwana wa Aadamu.”

Yohani 12:34

Pe ivhungaana ilya vhantu lihamwamula uYeesu lihati, “Tuvhaziizye mu Vhusimbe uVhufinjile kuuti, uChilisiti alilandila shiima. Ishi shooni she ukuti avhantu kwe vhamuzuvwe uMwana wa Aadamu? Vhuli, uMwana uwa Aadamu wu naanu?”

Yohani 13:31

Lwe uYuuda aafuma panzi, uYeesu ahavhavhuuzya avhasundikwa vhaakwe ahati, “Ishi uvhushindamu vhwane ne Mwana wa Aadamu vhwapalamila kuloleha apazelu. Havhili uvhushindamu uvhwa Mulungu kwe vhuloleshe apazelu kutuushila mu mbombo zyane.

Yohani 3:13

Ataliipo umuntu wonti we ahasogola ku mwanya, ileelo ine ne Mwana wa Aadamu ne nkinza kufuma ku mwanya.

Yohani 3:14

“Yeenya, aVhaisilayeeli lwe vhali mu luugwa, uMoose ágomvile ishiholanyo isha njoha iya shaaba nu kushizuvwa mwi ikwi. Niine ne Mwana wa Aadamu nkwanzilwa vhanzuvwe pa shihovhenkanyo,

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

Yohani 6:53

Ileelo uYeesu ahavhavhuuzya ahati, “Nalyoli nkuvhavhuuzya kuuti, inga mutaalya umuvhili waane, nu kumwela amavhanda gaane ine ne Mwana wa Aadamu, te muvhe nu vhulanzi.

Yohani 6:62

Ishi yiliivha vhuli, inga mukundola ine ne Mwana wa Aadamu, nkuzuvha kusogola ku mwanya kwe náamile ku vhwandilo?

iMbombo izya Vhatumwa 7:56

Pe ahayanga ahati, “Yeenyi, naalola ku mwanya kwigusile, uMwana wa Aadamu ayimiliiye ku luvhazu ulwa kundiilo ulwa Mulungu pa vhushindamu uvhupiti nkaani!”

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.