Matayi 8:2 - ULufingwi uLupwa

² Pe umuntu wumo uwa mambombo ahinza nu kusugamila pilongolela ilya Yeesu, ahamuvhuuzya ahati, “We Mwene, imanyile kuuti uli na maha aga kunzelufwa. Inga ukwanza, nkulaavha unzelufwe.”

Tesitamenti Umupwa 1965

² Pe vahaga uwamambombo, ahapalamila kukwakwe ahamusugamilila ahati: Mwene ingʼukasime, pʼumanyilʼiwe ukumpozya.

Matayi 8:2 ပူးပေါင်းရင်းမြစ်များ

Matayi 10:8

Muvhaponiaje avhavhinu nu kuvhazyusya avhafwe nu kuvhazelufwa avha mambombo nu kushimbizya impepo inkandamanu. UMulungu avhapiiye pa vhweleele, pe ishi, niimwe mufumwaje pa vhweleele.

Matayi 13:58

UYeesu atávhomvile amafindango aminji ukwo, mwe pe avhantu ivho vhatámwitisile.

Matayi 14:33

Pe avhasundikwa vhe vháali mwi ivhooti, vhahamusugamilila uYeesu vhahati, “Nalyoli iwe we Mwana wa Mulungu!”

Matayi 15:25

Umwantanda uyo ahinza, ahamusugamilila uYeesu, ahamulaavha ahati, “We Mwene, ntuula!”

Matayi 18:26

“Pe umuvhomvi uyo ahamusugamilila, ahamulaavha ahati, ‘Nkulaavha unguliilile hansi, kwe nkulipe ivintu vwaho vwonti.’

Matayi 2:11

Pe vhahinjila mu nyumba, vhahamulola umwana ali nu nyina uMaliiya, vhahamusugamilila nu kumupuuta. Vhahasatula vwe vhápinyile, vhahamufumwizya ivipeelwa ivwa sahaabu ni vwa kusuushizya na mafuta ge gakununshila.

Matayi 20:20

Ahavhaliilizyo iho unyina uwa vhaana vha Zebedaayi ahasogola na vhavuli vhaakwe kwa Yeesu, ahasugamila nu kumulaavha kuuti amwavwe shimo.

Matayi 26:6

Pisinda, uYeesu ahasogola mu nkaaya iya Besaniya, ahinjila mu nyumba iya Siimoni we ku vhwandilo áamile na mambombo.

Matayi 28:17

Lwe vhamulola, vhahamusugamilila, ileelo vhamo vhahavha na maganigani kuuti pamo te wuuyo.

Matayi 28:9

Lwe vhakusogola, naluvhiilo uYeesu ahahomaana na vhantanda ivho, ahavhalamuha ahati, “Mwakaata!” Pe vhahapalamila vhahamulema ivinama nu kumusugamilila.

Matayi 4:9

ahamuvhuuzya ahati, “Kwe nkupe vwonti ivi, inga wansugamilila nu kumpuuta.”

Matayi 8:1

Lwe uYeesu aamala kusambiilizya, ahiiha mwi igamba liila. Lwe ayiiha, ivhungaana ipiti ilya vhantu lihamulandata.

Matayi 8:25

Pe avhasundikwa vhaakwe vhahasogola kumudaamusya, vhahati, “We Mwene! Tuposhe! Tukufwa!”

Matayi 9:18

Lwe uYeesu akujendeelela kuyanga na vhantu vhaala, umupiti wumo ahinza, ahasugamila pilongolela lyakwe, ahamuvhuuzya ahati, “Umulindu waane aafwa shiniishi. Ileelo tujende umuvhiishile inyoovhe kuuti umuponie, woope kwe avhe mupuuma havhili.”

uLuuka 4:27

Havhili ahavhaliilizyo aha mukuvhwi uEelisha, vháliipo avhantu avhinji avha mpungo iya mambombo mu nsi iya Isilayeeli. Ileelo atáliipo inga wooka we ázelufile, nkandi we Nahamaani weeka umuhaaya uwa mu shigavho isha nsi isha Siiliya.”

Yohani 9:38

Umuntu uyo ahayanga ahati, “Nkwitisile Mwene.” Pe ahasugamila pilongolela ilya Yeesu nu kumupuuta.

iMbombo izya Vhatumwa 10:14

UPeeteli ahalyamula ahati, “Ndaali Mwene! Ntahalya naalumo ishintu shonti she shikuhombezya!”

iMbombo izya Vhatumwa 10:25

Lwe uPeeteli aafiha, uKolineeliyo ahamuposheela, ahasugamila pansi pa vinama vwakwe nu kumupuuta.

1 VaKolinti 14:25

Zye zili mu mwoyo waakwe, zikuvha apazelu, pe akusugamila nu kumupuuta uMulungu kuuti, “Nalyoli uMulungu ali pahati yiinyu!”

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”