Matayi 8:18 - ULufingwi uLupwa

¹⁸ Lwe uYeesu aalola kuuti ivhungaana likumuzyunguula, ahavhalajizya avhasundikwa vhaakwe ahati, “Tulambe kwi isyila ilya sumbi.”

Tesitamenti Umupwa 1965

¹⁸ Ayazile lelʼuYesu avantʼimpuga vamwimiliye vamuvisile pahati, pʼahahomelezyʼukulamba mwisyila lila.

Matayi 8:18 ပူးပေါင်းရင်းမြစ်များ

Matayi 14:22

Ahavhaliilizyo hanaaho, uYeesu ahavhalajizya avhasundikwa vhaakwe kuuti vhinjile mwi ivhooti, vhalongolele kusogola kwi isyila ilya sumbi uwa Galilaaya, lwe uweene akulilaga ivhungaana ilya vhantu.

Matayi 8:1

Lwe uYeesu aamala kusambiilizya, ahiiha mwi igamba liila. Lwe ayiiha, ivhungaana ipiti ilya vhantu lihamulandata.

Maliko 4:35

Isiku lyeliila hamazuuvha, uYeesu ahavhavhuuzya avhasundikwa vhaakwe ahati, “Tulambe kwi isyila ilya sumbi.”

Maliko 5:21

Havhili uYeesu na vhasundikwa vhaakwe vhahalamba usumbi kugaluha kwi isyila, ivhungaana ipiti lihamuvhungatila pepaala pa luvhazu pa sumbi.

Maliko 6:45

UYeesu ahavhalajizya avhasundikwa vhaakwe kuuti vhinjile mwi ivhooti, vhalongolele kusogola kwi isyila ilya sumbi uwa Galilaaya, mu nkaaya iya Betisaayida, lwe uweene akulilaga ivhungaana ilya vhantu.

Maliko 8:13

Pe uYeesu ahavhaleha aVhafalisaayi, ahinjila havhili mwi ivhooti, ahalamba kwi isyila ilya sumbi.

uLuuka 8:22

Isiku limo, uYeesu ahavhavhuuzya avhasundikwa vhaakwe ahati, “Tulambe kwi isyila ilya sumbi.” Pe vhahinjila mwi ivhooti vhahanda kulamba.

Yohani 6:15

UYeesu ahamanya kuuti avhantu ivho vhakwanza kumulema ku maha, inga vhamuvhiishe kuvha wu Mwene waavho. Pe uweene aheepa nu kusogola weeka pi igamba.