Matayi 8:16 - ULufingwi uLupwa

¹⁶ Lwe haafiha hamazuuvha, vhahamuleetela uYeesu avhantu avhinji vhe vhálemwilwe ni mpepo inkandamanu. Pe ahazyefwa impepo izyo kwi izwi lyakwe. Havhili ahavhaponia avhavhinu vhonti.

Tesitamenti Umupwa 1965

¹⁶ Ilelo lwe vwiliye shamazuva, pe vahamuletelʼavinji ve vali nimpepʼimbivi. Uwenʼimpepo zinizi ahazishimbizya nalye lizwi lyeka. Vonti nava ve vavinile ahavazuzuvushizya,

Matayi 8:16 ပူးပေါင်းရင်းမြစ်များ

Matayi 12:22

Pe avhantu vhamo vhahamuleeta uwa mpepo inkandamanu kwa Yeesu. Impepo iyo yámuvhiisile umuntu uyo kuvha wu ntonko nu kuvha wu shinuunu. Pe uYeesu ahamuponia umuntu uyo, woope ahataliha kuyanga nu kulola.

Matayi 14:14

Lwe uYeesu ayiiha mwi ivhooti, ahavhalola avhantu ivhungaana ipiti nkaani, ahavhafwila uvhwila nu kuvhaponia avhavhinu vhaavho.

Matayi 8:15

Pe uYeesu ahamulema inyoovhe yaakwe, inzegema yihapona. Woope ahavhuuha, ahataliha kumuvhombela.

Matayi 8:33

Avhadiimi avha nguluvhe lwe vhaalola izyo, vhahashimbila uluvhilo kusogola mu nkaaya. Vhahayanga zyonti zye zyávhombesile, na zye zyáfumiiye ku vha mpepo vhaala.

Matayi 9:2

Pe avhantu vhamo vhahamuleeta umuvhinu we áhataliiye kwa Yeesu, she vhamukasiizye pi izagala. Lwe uYeesu aalola ulwitiho lwavho, ahamuvhuuzya we áhataliiye uyo ahati, “We mwana waane, gomaaga umwoyo! Nakuswila uvhutalamalandu vhwaho.”

Maliko 2:3

Pe vhahinza avhantu vhane, vhamusenziinye pi izagala umuntu we áhataliiye, vhahamutwalaga kwa Yeesu.

Maliko 5:8

Áyanzile vhwevhulo, mwe pe uYeesu ápezile ayipiliiye impepo inkandamanu kuuti yifume mwa muntu uyo.

Maliko 9:25

UYeesu ahalola avhantu vhakwonjela kumwinzila. Ahayipilila impepo inkandamanu yiila ahati, “We mpepo we umuvhomvile umwana uno kuvha wu shinuunu havhili wu kuutwi, yeepa, utahasheele havhili kumwinjila naalumo!”

uLuuka 13:12

UYeesu lwe amulola, ahamwita, kuuti ayinze pilongolela lyakwe. Pe ahamuvhuuzya ahati, “Maayi, waapona uvhuvhinu vhwaho, ishi wasatulwa!”

uLuuka 4:40

Lwe izuvha lyaswa, avhantu vhonti vhe vháamile na vhavhinu avha mpungo izya mavhiila mu mavhiila, vhahavhatwala avhavhinu ivho kwa Yeesu. Uweene ahavhalemaga vhonti, kuvhaponia.

uLuuka 4:41

Havhili, ahazyefwaga impepo inkandamanu inyinji, zyope zihazumaga ahalanga zihatinji, “Iwe we Mwana wa Mulungu!” Ileelo ahazihaanaga kuuti zitamutahaje, mwe pe zyámumanyile kuuti wu Chilisiti.

iMbombo izya Vhatumwa 5:15

Pe kufumililana niizyo, avhantu vhahavhavhiihaga avhavhinu mu madala mu mazagala, na mu vilili, kuuti uPeeteli lwe akutuuha, poosye nga shinzyunguuli shaakwe shivhafishile vhamo vhapone.