Matayi 8:10 - ULufingwi uLupwa

¹⁰ Lwe uYeesu ayiivwa izyo, ahasukumila nkaani. Ahavhavhuuzya vhe vhahamulandataga ahati, “Nalyoli nkuvhavhuuzya kuuti, mu Vhaisilayeeli vhonti, ntamuvhwenyi umuntu we ali nu lwitiho ulupiti inza ulu!

Tesitamenti Umupwa 1965

¹⁰ UwenʼuYesu lwʼayiṿuye zinizi, pʼahasukumila ahavavuzya ve vahamulandata ahati: Nalyoli ulwitiho inzʼulu, lwe ntalwazile mwa Yisilayili umu.

Matayi 8:10 ပူးပေါင်းရင်းမြစ်များ

Matayi 15:28

UYeesu ahamwamula ahati, “We mwantanda weewe! Uli nu lwitiho ulupiti nkaani! Yivhombeshe kuli iwe inza vwe ukwanza.” Ahavhaliilizyo hanaaho, umulindu ula ahapona.

Matayi 8:11

Nkuvhavhuuzya kuuti, avhantu avhinji kufuma imbazu zyonti izya nsi, vhaliyinza nu kulya umulyo pooka nu Aabulahamu nu Yisaaka nu Yaakobu mu vhumwene uvhwa Mulungu.

Matayi 8:9

Nkuyanga vhwevhulo, mwe pe niine vhweleele indi pansi pa vhapiti vhaane, havhili indi na vhasikaali vhe vhali pansi yaane. Inga namuvhuuzya wumo nati, ‘Usogole ukutunga!’ Naluvhiilo akusogola. Inga namuvhuuzya uwamwavho nati, ‘Luvhiilo!’ Woope akwinza. Woope umuzya waane inga namuvhuuzya nati, ‘Vhomba uti,’ akuvhomba vhwevhulo.”

Maliko 6:6

Ahasukumila nkaani, mwe pe avhantu ivho vhatámwitisile. UYeesu ahazyunguulaga mu ntala zyeziila nu kusambiilizya.

uLuuka 5:20

Lwe uYeesu aalola ulwitiho lwavho, ahamuvhuuzya umuvhinu uyo ahati, “Mumanyani, nakuswila uvhutalamalandu vhwaho.”

uLuuka 7:50

Pe uYeesu ahamuvhuuzya umwantanda uyo ahati, “Waapokwa, mwe pe waniitiha, sogolaaga, uMulungu akuteteesye.”

uLuuka 7:9

Lwe uYeesu ayiivwa izyo, ahasukumila nkaani. Ahagalunkana aheenya ivhungaana ilya vhantu vhonti vhe vhahamulandataga, ahavhavhuuzya ahati, “Nkuvhavhuuzya kuuti, poosye mu Vhaisilayeeli vhonti, ntamuvhwenyi umuntu we ali nu lwitiho ulupiti inza ulu!”

iMbombo izya Vhatumwa 2:7

Vhahahasamala nu kusukumila vhahati, “Vhuli, avhantu ivha vhe vhakuyanga isho, te vha mu Galilaaya?