Matayi 8:1 - ULufingwi uLupwa

¹ Lwe uYeesu aamala kusambiilizya, ahiiha mwi igamba liila. Lwe ayiiha, ivhungaana ipiti ilya vhantu lihamulandata.

Tesitamenti Umupwa 1965

¹ Uwene lelo lwʼakwiha pigamba, pe vahamulandatʼavantʼimpugʼimpiti.

Matayi 8:1 ပူးပေါင်းရင်းမြစ်များ

Matayi 12:15

Lwe uYeesu aamanya kuuti aVhafalisaayi vhakupanzanya izya kumugoga, aheepa paala. Pe avhantu ivhungaana ipiti vhahamulandata, woope ahavhaponia vhonti vhe vháamile na mavhinu.

Matayi 15:30

Avhantu ivhungaana ipiti vhahasogola kwa Yeesu, vhahavhatwala ku kwakwe avhantendya na vhantonko na vhalemazu na vhashinuunu na vhavhinu avhanji avhinji. Avhantu ivho vhahavhavhiiha avhavhinu pilongolela pa Yeesu, woope ahavhaponia.

Matayi 19:2

Avhantu ivhungaana ipiti vhahamulandata ukwo, woope ahavhaponia vhe vháali vhavhinu.

Matayi 20:29

UYeesu na vhasundikwa vhaakwe vhahafiha mu nkaaya impiti iya Yeeliko. Pisinda, lwe vhakufuma mu nkaaya iyo, ivhungaana ipiti ilya vhantu lihamulandata.

Matayi 4:25

Pe ivhungaana ipiti ilya vhantu lihamulandata kufuma mu ntala izya mu Galilaaya ni zya mu Dekapooli ni zya mu Yelusaleemu ni zinji izya mu nsi iya Vhayuuda ni zya mwi isyila ilya ijenje uYoolodaani.

Matayi 7:29

mwe pe ahasambilizyaga ngati muntu we ali na maha, atahasambilizyaga ngati vhasambiilizi vhaavho avha ndajizyo izya Moose.

Matayi 8:18

Lwe uYeesu aalola kuuti ivhungaana likumuzyunguula, ahavhalajizya avhasundikwa vhaakwe ahati, “Tulambe kwi isyila ilya sumbi.”

Matayi 8:2

Pe umuntu wumo uwa mambombo ahinza nu kusugamila pilongolela ilya Yeesu, ahamuvhuuzya ahati, “We Mwene, imanyile kuuti uli na maha aga kunzelufwa. Inga ukwanza, nkulaavha unzelufwe.”

Maliko 3:7

UYeesu aheepa penepo pooka na vhasundikwa vhaakwe, ahasogola kwa sumbi uwa Galilaaya, ni mpuga impiti iya vhantu kufuma mu shigavho isha nsi isha Galilaaya, yihamulandata. Avhantu avhinji kufuma intala inyinji, lwe vhiivwa zyonti zye ahazivhombaga, vhahamwinzila kufuma mu Yelusaleemu na mu shigavho isha nsi isha Yudeeya shonti na mu shigavho isha nsi isha Idumaayi na mwi isyila ilya ijenje uYoolodaani na mu nkaaya iya Tiilo ni Siidoni.

uLuuka 5:15

Ileelo inongwa izya Yeesu zihonjela kukumuha imbazu zyonti. Avhantu amavhungaana amapiti, vhahavhungaanaga kumutejeelezya nu kuvhaponia impungo zyavho.