Matayi 7:7 - ULufingwi uLupwa

⁷ “Mumulaavhaje uMulungu, pe woope kwe avhapanje, havhili mulondolaje, pe niimwe kwe muvwagaje, havhili muhonyonsyaje, pe niimwe kwe mwigulilwaje.

Tesitamenti Umupwa 1965

⁷ Simulavaje, pe mulipelwa; simulondaje, pe muliyaga; simuhonyonsyaje kulwiji, pe muliyigulilwa.

Matayi 7:7 ပူးပေါင်းရင်းမြစ်များ

Matayi 18:19

Havhili nalyoli nkwonjezya kuvhavhuuzya kuuti, inga vhavhili muli imwe mu nsi umu vhitinkana kulaavha zimo, uTaata waane uwa ku mwanya alivhavhombela zyenezyo.

Matayi 21:22

Inga muli nu lwitiho, vwonti vwe mukulaavha lwe mukupuuta, muliposheela.”

Matayi 6:33

Imwe muvhulondole suuti uvhumwene uvhwa Mulungu nu vhugolosu vhwakwe, pe ivwo vwonti mulipeelwa.

Matayi 7:11

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

Matayi 7:8

Nkuvhavhuuzya vhwevhulo, mwe pe umuntu wonti we akulaavha, akuposheela, woope we akulondola, akuvwaga, woope we akuhonyonsya, akwigulilwa.

Maliko 11:24

Kuli izyo, nkuvhavhuuzya kuuti, vwonti vwe mukulaavha lwe mukupuuta, nalyoli mwitihaje kuuti mwaposheela, uMulungu kwe avhapanje.

uLuuka 13:25

Ahavhaliilizyo haliyinza he umuhaata nyumba aligalila umulyango. Pe muliyimiilila panzi nu kwiguzya nu kumulaavha kuuti, ‘We mwene! Tukulaavha utwigulile umulyango!’ Ileelo uweene alivhaamula aliiti, ‘Ntavhamanyile imwe, havhili ntamanyile kwe mufumile!’

uLuuka 18:1

UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 15:7

Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 3:11

Ataliipo umuntu we amumanyile uMulungu, havhili ataliipo we akumulondola.

VaHebuli 11:6

Ataliipo umuntu we angamuhondezya uMulungu ishisita ulwitiho. Umuntu wonti we akwanza kumupuuta uMulungu, akwanzilwa kwitiha kuuti uMulungu aliipo nu kuuti aliivhapa ivipeelwa vhaala vhe vhakulondola kumumanya.

Yakobu 5:15

Kulaavha ku lwitiho, kukumupoha umuvhinu uyo, woope uMwene akumuvhuusya. Inga avhomvile uvhutalamalandu, akuswilwa.

1 Yohani 3:22

Havhili tukuposheela kufuma ku kwakwe shonti she tukumulaavha, mwe pe tukuzishindiha indajizyo zyakwe nu kuvhomba zye zikumuhondezya.