Matayi 7:24 - ULufingwi uLupwa

²⁴ “Pe ishi, umuntu we akugatejeelezya amazwi gaane nu kugalema, aliivha ngati muntu uwa vhushindamu uvhwa njeele we ázenzile inyumba yaakwe pi iyalaawe.

Tesitamenti Umupwa 1965

²⁴ Ilelʼuno wengʼakwiṿwʼamazwi gane ganaga, uno wengʼakugalandata, we nkumuholanya nkuti ali fwe muntu wa njele wʼinyumba yakwe azenzile piyalavwe.

Matayi 7:24 ပူးပေါင်းရင်းမြစ်များ

Matayi 12:50

Umuntu wonti we akuvhomba zye uTaata waane uwa ku mwanya akwanza, uyo we munine waane, havhili we wu maayi waane.”

Matayi 16:18

Ine nkukuvhuuzya kuuti, iwe we we Peeteli. Pi iyalaawe ili, kwe nzenje ishivhanza shaane, na maha aga ku vhuzimu te gahashipoote naalumo.

Matayi 24:45

UYeesu ahavhavhuziilizya ahati, “Pe ishi, wu naanu umuvhomvi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

Matayi 25:2

Vhasaano muli ivho, vháali vhapukupuuku na vhamwavho vhasaano vháali vha njeele.

Matayi 25:4

Ileelo avheene avha njeele vhányatuuye inyaale zyavho pooka na mafuta aga kwonjezya mu nsupa zyavho.

Matayi 25:9

Ileelo avha njeele vhaala vhahavhaamula vhahati, ‘Ndaali! Tutangavhaavwa, amafuta ge tuli nago gatangatukwila swenti pooka niimwe. Yikwanzilwa musogole kwe vhakukazya, muyikalile agiinyu.’

Matayi 7:25

Imvula yihatima, amahavha gahiizula nkaani, nu musasankungu wuhinza, wuhayiyinzaanya inyumba iyo. Ileelo inyumba iyo yitahagwa, mwe pe ulwalo lwakwe lwázengwilwe pi iyalaawe.

Matayi 7:26

Ileelo umuntu we akutejeelezya amazwi gaane iga, ishisita kugalema, ali inza umuntu umupukupuuku we ázenzile inyumba yaakwe pa lusenga.

uLuuka 11:28

Ileelo uweene uYeesu ahati, “Vhalosiitwe nkaani vhe vhakwivwa nu kulishindiha izwi ilya Mulungu!”

Yohani 13:17

Inga mwazimanya izyo, pe uMulungu alivhaloota inga mukulandata ishiholanyo isho.”

Yohani 14:15

UYeesu ahati, “Inga munkunzite, kwe muzilandataje indajizyo zyane.

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Yohani 15:14

Inga mukuvhomba zye mbalajiziizye, kwe muvhe mwe vhamanyani vhaane.

VaLoma 2:13

Vhalilongwa, mwe pe uMulungu atakumuvhaazya umuntu kuuti mugolosu kufumiilana nu kwivwa indajizyo izya Moose vhweleele, akumuvhaazya umuntu kuuti mugolosu, mwe pe akuvhomba zye indajizyo zikuyanga.

1 Yohani 2:3

Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.