Matayi 7:13 - ULufingwi uLupwa

¹³ “Mwinjile kutuushila umulyango umufinyanu, mwe pe umulyango umubabazu wukusogola kwi ilovwa, ni idala ilya kusogola ukwo libabazu nkaani. Havhili, avhantu vhe vhakwinjila kutuushila umulyango uwo, vhinji.

Tesitamenti Umupwa 1965

¹³ Simutushʼukwinjila mushikwilo ishifinyanu, she shibabaye nishikwilo, libabaye nidala lye likuvala kwe kuvutupulwa, vinji ve vakujenda pupo.

Matayi 7:13 ပူးပေါင်းရင်းမြစ်များ

Matayi 23:13

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Ku nsambiilizyo zyinyu mukuvhadindila avhantu kwinjila mu vhumwene uvhwa Mulungu. Niimwe mweneemwe mutakwinjila, havhili mutakuvhitishila vhe vhakwanza kwinjila.

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 3:8

Ishi muvhombaje zye zikulolesya kuuti mupindusile.

Matayi 7:14

Ileelo umulyango uwa kwinjiilila ku vhulanzi, mufinyanu, ni idala ilya kusogola ukwo lifinyanu, havhili avhantu vhe vhakulimanya, vhansi.”

uLuuka 14:33

“Vwe zili na kuli imwe. Ataliipo nuumo kuli imwe we akwanzilwa kuvha mulandati waane, inga atavilesile vwonti vwe ali navwo.”

uLuuka 9:33

Avhantu vhavhili ivho lwe vhakulehaana nu Yeesu, uPeeteli ahamuvhuuzya uYeesu ahati, “We Mwene, hinza iswe tusyale panaapa, tuzenje ivwegwi vitatu. Shimo shivhe shaaho, ishamwavho shivhe sha Moose, ni shamwavho shivhe sha Eeliya.” Ileelo uPeeteli atámanyile zye ahayangaga.

Yohani 10:9

Ine indi inza umulyango uwo. Umuntu wonti we akwinjila mwi ivhiji kutuushila ku kwane akupokwa, havhili akuvha musatushe kwinjila nu kufuma, kusogola kwi isole ilyinza.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

VaLoma 9:22

Ileelo, mwe pe uMulungu ahanzaga kuvhalolesya avhantu uvhuhalazu vhwakwe nu kuvhalolesya amaha gaakwe, ávhajimbiliiye nkaani vhaala vhe vhali inza iviliilo vhe asivhiliiye kuuvhapa isunde.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

2 VaKolinti 6:17

Ishi uMWENE uMulungu akuti, “Mwepe pahati yaavho, muyilehaanye navho. Mutalemaje ishintu ishihandamanu, niine pe kwe mbaposheele.”

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

Filipi 3:19

Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Ishitushizya 20:3

Ahalisumbila kwi ilivha ilya ku vhuzimu, ahawugalila nu kuwulemezanya umulyango uwa kwinjiilila kuukwo. Ávhomvile vhwevhulo inga iyoha ilyo litahasheele havhili kuzihopenkanya insi kufishila ahavhaliilizyo aha maaha 1,000. Ileelo lwe amaaha igo gatuuha, alilyigulila havhili ku havhaliilizyo hansi vhweleele.