Matayi 6:9 - ULufingwi uLupwa

⁹ “Ishi imwe lwe mukumulaavha uMulungu, mutinji, ‘Taata wiitu uwa ku mwanya, izina lyaho lishindikwaje. Uvhumwene vhwaho vhwinze.

Tesitamenti Umupwa 1965

⁹ Ilelʼimwe inga mukuputa pe mutinji: Tata witu wa kumwanya; izina lyaho lifinjilwaje,

Matayi 6:9 ပူးပေါင်းရင်းမြစ်များ

Matayi 10:29

Vhuli, utudunduulu tuvhili vhatakukazya ku mpiiya nyinsi vhweleele? Ileelo poosye vhwevhulo, naahamo ahadunduulu he hakugwa pansi ishisita ulukasamo ulwa Taata wiitu uMulungu.

Matayi 23:9

Havhili, mutamwitaje umuntu kuuti, ‘We taata,’ mu nsi umu, mwe pe muli nu Taata wooka vhweleele we ali ku mwanya.

Matayi 26:29

Nkuvhavhuuzya imwe kuuti, te nkamwele havhili idivaayi, kufishila isiku liila pe ndimwela idivaayi impwa pooka niimwe mu vhumwene uvhwa Taata waane.”

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

Matayi 5:16

Vhwevhulo, vwe uvhuzelu vhwinyu vhukwanzilwa vhuvhahozezyaje avhantu, inga vhazilolaje imbombo zyinyu inyinza, pe vhamushindihaje uTaata wiitu uwa ku mwanya.”

Matayi 5:48

Pe ishi, niimwe muvhe mwe vhalunjisu inza uTaata wiitu uwa ku mwanya vwe mulunjisu.”

Matayi 6:14

UYeesu ahayanga havhili ahati, “Inga mukuvhaswila avhamwinyu uvhupuvi vhwavho, woope uTaata wiitu uwa ku mwanya alivhaswila uvhupuvi vhwinyu.

Matayi 6:6

Ileelo iwe lwe ukumulaavha uMulungu, uyinjilaje kwi iziiho lyaho nu kwigalila umulyango. Pe ulaavhaje kwa Taata waaho we atakuloleha. Pe uTaata waaho uwa ku mwanya we akulola zye zikuvhombeha kukwilu, aliikupa ishipeelwa.

Matayi 7:11

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

uLuuka 15:18

Ishi kwe mbwele kwa taata nu kumuvhuuzya kuuti, “We taata, mbomvile uvhutalamalandu kwa Mulungu na kuli iwe.

uLuuka 15:21

Pe umwana ula, ahamuvhuuzya utaata waakwe ahati, ‘We taata, mbomvile uvhutalamalandu kwa Mulungu na kuli iwe. Ntahondeeye kuvha ne mwana waaho havhili.’

uLuuka 2:14

“Ashindikwaje uMulungu uMupiti uwa ku Mwanya, vhwope uvhutehamu vhuvhanje mu nsi ku vhantu vhe avhitisile.”

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

VaGalati 1:1

Ukalaata uno nsimvile neene ne Paavhuli ne mutumwa. Ine ntátumiilwe na vhantu, poosye kusaavhulwa nu muntu wonti, nátumiilwe nu Yeesu Chilisiti, nu Taata uMulungu we ámuzyusiizye uYeesu.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

1 Timoti 6:16

Uweene weeka we atakufwa, akutendama mu vhuzelu vhwe naawumo atangavhupalamila. Ataliipo umuntu we ahamulola, havhili ataliipo we ahondeeye kumulola. Uweene wa mushinzi na maha aga shiima! Amina!

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.

Ishitushizya 4:11

“Uhondeeye iwe, MWENE wiitu Mulungu, kuposheela uvhushindamu, nu mushinzi na maha. Mwe pe wápezile ivintu vwonti, na ku lukasamo lwaho vihapelwa, havhili viliipo.”

Ishitushizya 5:12

Vhahimba kwi izwi ipiti vhahati, “AHagonzi aha MWENE uMulungu he hávholiilwe hahondeeye kuposheela amaha amasisya nu vhudumbwe, nu vhushindamu uvhwa njeele na maha, nu mushinzi nu vhushindamu ni ntiimo!”