Matayi 6:5 - ULufingwi uLupwa

⁵ “Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

Tesitamenti Umupwa 1965

⁵ Pope lwe mukuputa mutahaputaje inza she vakuputʼavalumilenga. Avene vakuyisevelʼukwimilila mumasinagogi namunkomano zya madala ga munkaya, she vakuti vatulolajʼavantu. Nalyoli lyoli nkuvavuzya nkuti: Vayinyatuliye nzila iṿwa kuvalipila.

Matayi 6:5 ပူးပေါင်းရင်းမြစ်များ

Matayi 21:22

Inga muli nu lwitiho, vwonti vwe mukulaavha lwe mukupuuta, muliposheela.”

Matayi 23:13

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Ku nsambiilizyo zyinyu mukuvhadindila avhantu kwinjila mu vhumwene uvhwa Mulungu. Niimwe mweneemwe mutakwinjila, havhili mutakuvhitishila vhe vhakwanza kwinjila.

Matayi 23:5

Avheene imbombo zyavho zyonti vhakuvhomba, inga avhantu vhavhalole. Nkuyanga vhwevhulo, mwe pe avheene vhakuzwala pa vweni na mu nyoovhe utubuguulu utupiti utwa makwembe kuluusya utwa vhanji, havhili vhakutalimfwa utusampala utwa menda gaavho kuluusya avhanji.

Matayi 23:6

Pa mulyo, vhakusungwa kutendama pa vitengo ivwa vhapiti na mu masinagoogi vhakusungwa kutendama pa vitengo ivwa pilongolela.

Matayi 6:1

“Yeenya, mutavhombaje inyinza pilongolela ilya vhantu, inga vhavhalole, mwe pe inga mukuvhomba vhwevhulo, te muhaposheele ishipeelwa kufuma kwa Taata wiitu uwa ku mwanya.

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:2

Ishi lwe mukuvhaavwa avhapiina, mutakumusyaje ku vhantu inza vwe avhashifumbo vhakuvhomba mu masinagoogi na mu madala, inga avhantu vhavhatiime. Nalyoli nkuvhavhuuzya kuuti, vhaposheleeye ivipeelwa vwavho.

Matayi 9:38

Ishi mumulaavhe uMwene umuhaata viyavho, avhatume avhahavuna avha viyavho vwakwe.”

Maliko 11:25

Lwe mukwimiilila kupuuta, inga umuntu wonti avhavhombeeye ivhiivhi mumuswilaje, inga uTaata wiitu uwa ku mwanya avhaswilaje niimwe uvhupuvi vhwinyu.”

Maliko 12:38

UYeesu ahasambilizyaga havhili ahatinji, “Muvhe minso na vhasambiilizi avha ndajizyo, vhe vhakusungwa kutandaala vhazwaye inkanzu, inga avhantu vhavhalamuhaje ku mushinzi mu madala.

uLuuka 11:43

Mwasheela imwe Vhafalisaayi, mwe pe mukusungwa kutendama mu vitengo ivwa pilongolela mu masinagoogi. Havhili, mukusungwa kuuti avhantu vhavhalamuhaje ku mushinzi mu madala.

uLuuka 18:1

UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

uLuuka 18:13

“Ileelo umusonchezya musonko ula áyimiliiye ukutali, atálinjiziizye poosye kwenya ku mwanya, ahayihomaga-homaga pa shifuvha shaakwe kuyiisya, ahatinji, ‘We Mulungu, umfwile uvhwila, ine ne mutalamalandu!’”

uLuuka 20:47

Avhantu ivha vhakuvhafwula ivintu avhaziishe! Ku shifumbo shaavho, vhakupuuta impuuto intali, inga avhantu vhatinji vhagolosu. Kuli izyo, uMulungu aliivhapa isunde ipiti!”

uLuuka 6:24

Ileelo mwasheela imwe vhadumbwe, mwe pe muluposheleeye uluseshelo lwinyu nziila.

Yohani 16:24

Kufishila ishi mutalaavile naashimo kwi izina lyane. Mumulaavhaje uMulungu, pe woope kwe avhapanje. Kwi idala ilyo, kwe mujendeelele kuvha nu luseshelo nkaani mu mooyo giinyu.”

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

1 VaTesaloniki 5:17

havhili mulaavhaje amanda gonti.

Yakobu 4:6

Pooka niizyo, uweene akwonjezya kutufwila uvhwila. Ye nongwa yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo vhe vhakuyiisya, akuvhafwila uvhwila.”