Matayi 6:28 - ULufingwi uLupwa

²⁸ “Shooni she mukuyitamwa kuuti kwe muzwale ishooni? Yeenyi uvhwezya uvhwa mwi ilaala vwe vhukubaalula, vhutakuvhomba imbombo, poosye kusona amenda aga kuzwala.

Tesitamenti Umupwa 1965

²⁸ Namenda ga kuzwala mukukutana shonu? Simunyatulʼinjele muvwezya vwa mwilala she vukumela. Shʼuvwene vutakuyimbʼimbombo, vutakupota.

Matayi 6:28 ပူးပေါင်းရင်းမြစ်များ

Matayi 10:10

Mutahanyatule imbuguulu, poosye amenda aga kugalulanya, poosye ivilyatu, poosye indoogo, mwe pe umuvhomvi akwanzilwa kuposheela ishaakulya kufuma mu mbombo yaakwe.

Matayi 6:25

“Pe ishi, nkuvhavhuuzya kuuti, mutayitamwaje ni zya vhulanzi vhwinyu kuuti, kwe mulye ishooni, poosye kuuti kwe mumwele ishooni, poosye ni zya mavhili giinyu kuuti kwe muzwale ishooni. Nkuvhavhuuzya vhwevhulo, mwe pe uvhulanzi vhuli ni nsavho kuluusya ishaakulya, woope umuvhili wuli ni nsavho kuluusya amenda.

Matayi 6:27

Wu naanu muli imwe we kuyitamwa kwakwe kungonjezya uvhulanzi vhwakwe poosye isaala inga lyoka?

Matayi 6:31

“Pe ishi, mutayitamwaje kuuti, ‘Kwe tulye ishooni,’ poosye kuuti, ‘Kwe tumwele ishooni,’ poosye nu kuuti, ‘Kwe tuzwale ishooni.’

uLuuka 10:41

UMwene uYeesu ahamwamula ahati, “Maalita, shooni she ukupwunga nu kuyimba ni nyinji?

uLuuka 12:11

“Lwe vhavhatwala kuvhalonga mu masinagoogi, poosye pilongolela apa vhe vhakukonzya na vha maha avhanji, mutogopaje kuuti muliyaamula ishooni, poosye kuuti muliyanga ishooni.

uLuuka 12:22

Pe uYeesu ahavhavhuuzya avhasundikwa vhaakwe ahati, “Ishi, nkuvhavhuuzya kuuti, mutayitamwaje ni zya vhulanzi vhwinyu kuuti kwe mulye ishooni, poosye ni zya mavhili giinyu kuuti kwe muzwale ishooni.

uLuuka 12:27

“Yeenya uvhwezya vwe vhukubaalula. Vhutakuvhomba imbombo poosye kusona amenda aga kuzwala. Ileelo nkuvhavhuuzya kuuti, poosye umwene uSolomooni nu vhushindamu vhwakwe vhwonti, atázwaye ahinza naalumo amenda nu kuhondela inza uvhwezya uvhwo!

uLuuka 3:11

UYoohani ahavhaamula ahati, “We ali na menda gavhili aamupe umwenda wooka we atali nawo, woope we ali ni shaakulya aamupe we atali nasho.”

Filipi 4:6

Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

1 Peteli 5:7

Mumuleshele uMulungu intamwo zyinyu zyonti, mwe pe uweene akuvhasaajila.