Matayi 6:10 - ULufingwi uLupwa

¹⁰ Zye ukasiime, zivhombeshe mu nsi umu, inza vwe zikuvhombeha ku mwanya ukwo.

Tesitamenti Umupwa 1965

¹⁰ uvumwene vwaho vwinzaje, zyʼukasimʼiwe zye zivombelwaje napansʼipa fwe kwe kumwanya.

Matayi 6:10 ပူးပေါင်းရင်းမြစ်များ

Matayi 12:50

Umuntu wonti we akuvhomba zye uTaata waane uwa ku mwanya akwanza, uyo we munine waane, havhili we wu maayi waane.”

Matayi 16:28

Nalyoli nkuvhavhuuzya kuuti, vhaliipo vhamo vhe vhimiliiye ipa, te vhahaafwe, she vhatambwenyi ne Mwana wa Aadamu lwe nkwinza mu vhumwene vhwane.”

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 4:17

Kufuma ahavhaliilizyo iho, uYeesu ahataliha kukumusya kuuti, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 7:21

“Te vhonti vhe vhakuyanga kuuti, ‘We Mwene,’ vhaliyinjila mu vhumwene uvhwa Mulungu, nkandi umuntu we akuvhomba zye uTaata waane uwa ku mwanya akwanza, we aliyinjila.

Maliko 11:10

Vhulosiitwe uvhumwene uvhwa taata wiitu uDaavhudi vhwe vhukwinza. Ashindikwaje uMulungu uMupiti uwa ku Mwanya!”

Maliko 3:35

Umuntu wonti we akuvhomba zye uMulungu akwanza, uyo we munine waane havhili we wu maayi waane.”

uLuuka 19:11

Avhantu vhe vhahamutejelezyaga uYeesu vhahasiivhaga kuuti uvhumwene uvhwa Mulungu vhupalamiiye, mwe pe vhápalamiiye kufiha ku Yelusaleemu. Pe uYeesu ahavhavhuuzya ku shiholanyo ahati,

uLuuka 19:38

vhahatinji, “Alosiitwe uMwene we akwinza kwi izina ilya MWENE uMulungu! Ishi kuvhe uvhutehamu nu vhushindamu ku mwanya.”

uLuuka 22:42

“We Taata! Inga ukasiime, nkulaavha uneefwezye amayimba iga. Ileelo te kuuti zivhombeshe zye ine nkasiime, nkandi zivhombeshe zye weneewe ukasiime!”

Yohani 4:34

UYeesu ahavhaamula ahati, “Ishaakulya shaane ine, kwe kuvhomba ulukasamo ulwa Taata we ansonteleziizye kumaliilizya imbombo yaakwe.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 7:17

Umuntu wonti we akwanza kuvhomba zye uMulungu akasiime, akumanya kuuti insambiilizyo izi zifumile kwa Mulungu, havhili akumanya kuuti ntakuyanga ku maha gaane.

iMbombo izya Vhatumwa 13:22

Pe uMulungu ahamwefwa uSaavhuli, ahamusaavhula uDaavhudi avhe wu mwene waavho. UDaavhudi uyo, uMulungu ahamuhomeshezya ahati, ‘Namulola uDaavhudi umwana wa Yeese, akuwuhondezya umwoyo waane, havhili we kwe avhombaje zyonti zye nkwanza zivhombeshe.’

iMbombo izya Vhatumwa 21:14

Lwe twalola kuuti uPaavhuli atakwitiha, tutahayanga nkaani, tuhati, “Zye uMwene uYeesu akasiime zye zivhombeshe.”

iMbombo izya Vhatumwa 22:14

“Pe ahambuuzya ahati, ‘UMulungu uwa vhataata vhiitu akusavhuuye iwe, inga umanye ulukasamo lwakwe nu kumulola uMuvhomvi waakwe uMugolosu nu kumwivwa lwe akuyanga wuuyo.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

VaEfeso 6:6

Mutavhavhombelaje ahinza lwe vhakuvhalola vhweleele, inga vhavhatiime, nkandi muvhavhombelaje fwe mwe vhavhomvi avha Chilisiti, muvhombaje ku mwoyo wonti inza vwe uMulungu akwanza.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

Kolosi 1:9

Kuli izyo, kufuma ahavhaliilizyo he twívuuye inongwa zyinyu, tukuvhalavhilaga insiku zyonti. Tukulaavha kuuti uMulungu aavhape uvhumanyi vhwonti ku ziila zye uweene akwanza, nu vhushindamu uvhwa njeele nu vhumanyi kufuma kwa Mupepo uMufinjile.

1 VaTesaloniki 4:3

UMulungu akwanza muvhe mwe vhafinjile, kwe kuuti mutavhombaje uvhulugusu.

1 VaTesaloniki 5:18

Mumusalifwaje uMulungu mu zyonti, mwe pe izyo zye uweene akwanza muzivhombaje inza vwe uChilisiti uYeesu atulolesiizye.

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

VaHebuli 10:36

Yeenya, mukwanzilwa kujimbiilila kuvhomba ulukasamo ulwa Mulungu, inga muhaposheele ziila zye uMulungu áfinzile kuuvhapa.

VaHebuli 10:7

Pe nkati, ‘We Mulungu! Ishi ine ninzile inga mbombe ulukasamo lwaho, inza vwe yisimviilwe mu Vhusimbe uVhufinjile ku zyane.’”

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

1 Peteli 2:15

Nkuyanga vhwevhulo, mwe pe uMulungu akwanza muvhombaje inyinza, inga avhapukupuuku vhe vhatamumanyile uweene, vhatavhanje ni lya kuvhakwinkwina.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 12:10

Pe nkiivwa izwi ipiti kufuma ku mwanya likuti, “Ishi, uMulungu wiitu avhaposile avhantu vhaakwe! Ishi alolesya amaha gaakwe nu kukonzya fwe wu mwene! Havhili uChilisiti waakwe alolesya amaha gaakwe! Yeenya, uMikayeeli na vhahavhizya vhaakwe vhamusumbiiye pansi umulonjeelezi uwa vhamwitu, uweene we akuvhalonjeelela kwa Mulungu wiitu, uvhusiku nu musanya.

Ishitushizya 19:6

Pe nkiivwa izwi ngati lizwi lya ivhungaana ipiti ilya vhantu, havhili ngati lya minzi aminji ge gakwiha ku maha, havhili ngati lya kujilima ukupiti lihati, “Haleluuya! Mwe pe uMWENE wiitu uMulungu uwa Maha Gonti akonzya!

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.