Matayi 5:7 - ULufingwi uLupwa

⁷ Vhalosiitwe vhe vhali nu vhwila, mwe pe uMulungu alivhafwila uvhwila.

Tesitamenti Umupwa 1965

⁷ Vasangalusu vuvo vʼulupepelezyo lukuvalema muhati, she valiyagʼulupepelezyo vope.

Matayi 5:7 ပူးပေါင်းရင်းမြစ်များ

Maliko 11:25

Lwe mukwimiilila kupuuta, inga umuntu wonti avhavhombeeye ivhiivhi mumuswilaje, inga uTaata wiitu uwa ku mwanya avhaswilaje niimwe uvhupuvi vhwinyu.”

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

VaLoma 11:30

Hali imwe mutahamushindihaga uMulungu, ileelo ishi muposheleeye uvhwila, kwi idala ilya Vhaisilayeeli kuleha kumushindiha.

1 VaKolinti 7:25

Ishi, avhalindu vhe vhatimaliilwe, ntali nu lulajizyo kufuma kwa Mwene uYeesu. Ileelo nkuvhapanzya ku nsiivho zyane ine ne uMulungu ambiisile kuvha ne mutungamu kwi idala ilya vhwila uvhwa Mwene uYeesu.

2 VaKolinti 4:1

Ishi, mwe pe uMulungu ku vhwila vhwakwe atupiiye imbombo ino, tutakuvunziha umwoyo.

VaEfeso 4:32

nkandi mufwilanaje uvhwila nu kuvha nu mwoyo umwinza. Muswilanaje inza vwe uMulungu ahavhaswila kutuushila kwa Chilisiti.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.

1 Timoti 1:16

Ileelo uMulungu ámfwiliiye uvhwila, inga uYeesu Chilisiti avhalolesye uvhujimbiilizu vhwakwe vhwonti ku kwane, kuuti mbe ne shiholanyo ku vhaala vhonti vhe vhalimwitiha, inga vhahavhwaje uvhulanzi uvhwa shiima.

VaHebuli 4:16

Kuli izyo, tupalamile ku vhudandamazu pilongolela ilya Mulungu we ali nu vhwila, inga atuswile nu kutufwila uvhwila ahavhaliilizyo he tuli mu ntamwo.

VaHebuli 6:10

Mwe pe uMulungu mugolosu, atangaziluvwa imbombo inyinza zye mukuzivhomba. Havhili atangashiluvwa ishikunzi she mwáshilolesiizye ku kwakwe kuvhaavwa avhafinjile avhamwinyu kufuma ku vhwandilo kufishila ishi.

Yakobu 2:13

UMulungu te ahaavhe nu vhwila, lwe akumulonga umuntu we atali nu vhwila. Inga umuntu ali nu vhwila ku vhanji, woope uMulungu alimufwila uvhwila pi isiku ilya vhulonzi!

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Peteli 2:10

Hali mutáamile mwe vhantu vha Mulungu, ileelo ishi mwavha mwe vhantu vhaakwe. Havhili mutáposheleeye uvhwila uvhwa Mulungu, ileelo ishi muposheleeye.