Matayi 5:6 - ULufingwi uLupwa

⁶ Vhalosiitwe vhe vhali ni nzala ni shinyooto isha vhugolosu, mwe pe vhaliyiikuta.

Tesitamenti Umupwa 1965

⁶ Vasangalusu ve ninzala nishinyoto sha vugolosu shikuvaluma, she valiyikuta.

Matayi 5:6 ပူးပေါင်းရင်းမြစ်များ

uLuuka 1:53

Vhe vhali ni nzala, avhapiiye ivintu ivwinza ku vhwinji, ileelo avha vwuma ivwinji avhashimbiziizye inyoovhe zyeka.

uLuuka 6:21

Mulosiitwe imwe, mwe muli ni nzala ahavhaliilizyo iha, mwe pe muliyiikuta. Mulosiitwe imwe, mwe mukukuuta ahavhaliilizyo iha, mwe pe muliseshela.

uLuuka 6:25

Mwasheela imwe, mwe mukwikuta ahavhaliilizyo iha, mwe pe muliivha ni nzala. Mwasheela imwe, mwe muli nu luseshelo ahavhaliilizyo iha, mwe pe mulikuuta nu kuloosya.

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

Yohani 7:37

Isiku ilya vhusililishilo ilya shikulukuulu isha vwegwi, lyáli lisiku ipiti nkaani. Pe uYeesu ahimiilila pa Nyumba iMfinjile, ahayanga kwi izwi ipiti ahati, “Umuntu wonti we ali ni shinyooto, ayinze ku kwane amwele.

Ishitushizya 7:16

Te vhahaalole inzala naalumo poosye ishinyooto, havhili izuvha te lihavhooshe poosye ilunguula.