Matayi 5:46 - ULufingwi uLupwa

⁴⁶ Inga mukuvhakunda vhe vhe vhakuvhakunda imwe, pe muliposheela malipilo vhuli? Avhasonchezya musonko vhoope vhakuvhakunda vhaala vhe vhakuvhakunda avheene!

Tesitamenti Umupwa 1965

⁴⁶ Apene inga muvakunzite vuvo ve vavakunzite namwe, pe mulonsilʼamalipilo vuli? Avenʼavasonkolamusonko amwe vatakuhonzya vovulo?

Matayi 5:46 ပူးပေါင်းရင်းမြစ်များ

Matayi 11:19

Niine ne Mwana wa Aadamu ninzile, nkulya nu kumwela, avheene vhakuti, ‘Uno mupafu havhili wu shimwela. Havhili mumanyani uwa vhasonchezya musonko na vhatalamalandu avhanji!’ Ileelo uvhushindamu uvhwa njeele vhukuloleha kuuti vhwa nalyoli ku vhugolosu uvhwa mbombo zyakwe.”

Matayi 18:17

Inga atavhatejeelezya vhoope ivho, usogole ushivhuuzye ishivhanza. Inga atashitejeelezya ni shivhanza, pe shimuvhiishe inza we atamwitisile uMulungu, poosye inza umusonchezya musonko.”

Matayi 5:47

Havhili, inga mukuvhalamuha vhe vhamwinyu vhweleele, pe mukuvhomba ishooni isha kuluusya? Yeenya, vhe te Vhayuuda vhoope vhakuvhomba vhwevhulo!

Matayi 6:1

“Yeenya, mutavhombaje inyinza pilongolela ilya vhantu, inga vhavhalole, mwe pe inga mukuvhomba vhwevhulo, te muhaposheele ishipeelwa kufuma kwa Taata wiitu uwa ku mwanya.

Maliko 2:15

Pe uYeesu ahasogola kulya ishaakulya kwa Laawi. Vhoope avhasonchezya musonko na vhatalamalandu avhamwavho avhinji vhahatendama kulya ishaakulya pooka nu Yeesu na vhasundikwa vhaakwe, mwe pe vháali vhinji vhe vhahamulandataga.

Maliko 2:16

Avhasambiilizi avha ndajizyo izya Moose vhe vháali Vhafalisaayi, lwe vhaalola uYeesu akulya na vhantu vhaala, vhahavhakwinkwina avhasundikwa vhaakwe vhahati, “Shooni she akulya na vhasonchezya musonko na vhatalamalandu?”

uLuuka 15:1

Isiku limo, avhasonchezya musonko na vhatalamalandu avhanji avhinji, vhahapalamilaga kwa Yeesu, kumutejeelezya.

uLuuka 18:13

“Ileelo umusonchezya musonko ula áyimiliiye ukutali, atálinjiziizye poosye kwenya ku mwanya, ahayihomaga-homaga pa shifuvha shaakwe kuyiisya, ahatinji, ‘We Mulungu, umfwile uvhwila, ine ne mutalamalandu!’”

uLuuka 19:2

Mu nkaaya iyo, mwáli umuntu wumo, we vhahatinji uZakaayo. UZakaayo áamile mupiti uwa vhasonchezya musonko, havhili áamile wu dumbwe.

uLuuka 19:7

Avhantu vhonti vhe vhámuvhwenyi uYeesu lwe akwinjila muula, vhahanda kukwinkwina, vhahati, “Shooni she asogola kutendama mwa muntu umutalamalandu!”

uLuuka 3:12

Vhoope avhasonchezya musonko vhe vhínzile kuuti vhoozelwe, vhahamuvhuziilizya uYoohani vhahati, “Musambiilizi, niiswe tuhonzye vhuli?”

uLuuka 5:29

Ahamusenganizanya uYeesu umulyo mu nyumba yaakwe. Vhoope avhasonchezya musonko ni ivhungaana ipiti na vhantu avhanji, vhátendiime kulya ishaakulya pooka nawo.

uLuuka 5:30

Avhasambiilizi avha ndajizyo izya Moose na Vhafalisaayi, vhahanda kuvhakwinkwina avhasundikwa avha Yeesu, vhahatinji, “Shooni she mukulya nu kumwela pooka na vhasonchezya musonko na vhatalamalandu?”

uLuuka 7:29

Avhantu vhonti, pooka na vhasonchezya musonko, lwe vhiivwa amazwi igo aga Yeesu, vhahiitiha kuuti uMulungu wa nalyoli. Ivho vhonti vhózeliilwe nu Yoohani.

uLuuka 7:34

Niine ne Mwana wa Aadamu ninzile, nkulya nu kumwela. Imwe mukuti, uno mupafu, havhili wu shimwela! Havhili mukuti, mumanyani uwa vhasonchezya musonko na vhatalamalandu avhanji!