Matayi 5:45 - ULufingwi uLupwa

⁴⁵ Ipo pe muliivha mwe vhaana vha Taata wiitu uwa ku mwanya. Uweene akuvhalamwizya izuvha avhantu avhavhiivhi na vhinza. Havhili, akuuvhapa imvula avhagolosu na vhe te vhagolosu.

Tesitamenti Umupwa 1965

⁴⁵ Pe mukuva mwe vana va So wa kumwanya. Shʼuwenʼizuva lyakwe akuvatukuzizya navavivi navinza, imṿula yakwe akuvatonyelezya navagolosu navagombanu.

Matayi 5:45 ပူးပေါင်းရင်းမြစ်များ

Matayi 5:9

Vhalosiitwe vhe vhakuvhakundanya avhamwavho, mwe pe uMulungu alivhiita kuuti vhaana vhaakwe.

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

Yohani 13:35

Inga mukukundana, pe avhantu vhonti kwe vhamanye kuuti mwe vhasundikwa vhaane.”

iMbombo izya Vhatumwa 14:17

Ileelo atahaleha kulolesya kuuti ali pooka navho, mwe pe ahavhavhombelaga inyinza. Ahavhapanga imwe imvula ni viyavho ku havhaliilizyo he hahondeeye, havhili, ahavhapanga ishaakulya isha kuvhakwila nu kugiizuzya amooyo giinyu uluseshelo.”

VaEfeso 5:1

Ishi mulandataje ishiholanyo isha Mulungu, mwe pe mwe vhaana vhaakwe mwe avhakunzite nkaani.

Filipi 2:15

Muvhe mwe vhaana avha Mulungu vhe vhalunjisile, havhili vhe vhazelufile. Mutahaavhe nu lukwinkwino, poosye uvhunanzi mu vhantu avha havhaliilizyo iha aha lukaani nu vhupuvi. Mu vhantu ivho, imwe mukuloleha inza uvhuzelu mu nsi.

1 Yohani 3:9

Umuntu wonti we mwana wa Mulungu, atakuvheelela kuvhomba uvhutalamalandu, mwe pe ishiholanyo isha Mulungu shili muhati yaakwe. Atangavheelela kuvhomba uvhutalamalandu, mwe pe uweene mwana wa Mulungu.