Matayi 5:29 - ULufingwi uLupwa

²⁹ Ishi inga ilyinso lyaho ilya kundiilo likukupelela kuuti uvhombe uvhutalamalandu, ulifwonkole nu kulisumba. Yeenya, kwashi kushiteezya ishipelwa shaaho shooka isha mu muvhili waaho, kuluusya kuuti umuvhili waaho wonti wuhasumbwe mwi ipalaazya ilya mwoto uwa shiima.

Tesitamenti Umupwa 1965

²⁹ Ilelʼingʼilyinso lyaho lya kumulilo likukupuṿwʼiwe, pʼulyipe ulitagaje. She pʼukuva we mwinza, inga hakufwa ahantu hoka aha mumuvili waho, ukuti uwenʼumuvili waho wonti atahatajilwe mugehena.

Matayi 5:29 ပူးပေါင်းရင်းမြစ်များ

Matayi 10:28

Mutavhogopaje vhe vhakugoga we muvhili vhweleele, nkandi mumwogopaje uMulungu we akulovwa nziila mwi ipalaazya ilya mwoto!

Matayi 11:6

Alosiitwe umuntu we akuniitiha ine ishisita amaganigani.”

Matayi 16:26

Ishi umuntu angalyaga lilonka vhuli, inga avhiiha insi yonti yavha yaakwe, ileelo avhuteezya uvhulanzi vhwakwe? Poosye umuntu angaafumwa shintu vhuli kuvhutavhula uvhulanzi vhwakwe?

Matayi 17:27

Ileelo inga tutahavhaviisye avhantu ivha, sogoola usikule mwa sumbi. Inswi iya kwanda ye waalema, uyibangatule ilomu. Umwo kwe uyaaje impiiya. Uyinyatule impiiya iyo, usogole usonche umusonko uwaane nu waaho.”

Matayi 19:12

Yeenya, vhamo vhatakwimala, mwe pe vhapaase kufuma kupaapwa kwavho. Avhamwavho vhatakwimala, mwe pe avhantu vhavhapaasile. Havhili avhamwavho vhatakwimala, inga vhavhe na havhaliilizyo ahapiti aha kuvhomba imbombo iya vhumwene uvhwa Mulungu. Umuntu wonti we angaliposheela izwi ili, aliposheele.”

Matayi 23:15

“Mwasheela imwe mwe vhasambiilizi avha ndajizyo izya Moose, niimwe mwe Vhafalisaayi, mwe vhashifumbo imwe! Mukuzyunguula nkaani mu nsi inyuumu nu kulamba usumbi kumulondola umuntu kuuti ayinjile mu shipuuto isha Vhayuuda. Ileelo inga ayinjila, pe mukumuteezya nkaani nu kumuvhiiha kuvha wa mwi ipalaazya ilya mwoto kuvhaluusya imwe.

Matayi 23:33

“Mwe njoha imwe! Mwe vhaana vha njoha imwe! Muliipona vhuli isunde ilya kusumbilwa mwi ipalaazya ilya mwoto?

Matayi 5:22

Ileelo ine nkuvhavhuuzya kuuti, umuntu wonti we akumuviitilwa uwamwavho, akwanzilwa kupeelwa isunde. Havhili, wonti we akumuliga uwamwavho kuuti we mupukupuuku, akwanzilwa kulongwa pa lukuvhato. Woope we akumutipa uwamwavho, akwanzilwa kusumbilwa mwi ipalaazya ilya mwoto uwa shiima!

Matayi 5:30

Havhili, inga inyoovhe yaaho iya kundiilo yikukupelela kuuti uvhombe uvhutalamalandu, uyidumule. Yeenya, kwashi kushiteezya ishipelwa shaaho shooka isha mu muvhili waaho, kuluusya kuuti umuvhili waaho wonti kusumbilwa mwi ipalaazya ilya mwoto uwa shiima.”

Maliko 8:36

Ishi umuntu angalyaga lilonka vhuli, inga avhiiha insi yonti yavha yaakwe, ileelo avhuteezya uvhulanzi vhwakwe?

uLuuka 12:5

Ileelo imbavhuuzye we mukwanzilwa kumwogopa. Mumwogopaje uMulungu, mwe pe uweene inga amugoga umuntu, ali na maha havhili aga kumusumbila kwi ipalaazya ilya mwoto uwa shiima! Nalyoli nkuvhavhuuzya kuuti, uyo we mukwanzilwa mumwogopaje!

VaLoma 6:6

Tumanyile kuuti uvhuntu vhwitu uvhwa hali vhwáhomeliilwe pooka nu Chilisiti pa shihovhenkanyo, inga amaha aga vhuntu uvhwo uvhwa hali galovhe, tutahaavhe twe vhazya avha vhutalamalandu havhili.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

1 VaKolinti 9:27

Ileelo nkuwuyimvwa nu kuwuvheelezya umuvhili waane kujimbiilila, inga lwe navhakumusizya avhanji Izwi iLyinza, uMulungu atahinze ankaane.

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

Kolosi 3:5

Pe ishi, muleshe kuvhombela amavhili giinyu imbombo izya mu nsi. Muzilovwe nziila imbombo izyo! Izyenezyo, vhulugusu nu vhuvhembu nu vhumalaaya ni mpapilo imbiivhi izya mavhiila mu mavhiila. Kupapila she shooka ni shipuuto isha viholanyo.