Matayi 5:22 - ULufingwi uLupwa

²² Ileelo ine nkuvhavhuuzya kuuti, umuntu wonti we akumuviitilwa uwamwavho, akwanzilwa kupeelwa isunde. Havhili, wonti we akumuliga uwamwavho kuuti we mupukupuuku, akwanzilwa kulongwa pa lukuvhato. Woope we akumutipa uwamwavho, akwanzilwa kusumbilwa mwi ipalaazya ilya mwoto uwa shiima!

Tesitamenti Umupwa 1965

²² Nkandʼine nkuvavuzya nkuti: Uno wengʼakumuṿitililwʼuwamwavo, we wa kulongwa, uno wengʼakumusufwʼuwamwavo akuti we njunjʼiwe, wʼatazilʼumulandu wa kulongwa mubalaza, uno wengʼakuligʼuwamwavo akuti we lipukupuku, we wakutajilwa mugehena lya mwoto.

Matayi 5:22 ပူးပေါင်းရင်းမြစ်များ

Matayi 10:17

Muvhe minso na vhantu, mwe pe vhalivhatwalaga kulongwa pa lukuvhato nu kuhomwa mu masinagoogi gaavho.

Matayi 10:28

Mutavhogopaje vhe vhakugoga we muvhili vhweleele, nkandi mumwogopaje uMulungu we akulovwa nziila mwi ipalaazya ilya mwoto!

Matayi 12:24

Ileelo lwe aVhafalisaayi vhiivwa izyo, vhahayanga vhahati, “Umuntu uno akushimbizya impepo inkandamanu ku maha aga Belizabuuli, umupiti uwa mpepo inkandamanu!”

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 18:21

Pe uPeeteli ahasogola kwa Yeesu, ahamuvhuziilizya ahati, “We Mwene, inga uwamwitu ambombela uvhutalamalandu, nkwanzilwa imuswilaje lulinga? Vhuli, poosye mala 7?”

Matayi 18:35

Pe uYeesu ahati, “Niimwe uTaata waane uwa ku mwanya alivhavhombela vhwevhulo, inga mutakuvhaswila mu mooyo giinyu avhamwinyu amalandu gaavho.”

Matayi 23:15

“Mwasheela imwe mwe vhasambiilizi avha ndajizyo izya Moose, niimwe mwe Vhafalisaayi, mwe vhashifumbo imwe! Mukuzyunguula nkaani mu nsi inyuumu nu kulamba usumbi kumulondola umuntu kuuti ayinjile mu shipuuto isha Vhayuuda. Ileelo inga ayinjila, pe mukumuteezya nkaani nu kumuvhiiha kuvha wa mwi ipalaazya ilya mwoto kuvhaluusya imwe.

Matayi 23:33

“Mwe njoha imwe! Mwe vhaana vha njoha imwe! Muliipona vhuli isunde ilya kusumbilwa mwi ipalaazya ilya mwoto?

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 26:59

Pe avhapiti avha vhapuuti nu lukuvhato lwonti ulwa Vhayuuda, vhahanda kulondola avhahoome avha kuhomeshezya izya ilenga, inga vhalyaje idala ilya kumugoga uYeesu.

Matayi 3:17

Izwi ilya Mulungu lihivwiha kufuma ku mwanya lihati, “Uno we Mwana waane unkundwa we nkuhondezelwa nawo.”

Matayi 5:34

Ileelo ine nkuvhavhuuzya kuuti, mutalapaje kwi izina ilya ku mwanya, mwe pe isho she shitengo isha vhumwene isha Mulungu,

Matayi 5:44

Ileelo ine nkuvhavhuuzya kuuti, muvhakundaje avhalugu vhiinyu. Havhili, muvhalavhilaje uvhuloote kwa Mulungu vhonti vhe vhakuvhayimvwa.

Maliko 14:55

Pe avhapiti avha vhapuuti nu lukuvhato lwonti ulwa Vhayuuda, vhahanda kulondola uvhwahoome uvhwa kumulonga uYeesu, inga vhamugoje, ileelo vhatahavhwaga.

Maliko 15:1

Lwe kwasha, avhapiti avha vhapuuti na vhasongo avha Vhayuuda na vhasambiilizi avha ndajizyo nu lukuvhato lwonti vhahapanzanya. Vhahamukunga uYeesu nu kumutwala kwa mupiti waavho uMuluumi we izina lyakwe vhahatinji uPilaato.

uLuuka 12:5

Ileelo imbavhuuzye we mukwanzilwa kumwogopa. Mumwogopaje uMulungu, mwe pe uweene inga amugoga umuntu, ali na maha havhili aga kumusumbila kwi ipalaazya ilya mwoto uwa shiima! Nalyoli nkuvhavhuuzya kuuti, uyo we mukwanzilwa mumwogopaje!

uLuuka 22:66

Lwe kwasha, avhasongo avha Vhayuuda na vhapiti avha vhapuuti na vhasambiilizi avha ndajizyo, vhahavhungaana. Vhahamuleeta uYeesu pilongolela lyavho, vhahati,

Yohani 11:47

Pe avhapiti avha vhapuuti na Vhafalisaayi vhahavhungaana pa lukuvhato lwe vhahatinji iSaniheediliini, vhahavhuzilizanya vhuuvho vheeka vhahati, “Vhuli, tuvhombe ishooni? Yeenya, umuntu uno akuvhomba ivilolesyo ivwinji.

Yohani 15:25

Izi zivhombesile, inga amazwi ge gasimviilwe mu Vhusimbe uVhufinjile galunjishe, mwe pe yisimviilwe kuuti, ‘Vhámuvitiliilwe vhweleele.’

Yohani 7:20

Ivhungaana ilya vhantu lihamwamula lihati, “Iwe uli ni mpepo inkandamanu! Vhuli, wu naanu we akwanza kukugoga?”

Yohani 8:48

AVhayuuda vhaala vhahamuvhuziilizya uYeesu vhahati, “Vhuli, tutakuyanga uvhwanalyoli lwe tukuti iwe we Musamaliya nu kuuti uli ni mpepo inkandamanu?”

iMbombo izya Vhatumwa 17:18

Mu nsokooni umwo, mwámile avhasambiilile vhamo vhe vhahatinji aVhaepikuleewo na Vhasitoyiiki. Ivho vhahanda kuvhuzilizanya nu Paavhuli. Vhamo vhahati, “Umuntu we akuyangaana uno akwanza kuuti vhuli?” Vhamo vhahati, “Yikuloleha kuuti akulumbiilila izya vhalungu avhajeni.” Vháyanzile isho, mwe pe uPaavhuli ahalumbililaga Izwi iLyinza kuzya Yeesu nu kuzyuha.

iMbombo izya Vhatumwa 22:30

Lwe kwasha, umupiti uwa vhasikaali ahanzaga kumanya kuuti shooni she aVhayuuda vhámulonjeleeye uPaavhuli, pe ahamusatula. Ahalajizya kuuti avhapiti avha vhapuuti pooka nu lukuvhato lwonti vhavhungaane. Pe ahamuleeta uPaavhuli, ahamwimiilisya pilongolela lyavho.

iMbombo izya Vhatumwa 23:1

UPaavhuli ahavhatontomela avhantu ivho avha mu lukuvhato, ahavhavhuuzya ahati, “Vhamwitu, kufishila ileelo ili indi she ntendiime nu mwoyo umwinza pilongolela ilya Mulungu.”

iMbombo izya Vhatumwa 24:20

Poosye, vhe vhaliipo ipa vhayanje vhuuvho uvhuvhiivhi vhwe vhaavhuvhwenyi ku kwane, lwe nayangaga izya kuyipoha pa lukuvhato lwavho ulupiti.

iMbombo izya Vhatumwa 4:15

Pe vhahavhafumwa pa lukuvhato ulwa vhalongozi, avheene vhahasyala vhakupanzanya vheeka.

iMbombo izya Vhatumwa 5:21

Pe avhatumwa ivho lwe vhiivwa amazwi igo, vhahasogola ku Nyumba iMfinjile inzanshi nkaani, vhahataliha kuvhasambiilizya avhantu. Ahavhaliilizyo hanaaho umupuuti umupiti, pooka na vhamwavho, vhahavhiiha ulukuvhato ulwa vhalongozi, pooka na vhasongo vhonti avha Vhayuuda. Vhahavhasonteelezya avhaguulizi ku jeela, kuuti vhavhaleete avhatumwa vhaala.

iMbombo izya Vhatumwa 5:27

Lwe vhavhaleeta vhahavhimiilisya pilongolela pa lukuvhato ulwa vhalongozi, umupuuti umupiti ahataliha kuvhavhuziilizya ahati,

iMbombo izya Vhatumwa 6:12

AVhayuuda ivho, vhahavhaviisya nkaani avhasongo vhaavho na vhasambiilizi avha ndajizyo izya Moose, pooka na vhantu avhanji. Pe vhahamulema uSiteefani, vhahamutwala pa lukuvhato ulupiti ulwa vhalongozi avha Vhayuuda.

iMbombo izya Vhatumwa 6:15

Avhantu vhonti vhe vhátendiime mu lukuvhato ulwo, vhahamutontomela uSiteefani ku minso, vhahalola ku minso gaakwe kwavha ngati wu havhizya.

iMbombo izya Vhatumwa 7:37

“UMoose uyo we ávhavhuziizye aVhaisilayeeli kuuti, ‘Muli imwe, uMulungu alivhasevhela umukuvhwi we ali inza ine.’

VaLoma 12:10

Mukundanaje inza avhanine vwe vhakukundana. Uvhashindihaje avhamwinyu kuluusya vwe ukuyishindiha weneewe.

1 VaKolinti 6:10

na vhiivha na vha lupapamilo na vhashimwela na vha musaamu na vhapumula vintu, ivho vhonti te vhahinjile mu vhumwene uvhwa Mulungu.

1 VaKolinti 6:6

Ileelo imwe vhamwitu, mukulongana mweneemwe pilongolela pi ilonjelwi ku vhe te vhiitisi!

1 VaTesaloniki 4:6

Muli izyo, umuntu wonti atahamunanjile uwamwavho, poosye kumuhopenkanya. Inza vwe twávhavhuziizye nu kuvhasoha kuuti, vhonti vhe vhakuvhomba izyo, uMwene uYeesu aliivhapa isunde.

uTiiti 3:2

Patahaavhe avhantu vhe vhakuligana, poosye avha ivho, nkandi vhajimbililaje nu kulolesya uvhutonsu ku vhantu vhonti.

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

Yakobu 2:20

We shipukupuuku iwe! Kwe nkulolesye kuuti ulwitiho ishisita imbombo inyinza, lutali ni ilonka.

Yakobu 3:6

Ulumili lwope luli inza umwoto. Ulwene lwizuuye imbiivhi inyinji izya mu nsi kuluusya ivipelwa vwonti ivwa muvhili. Lukumuhandamania umuntu umuvhili waakwe wonti nu kuholeelezya umwoto mu vhulanzi vhwakwe vhwonti. Ulumili lwope lukuholeela nu mwoto uwa shiima shiima uwa mwi ipalaazya.

1 Peteli 2:23

Uweene lwe akuligwa, atávhagalusiziizye izwi inga lyoka ilya kuvhaliga. Lwe vhakumuyimvwa atáyanzile naashimo isha kuvhoogofwa, ileelo ámulesheeye uMulungu zyonti we akulonga avhantu ku vhugolosu.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.

1 Yohani 2:9

Umuntu we akuyanga kuuti akulandila mu vhuzelu, ileelo akumuviitilwa uwamwavho, uyo akujendeelela kulandila mu shiisi poosye ishi.

1 Yohani 3:10

Pe ishi, umuntu we atakuvhomba ingolosu, poosye we atakumukunda uwamwavho, uyo te mwana wa Mulungu. Isho vwe tukumanya uvhusugaano uvhwa vhaana vha Mulungu, na vhaana vha Mukwalanzi.

1 Yohani 5:16

Kuli uvhutalamalandu vhwe vhutakumuvhiiha umuntu ukutali nu Mulungu shiima shiima. Inga wumo muli imwe akumulola uwamwavho akuvhomba uvhutalamalandu inza uvhwo, amulavhilaje kwa Mulungu, woope uMulungu aliimupa uvhulanzi. Yikuvha vhwevhulo, ku vhaala vhe vhakuvhomba uvhutalamalandu inza uvhwo. Ileelo kuli uvhutalamalandu vhwe vhukumuvhiiha umuntu ukutali nu Mulungu shiima shiima. Ine ntakuti amulavhilaje kwa Mulungu ku vhutalamalandu inza uvhwo.

uYuuda 1:9

Ileelo poosye uhavhizya umupiti uMikayeeli, lwe akutumvanya nu Mukwalanzi nu kuvhuzilizanya nawo kuzya muvhili uwa Moose, atálinzile kumulonjeelela ku lukwinkwino. Ileelo áshindisile amaha aga Mulungu, átili, “UMWENE uMulungu wuuyo akupilile!”

Ishitushizya 20:14

Pe uVhufwe nu Vhuzimu vhahasumbilwa mwa sumbi we akwaha mwoto. Usumbi uyo we akwaha umwoto we vhufwe uvhwa vhuvhili.