Matayi 5:19 - ULufingwi uLupwa

¹⁹ Pe ishi, umuntu wonti we akushilanya ululajizyo inga lwoka, mu nyinsi izi nu kuvhasambiilizya avhanji kuuti vhazishilanyaaje, uyo aliivha munsi mu vhumwene uvhwa Mulungu. Ileelo we akuzivhombela imbombo nu kuvhasambiilizya avhanji, uyo we aliivha mupiti mu vhumwene uvhwa Mulungu.

Tesitamenti Umupwa 1965

¹⁹ Uno wengʼakuvindula hoka vwelele ahahomelezyo nukuvasambilizyʼavantu vovulo, wʼalitashilwa munsi kuli vonti mushinamwene sha kumwanya. Nkandʼuno wengʼakuzilandatʼinkomelezyo nukusambilizyʼavantu, wʼalitashilwa ukuva mupiti mushinamwene sha kumwanya.

Matayi 5:19 ပူးပေါင်းရင်းမြစ်များ

Matayi 11:11

UYeesu ahati, “Nalyoli nkuvhavhuuzya kuuti, ku vhantu vhonti atahafumila naalumo we mupiti kumuluusya uYoohani uMwozyi. Ileelo umuntu we munsi nkaani mu vhumwene uvhwa Mulungu, we mupiti kuluusya uYoohani.

Matayi 19:28

UYeesu ahavhaamula ahati, “Nalyoli nkuvhavhuuzya kuuti, lwe ne Mwana wa Aadamu natendama pa shitengo ishishindamu isha vhumwene mu nsi impwa, niimwe mwe mundandasite, mulitendama pa vitengo ivwa vhumwene 12 kuzikonzya inkolo 12 izya Vhaisilayeeli.

Matayi 20:26

Ileelo kuli imwe zitahaavhe vhwevhulo. We akwanza kuvha mupiti wiinyu, avhe muvhomvi wiinyu.

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

uLuuka 1:15

mwe pe uMWENE uMulungu alimuvhiiha kuvha mupiti. Umwana uyo atahamwele idivaayi, poosye ishintu shonti she shikuhola. Amaha aga Mupepo uMufinjile galiivha nawo kufuma ahavhaliilizyo he ali mu lwanda mwa maayi waakwe.

uLuuka 11:42

“Mwasheela imwe mwe Vhafalisaayi! Yeenya, mukumufumwizya uMulungu ishigavho shooka pa vigavho 10 poosye ni sha vintu ivinsi inza uvhulende ni nzembwa ni nyanyi izyamwavho izya matundu amavhiila mu mavhiila. Ileelo mutakusaajila kuvhomba ingolosu, poosye kumukunda uMulungu. Izi zye mukwanzilwa kuzivhomba, pooka ni nyinsi izyo zye mukuzivhomba.

uLuuka 9:48

Ahavhavhuuzya ahati, “Umuntu wonti we akumuposheela umwana umunsi inza uno kwi izina lyane, akumposheela neene. Woope we akumposheela ine, akumuposheela ula we antumiliziizye. Vhwevhulo, we munsi kuli imwe mwenti, akuvha mupiti kuvhaluusya mwenti.”

iMbombo izya Vhatumwa 1:1

Wamwitu Teyofiilo, mwi ikalaata lyane liila itanzi, nákusimbiiye vwe uYeesu ahavhombaga, na vwe ahasambilizyaga, kufuma ku vhwandilo uvhwa mbombo yaakwe,

VaLoma 3:8

Isho she shooka nu kuuti, “Tujendeelele kuvhomba uvhutalamalandu, inga inyinza zyinze.” Avhantu vhamo vhakutuyanjila imbiivhi kuuti tukusambiilizya inza vhwevhulo. Yeenya, ivho vhonti vhe vhakuyanga izyo vhalisundwa kulandatana ni mbiivhi zyavho.

VaLoma 6:1

Ishi pe tuti vhuli? Vhuli, tujendeelele kuvhomba uvhutalamalandu, inga uvhwila vhwa Mulungu vhwonjele kuvha na maha nkaani?

VaLoma 6:15

Ishi pe tuti vhuli? Vhuli, tuvhombaje uvhutalamalandu, mwe pe indajizyo zitakutukonzya, nkandi uvhwila uvhwa Mulungu? Ndaali, te muumwo inga hansi!

1 Timoti 6:11

Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

1 Peteli 5:4

UYeesu we Mudiimi uMupiti uwa vhantu vhaakwe. Lwe uweene aloleha, muliposheela ishipambwi isha vhushindamu she shitakunanjiha.

1 Yohani 3:4

Wonti we akuvhomba uvhutalamalandu, akuvhomba uvhusambusu kwa Mulungu, mwe pe kuvhomba uvhutalamalandu, kwe kuvhomba uvhusambusu.

Ishitushizya 2:20

Ileelo indi ni izwi niiwe: Ukumujimbiilila umwantanda ula uYezebeeli. Uweene akuyitaha kuuti mukuvhwi, ileelo te muumwo. Akuvhasambiilizya avhavhomvi vhaane nu kuvhapuvwa, kuuti vhavhembuhaje nu kulya impuutile zye vhafumwizye ku viholanyo.