Matayi 4:24 - ULufingwi uLupwa

²⁴ Pe inongwa zyakwe zihakumuha nkaani mu nsi yonti iya Siiliya. Avhantu vhahavhatwalaga avhavhinu na vha ntamwo izya mavhiila mu mavhiila vhonti. Muli ivho, vháliipo avha mpepo inkandamanu na vhe vháali ni shinzilisi na vhe vháhataliiye. Woope ahavhaponiaga vhonti.

Tesitamenti Umupwa 1965

²⁴ Ahakumuha mwonti mu-Sili. Vahamutwalila vonti ve vavinilʼimpungo, nave vapositwʼuvupotwe, nave vahavavwaga amavili, nave vali nimpepʼimbivi, nave vali nishinzilisi navashulu, vontʼahavazuzuvushizya.

Matayi 4:24 ပူးပေါင်းရင်းမြစ်များ

Matayi 12:22

Pe avhantu vhamo vhahamuleeta uwa mpepo inkandamanu kwa Yeesu. Impepo iyo yámuvhiisile umuntu uyo kuvha wu ntonko nu kuvha wu shinuunu. Pe uYeesu ahamuponia umuntu uyo, woope ahataliha kuyanga nu kulola.

Matayi 14:1

Ahavhaliilizyo iho umwene uHeelodi ahiivwa inongwa izya Yeesu.

Matayi 15:22

Yeenya, umwantanda wumo uMukananaayo we ahatendamaga ukwo, ahinza kwa Yeesu, ahavhilishila ahati, “We Mwene, Mwana wa Daavhudi, umfwile uvhwila! Umwana waane umulindu alemwilwe nkaani ni mpepo inkandamanu.”

Matayi 17:15

Ahamuvhuuzya uYeesu ahati, “We Mwene, umufwile uvhwila umwana waane, mwe pe ali ni shinzilisi. Uvhuvhinu uvhwo, vhukumuyimvwa nkaani. Ulwinji vhukumugwilizya mu mwoto na mu minzi.

Matayi 17:18

Lwe vhamuleeta, uYeesu ahayipilila impepo inkandamanu ye yáamile muhati yaakwe, yoope yihafuma. Panaapo umulumendo uyo ahapona.

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Matayi 8:28

Pe uYeesu ahalamba usumbi, ahafiha mu nsi iya Vhagadaleeni. Ukwo ahahomaana na vhantu vhavhili vhe vháali ni mpepo inkandamanu, vhe vháfumile ku mbiipa. Avhantu ivho vháali vhahali nkaani, atáliipo umuntu we ahalingaga kutuuha kwenekwo.

Matayi 8:33

Avhadiimi avha nguluvhe lwe vhaalola izyo, vhahashimbila uluvhilo kusogola mu nkaaya. Vhahayanga zyonti zye zyávhombesile, na zye zyáfumiiye ku vha mpepo vhaala.

Matayi 8:6

ahati, “We Mwene, umuvhomvi waane akaasite kuhaaya ahataliiye, akuyimvilwa nkaani.”

Matayi 9:26

Inongwa izyo zihakumuha mu nsi yiila yonti.

Matayi 9:35

UYeesu ahazyunguulaga mu nkaaya zyonti na mu ntala zyonti. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Maliko 1:28

Pe inongwa izya mbombo izya Yeesu zihakumuha naluvhiilo mu shigavho isha nsi shonti isha Galilaaya.

Maliko 1:32

Lwe haafiha hamazuuvha, izuvha lyaswa, avhantu avha mu nkaaya yiila vhahamuleetela uYeesu avhavhinu vhonti na vhe vhálemwilwe ni mpepo inkandamanu.

Maliko 2:3

Pe vhahinza avhantu vhane, vhamusenziinye pi izagala umuntu we áhataliiye, vhahamutwalaga kwa Yeesu.

Maliko 2:4

Mwe pe páali ivhungaana ilya vhantu, vhahapootwa apa kumwinjizya mu nyumba, vhahadovhola pamwanya pe uYeesu áamile. Pe vhahamwisya umuvhinu ula she ali pi izagala lyakwe.

Maliko 2:9

Ishi lili kwoshi lye lipupuusu: kumuvhuuzya we ahataliiye kuuti, ‘Nakuswila uvhutalamalandu vhwaho,’ pamo kuuti, ‘Yimiliila, unyatule izagala lyaho, ujendaje’?

uLuuka 2:2

Kusimbisya ukwo kwámile kwa kwanda mu vhumwene uvhwa Shiluumi. Kwávhomviilwe, lwe uKileeniyo ahakonzyaga mu shigavho isha nsi isha Siiliya.

uLuuka 4:14

Pe uYeesu ahagaluha mu shigavho isha nsi isha Galilaaya, she ayizuuye amaha aga Mupepo uMufinjile. Inongwa zyakwe zihakumuha mu nkaaya zyonti impalamani.

uLuuka 4:38

UYeesu ahafuma mwi isinagoogi, ahasogola mu nyumba iya muntu wumo we vhahatinji uSiimoni. Lwe aafiha, ahaaga unyinavwala uwa Siimoni avhinile nkaani inzegema, pe vhahamulaavha uYeesu kuuti amuponie.

uLuuka 5:15

Ileelo inongwa izya Yeesu zihonjela kukumuha imbazu zyonti. Avhantu amavhungaana amapiti, vhahavhungaanaga kumutejeelezya nu kuvhaponia impungo zyavho.

uLuuka 5:24

Ileelo ishi nkwanza mumanye kuuti, ne Mwana wa Aadamu indi na maha aga kuvhaswila avhantu uvhutalamalandu mu nsi.” Pe ahamuvhuuzya ula we áhataliiye ahati, “Nkukuvhuuzya kuuti, yimiliila! Nyatuula izagala lyaho, vhwelaaga kuhaaya.”

uLuuka 7:17

Inongwa izyo zye uYeesu ávhomvile, zihakumuha nkaani mu shigavho isha nsi isha Yudeeya shonti, na mu nsi izinji izya papiipi.

Yohani 10:21

Ileelo vhamo vhahayanga vhahati, “Umuntu we ali ni mpepo inkandamanu atangayanga amazwi inza igo. Vhuli, impepo inkandamanu yingamuvhiiha untonko kuuti alolaje?”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 15:23

“Iswe swe vhatumwa pooka na vhasongo, iswe swe vhamwinyu, tukuvhalamuha imwe vhamwitu mwe te mwe Vhayuuda mwe muli mu nkaaya iya Antiyookiya na mu shigavho isha nsi isha Siiliya ni sha Kiliikiya.

iMbombo izya Vhatumwa 15:41

Ahatuuha mu shigavho isha nsi isha Siiliya ni sha Kiliikiya, kuvigomwa ivivhanza.

iMbombo izya Vhatumwa 28:9

Lwe amuponia umuntu uyo, pe avhavhinu avhanji vhonti mu nkaaya iyo, vhahinza kwa Paavhuli, woope ahavhaponia.

iMbombo izya Vhatumwa 8:7

Ahazipililaga impepo inkandamanu mu vhantu avhinji, lwe zikufuma zihazumaga ahalanga. Ahavhaponiaga avhinji vhe vháhataliiye, na vhantendya.