Matayi 4:23 - ULufingwi uLupwa

²³ UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Tesitamenti Umupwa 1965

²³ UwenʼuYesu ahajenda ahamalilizya iGalilayi yonti, ahasambilizya mumasinagogi gavo, ahakumusyʼintumʼinyinza ya vumwene, nimpungo zyonti ahazikantula nuvupotwe vwonti.

Matayi 4:23 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Matayi 12:9

Pe uYeesu aheepa paala, ahinjila mwi isinagoogi lyavho.

Matayi 13:19

Umuntu wonti we akulitejeelezya izwi ilya vhumwene uvhwa Mulungu ileelo atakulimanyinsanya, pe uMuvhiivhi ula akwinza nu kulisompola lye uMulungu alivhwaye mu mwoyo waakwe. Umuntu uyo akuholana ni mbeyu ye yágwiliiye pa luvhazu pi idala.

Matayi 13:54

Lwe aafiha mu nkaaya iya ku mwavho, ahataliha kuvhasambiilizya avhantu mwi isinagoogi lyavho. Avhantu ivho vhahasukumila nu kuvhuzilizanya kuuti, “Umuntu uno avhwazile kwoshi uvhushindamu uvhwa njeele na maha aga kuvhomba amafindango iga?

Matayi 14:14

Lwe uYeesu ayiiha mwi ivhooti, ahavhalola avhantu ivhungaana ipiti nkaani, ahavhafwila uvhwila nu kuvhaponia avhavhinu vhaavho.

Matayi 24:14

Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 9:35

UYeesu ahazyunguulaga mu nkaaya zyonti na mu ntala zyonti. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Maliko 1:14

Pisinda, uYoohani ahakungwa mu jeela, pe uYeesu ahasogola mu shigavho isha nsi isha Galilaaya, ahataliha kukumusya Izwi iLyinza ilya Mulungu.

Maliko 1:21

UYeesu na vhasundikwa vhaakwe vhahasogola mu nkaaya iya Kapelanawuumu. Lwe lyafiha isiku ilya Sabaato, ahinjila mwi isinagoogi pooka na vhasundikwa vhaakwe, ahanda kusambiilizya.

Maliko 1:39

Pe ahasogola mu shigavho isha nsi isha Galilaaya shonti, ahakumusyaga mu masinagoogi gaavho nu kwefwa impepo inkandamanu.

Maliko 3:10

Ávhavhuziizye avhasundikwa isho, mwe pe ávhaponiizye avhavhinu avhinji na vhonti avha mpungo vhahabunshilanaga, vhahanzaga kumupalamansya.

Maliko 6:2

Lwe lyafiha isiku ilya Sabaato, ahataliha kuvhasambiilizya avhantu mwi isinagoogi. Avhantu avhinji vhe vháliipo muula, vhahasukumila nkaani nu kuvhuzilizanya kuuti, “Azyazile kwoshi insambiilizyo izi? Havhili vhushindamu vhuli uvhwa njeele uvhu, vhwe apeliilwe?” Havhili vhahati, “Mu nyoovhe zyakwe akuvhomba amafindango amapiti nkaani.

Maliko 6:6

Ahasukumila nkaani, mwe pe avhantu ivho vhatámwitisile. UYeesu ahazyunguulaga mu ntala zyeziila nu kusambiilizya.

uLuuka 10:9

Muvhaponiaje avhavhinu vhe vhali mu nkaaya iyo. Muvhavhuzyaje avhantu vhonti kuuti, ‘Uvhumwene uvhwa Mulungu vhupalamiiye kuli imwe!’

uLuuka 13:10

Isiku limo ilya Sabaato, uYeesu ahavhasambilizyaga avhantu mwi isinagoogi.

uLuuka 16:16

“Indajizyo izya Moose nu vhusimbe uvhwa vhakuvhwi vwávhalongooye avhantu kufishila ahavhaliilizyo aha Yoohani uMwozyi. Kufuma ahavhaliilizyo iho, Izwi iLyinza ilya vhumwene uvhwa Mulungu likulumbiililwa, avhantu avhinji vhakuyifumwa nkaani kwinjila mu vhumwene uvhwo.

uLuuka 20:1

Isiku limo lwe uYeesu akuvhasambiilizya avhantu pa Nyumba iMfinjile nu kuvhalumbiilila Izwi iLyinza, avhapiti avha vhapuuti na vhasambiilizi avha ndajizyo na vhasongo vhahamusogolela.

uLuuka 4:14

Pe uYeesu ahagaluha mu shigavho isha nsi isha Galilaaya, she ayizuuye amaha aga Mupepo uMufinjile. Inongwa zyakwe zihakumuha mu nkaaya zyonti impalamani.

uLuuka 5:17

Isiku limo, uYeesu ahavhasambilizyaga avhantu mu nyumba yimo. Muli ivho vháliipo aVhafalisaayi na vhasambiilizi avha ndajizyo izya Moose, kufuma mu ntala zyonti izya mu Galilaaya ni zya mu Yudeeya, na mu nkaaya iya Yelusaleemu. Amaha aga MWENE uMulungu gáamile pooka nawo kuvhaponia avhavhinu.

uLuuka 6:17

UYeesu ahiiha kufuma mwi igamba pooka na vhasundikwa vhaakwe. Lwe aafiha pa lutelama, ahimiilila. Ipo páamile ivhungaana ipiti ilya vhasundikwa vhaakwe, pooka ni mpuga impiti iya vhantu avhanji. Avhantu ivho, vháfumile imbazu izya mu Yelusaleemu na mu nkaaya izinji mu nsi iya Vhayuuda, na mu luvhazu mwa sumbi uwa mu nkaaya iya Tiilo ni ya Siidoni. Avhantu ivho vhínzile kumutejeelezya nu kuuti avhaponie impungo zyavho.

uLuuka 6:6

Isiku ilyamwavho ilya Sabaato, uYeesu ahinjila mwi isinagoogi, ahanda kuvhasambiilizya avhantu. Umwo, mwáli umuntu wumo we inyoovhe yaakwe iya kundiilo yáhataliiye.

uLuuka 7:21

Ahavhaliilizyo hanaaho, uYeesu ahavhaponiaga avhantu avhinji amavhinu gaavho, ahavhaponiaga avha ntamwo na vha mpepo imbiivhi. Havhili ahavhaponiaga avhantonko avhinji.

uLuuka 7:22

Pe uYeesu ahavhaamula ahati, “Sogooli mumuvhuuzye uYoohani zyonti zye mukuzilola, nu kuzyivwa. Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

uLuuka 8:1

Lwe zyatuuha izyo, uYeesu ahazyunguulaga mu nkaaya inyinji na mu ntala, ahakumusyaga nu kulumbiilila Izwi iLyinza ilya vhumwene uvhwa Mulungu. Áamile pooka na vhasundikwa vhaakwe 12.

uLuuka 9:11

Ileelo lwe ivhungaana ilya vhantu lyamanya kwe ásogooye, lihamulandata. UYeesu ahavhaposheela ahinza, ahavhasambilizyaga izwi ilya vhumwene uvhwa Mulungu. Havhili vhe vháamile vhavhinu, ahavhaponiaga.

uLuuka 9:60

UYeesu ahamwamula ahati, “Vhaleshe avhafwe vhavhasyile avhafwe vhaavho. Ileelo iwe, sogoola ukumusye uvhumwene uvhwa Mulungu.”

Yohani 18:20

UYeesu ahamwamula ahati, “Ahavhaliilizyo honti nayangaga na vhantu vhonti apazelu, navhasambilizyaga avhantu mu masinagoogi na pa Nyumba iMfinjile pe aVhayuuda avhinji vhakuvhungaanaga pooka. Ntaayanzile izwi naalimo kukwilu.

Yohani 6:59

UYeesu áyanzile amazwi igo, lwe akusambiilizya mwi isinagoogi, mu nkaaya iya Kapelanawuumu.

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 18:4

Insiku zyonti izya Sabaato, uPaavhuli ahinjilaga mwi isinagoogi, ahayangaga na Vhayuuda na vhe te Vhayuuda, kuuti pamo vhoope vhiitishe.

iMbombo izya Vhatumwa 20:25

“Natuuhaga uku nuukwo kuvhakumusizya imwe mwenti izya vhumwene uvhwa Mulungu. Ileelo ishi tejeelezyi, ine imanyile kuuti, te muhandole havhili naalumo.

iMbombo izya Vhatumwa 28:31

nu kuvhakumusizya izya vhumwene uvhwa Mulungu ni zya Mwene uYeesu Chilisiti ku vhudandamazu, ishisita umuntu kumudinda.

VaLoma 10:15

Havhili vhangakumusya vhuli, inga vhatatumiilwe? Izya kutumwa vhe vhakulumbiilila, uVhusimbe uVhufinjile vhukuti, “Kwinza nkaani kwinza ukwa vhantu vhe vhakulumbiilila Izwi iLyinza!”