Matayi 4:17 - ULufingwi uLupwa

¹⁷ Kufuma ahavhaliilizyo iho, uYeesu ahataliha kukumusya kuuti, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Tesitamenti Umupwa 1965

¹⁷ Pʼahanda pupʼuYesu ukukumusya ukuti: Simupindushe, she vwinzilʼuvumwene vwa kumwanya, vuli papipi.

Matayi 4:17 ပူးပေါင်းရင်းမြစ်များ

Matayi 10:7

Lwe mukujenda, mukumusyaje mutinji, ‘Uvhumwene uvhwa Mulungu vhupalamiiye.’

Matayi 11:12

Kwandila insiku zye uYoohani uMwozyi átalisile kulumbiilila kufishila ileelo, uvhumwene uvhwa Mulungu vhukuyimvilwa nkaani. Vhoope vhe vhali na maha, vhakulinga kuvhugoma.

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

Matayi 13:24

UYeesu ahavhavhuuzya ishiholanyo ishamwavho ahati, “Uvhumwene uvhwa Mulungu vhuholiine nu muntu we ápesile imbeyu inyinza mu mugunda waakwe.

Matayi 13:47

“Havhili, uvhumwene uvhwa Mulungu vhuholiine nu lwelo lwe vhátezile mwa sumbi. Ulwelo ulwo luhalema inswi izya mavhiila mu mavhiila.

Matayi 13:9

Havhili ahati, “We ali na makutwi, atejeelezye!”

Matayi 25:1

Pe uYeesu ahavhavhuuzya avhasundikwa vhaakwe ahati, “Ahavhaliilizyo iho uvhumwene uvhwa Mulungu vhuliholana ni shiholanyo isha vhalindu 10 vhe vhányatuuye inyaale zyavho nu kusogola kumuposheela we akwimala.

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 6:10

Zye ukasiime, zivhombeshe mu nsi umu, inza vwe zikuvhombeha ku mwanya ukwo.

Matayi 9:13

Ishi sogooli musambiilile amazwi ge gakuti, ‘Nkwanza uvhwila kuluusya kufumwa impuutile.’ Nkuvhavhuuzya vhwevhulo, mwe pe ntinzile kuvhiita avhantu avhagolosu, nkandi kuvhiita avhatalamalandu, inga vhapindushe.”

uLuuka 15:10

“Nkuvhavhuuzya kuuti, vhwevhulo vwe uMulungu akuseshela pilongolela ilya vhahavhizya vhaakwe, lwe umutalamalandu wooka akutonta uvhutalamalandu vhwakwe.”

uLuuka 15:7

“Nkuvhavhuuzya kuuti, vhwevhulo vwe kuliivha uluseshelo ulupiti ku mwanya, lwe umutalamalandu wooka atonta uvhutalamalandu vhwakwe. Uluseshelo ulwo, luliivha lupiti kuluusya uluseshelo ulwa kuvha na vhantu 99 vhe vhakuyilola kuuti vhagolosu, vhatakwanza kutonta.”

uLuuka 24:47

Havhili kwi izina lyakwe, avhantu avha mu nsi zyonti, kwandila ku Yelusaleemu, vhalivhakumusizya kuuti vhatontaje imbiivhi zyavho, inga uMulungu avhaswile.

uLuuka 3:23

UYeesu lwe akwanda imbombo yaakwe, áamile na maaha 30 ishi. Avhantu vhahasiivhaga kuuti áamile mwana wa Yoosefu. UYoosefu áamile mwana wa Eeli,

uLuuka 5:32

Ine ntinzile kuvhiita avhantu avhagolosu, nkandi kuvhiita avhatalamalandu, inga vhapindushe.”

uLuuka 9:2

Pe ahavhasonteelezya kukumusya izwi ilya vhumwene uvhwa Mulungu nu kuvhaponia avhavhinu.

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

iMbombo izya Vhatumwa 20:21

Nkavhasohaga aVhayuuda na vhe te Vhayuuda kuuti vhatonte uvhutalamalandu vhwavho, vhamulandate uMulungu, nu kumwitiha uMwene wiitu uYeesu Chilisiti.

iMbombo izya Vhatumwa 26:20

Nkanda kulumbiilila avhantu avha mu Damaasiki suuti, kuuti vhatonte imbiivhi zyavho, vhamulandate uMulungu nu kuvhomba zye zikulolesya kuuti vhapindusile mu mooyo gaavho. Pisinda, nkalumbiilila amazwi ganaago na ku vhantu avha mu Yelusaleemu na vha mu nsi yonti iya mu Yudeeya na ku vhantu vhe te Vhayuuda.

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

VaHebuli 6:1

Pe ishi, tutahajendeelele kusyala ni nsambiilizyo izya ku vhwandilo izya Chilisiti vhweleele, nkandi tukanyilaje kusambiilila izyamwavho, inga tuvhe twe vhalandati twe tugomile mu lwitiho. Nalyoli tutakwanzilwa havhili kusambiilizya insambiilizyo izya kutonta imbiivhi zye zikupelela uvhufwe, ni zya kumwitiha uMulungu.