Matayi 4:11 - ULufingwi uLupwa

¹¹ Pe uMukwalanzi ahamuleha uYeesu pepaala, naluvhiilo avhahavhizya avha Mulungu vhahinza kumuvhombela.

Tesitamenti Umupwa 1965

¹¹ Pʼumukwalanzi ahamuleha, navahavizya vahaloleha vakwinza ukumuvombela.

Matayi 4:11 ပူးပေါင်းရင်းမြစ်များ

Matayi 26:53

Vhuli, mutamanyile kuuti ingamulambiilizya uTaata waane kuuti anaavwe, woope angandeetela shiniishi avhahavhizya vhaakwe impuga impiti 12 nu kushila?

Matayi 4:6

Ahamuvhuuzya ahati, “Inga iwe we Mwana wa Mulungu, yisumbe pansi, mwe pe yisimviilwe mu Vhusimbe uVhufinjile kuuti, ‘UMulungu kwe avhalajizye avhahavhizya vhaakwe, kuuti vhakutone mu nyoovhe zyavho, inga utahabumile ishinama pi ivhwe nu kuvwalala.’”

Maliko 1:13

Ahiima mu luugwa insiku 40 pooka ni vihanu ivwa umwo. Ahavhaliilizyo honti iho uSeetano ahavhanga akumulinga. Lwe zyatuuha izyo, avhahavhizya avha Mulungu vhahinza kumuvhombela.

uLuuka 22:43

Pe uhavhizya kufuma ku mwanya ahamwinzila, ahamugomwa.

uLuuka 22:53

Insiku zyonti, twavhanga pooka pa Nyumba iMfinjile, ileelo mutandemaga! Ishi, iha he havhaliilizyo hiinyu, ahavhaliilizyo he umwene uwa shiisi akukonzya.”

uLuuka 4:13

Lwe uMukwalanzi aamala kumulinga uYeesu ku madala gonti, ahamuleha ku havhaliilizyo hamo.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

VaHebuli 1:6

Havhili uMulungu lwe akumuleeta uMwana waakwe imozi mu nsi, áyanzile átili, “Avhahavhizya vhonti avha Mulungu vhamupuute uMwana uyo.”