Matayi 3:7 - ULufingwi uLupwa

⁷ Ileelo uYoohani lwe avhalola aVhafalisaayi na Vhasadukaayi vhakwinza ku vhwinji, inga avhoozye, ahavhavhuuzya ahati, “Mwe vhaana vha njoha imwe! Wu naanu we avhasosile kuuti mushimbile uvhuhalazu uvhwa Mulungu vhwe vhukwinza?

Tesitamenti Umupwa 1965

⁷ Ayazile lelʼuwene navaFalisayi navaSadusayi ve vinji vakuvala kukwakwe ukwozelwa, pʼahavavuzya ahati: Mwe luho lwa njohʼimwe, unanʼavavuzizyʼimwe ukuti muliponʼuvuhalazu vwe vukwinza?

Matayi 3:7 ပူးပေါင်းရင်းမြစ်များ

Matayi 12:24

Ileelo lwe aVhafalisaayi vhiivwa izyo, vhahayanga vhahati, “Umuntu uno akushimbizya impepo inkandamanu ku maha aga Belizabuuli, umupiti uwa mpepo inkandamanu!”

Matayi 12:34

Mwe vhaana vha njoha imwe! Mungayanga vhuli amazwi aminza she mwe vhavhiivhi? Nkuvhavhuuzya isho, mwe pe umuntu akuyanga zye zyizuuye mu mwoyo waakwe.

Matayi 15:12

Pe avhasundikwa vhaakwe vhahasogola kwa Yeesu, vhahamuvhuziilizya vhahati, “Umanyile kuuti aVhafalisaayi lwe vhiivwa amazwi gaala ge waayanzile, vhaavisiitwe nkaani?”

Matayi 16:1

Pisinda, aVhafalisaayi na Vhasadukaayi vhamo vhahinza kwa Yeesu kumulinga. Vhahamulaavha kuuti avhalolesye ishilolesyo isha kuhomeshezya kuuti afumile kwa Mulungu.

Matayi 16:6

UYeesu ahavhavhuuzya ahati, “Muvhanje minso nu mulembo uwa kuluzizya uwa Vhafalisaayi na Vhasadukaayi.”

Matayi 22:15

Pe aVhafalisaayi vhaheepa paala, vhahavhungaana kupanzanya vwe vhamuteje uYeesu ku mazwi gaakwe.

Matayi 22:23

Isiku lyeliila, aVhasadukaayi vhamo vhahasogola kwa Yeesu. AVhasadukaayi vhahasambilizyaga kuuti, avhafwe te vhahazyushe. Pe vhahavhuziilizya vhahati,

Matayi 22:34

Lwe aVhafalisaayi vhiivwa kuuti uYeesu avhapoota aVhasadukaayi ku mazwi, vhahavhungaana pooka nu kusogola kwa Yeesu.

Matayi 23:33

“Mwe njoha imwe! Mwe vhaana vha njoha imwe! Muliipona vhuli isunde ilya kusumbilwa mwi ipalaazya ilya mwoto?

Matayi 5:20

Nalyoli nkuvhavhuuzya kuuti, inga uvhugolosu vhwinyu vhutakushila uvhwa vhasambiilizi avha ndajizyo izya Moose nu vhwa Vhafalisaayi, te muhinjile naalumo mu vhumwene uvhwa Mulungu.”

Maliko 12:13

Avhalongozi avha Vhayuuda vhahavhasonteelezya aVhafalisaayi na vhatuuli avha mwene uHeelodi kuuti vhamulinje uYeesu ku mazwi.

Maliko 12:18

Pisinda, aVhasadukaayi vhe vhahasambilizyaga kuuti avhafwe te vhahazyushe, vhahasogola kwa Yeesu. Vhahamuvhuziilizya

Maliko 8:15

Lwe vhaakulamba usumbi, pe uYeesu ahavhasoha ahati, “Muvhanje minso nu mulembo uwa kuluzizya uwa Vhafalisaayi nu wa Heelodi.”

uLuuka 16:14

AVhafalisaayi lwe vhiivwa amazwi igo, vhahanda kumusuufwa uYeesu, mwe pe vházisungwilwe nkaani impiiya.

uLuuka 18:11

“UMufalisaayi uyo ahimiilila kulaavha. Ahalaavha mu mwoyo waakwe, ahati, ‘We Mulungu, nkukusalifwa, mwe pe ine ntali inza avhantu avhanji, avhapumula vintu na vhatalamalandu na vhavhembu, poosye inza umusonchezya musonko uno!

uLuuka 7:30

Ileelo aVhafalisaayi na vhasambiilizi avha ndajizyo vháhaanile ulukasamo ulwa Mulungu ku kwavho, mwe pe vhatózeliilwe nu Yoohani.

Yohani 1:24

Pe avhantu ivho vhe aVhafalisaayi vhávhasonteleziizye kwa Yoohani,

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

Yohani 9:40

AVhafalisaayi vhamo vhe vháliipo paala, lwe vhamwivwa uYeesu akuyanga izyo, vhahamuvhuziilizya vhahati, “Vhuli, niiswe swe vhantonko?”

iMbombo izya Vhatumwa 15:5

Ileelo avhiitisi vhamo avha mpuga iya Vhafalisaayi vhahimiilila, vhahati, “Vhoope vhe te Vhayuuda vhakwanzilwa kuyitahiili, nu kuzilema indajizyo zyonti izya Moose.”

iMbombo izya Vhatumwa 20:31

Pe ishi, muvhe minso! Mukumbushe kuuti, ntálisite kuvhasoha mwenti ku mansozi uvhusiku nu musanya ku havhaliilizyo aha maaha gatatu.

iMbombo izya Vhatumwa 26:5

Vhamanyile imbombo yaane ku havhaliilizyo ahatali. Inga vhakwanza, vhangahomeshezya kuuti, nalyoli náamile mu mpuga iya Vhafalisaayi. Avhantu avha mu mpuga ino vhakulandata indajizyo izya Mulungu kuluusya avhanji vhonti.

iMbombo izya Vhatumwa 5:17

Pe umupuuti umupiti, pooka na vhamwavho vhonti avha mu mpuga iya Vhasadukaayi, umwone wuhavhalema nkaani kuzya vhatumwa avha Yeesu.

VaLoma 1:18

UMulungu akulolesya uvhuhalazu apazelu kufuma ku mwanya kwi idala ilya kuuvhapa isunde avhantu vhonti vhe vhakumuhaana, na vhaala vhe kwi idala ilya vhuvhiivhi vhwavho, vhakuvhuhaana uvhwanalyoli vhwakwe.

VaLoma 5:9

Ishi, mwe pe tuvhaziliilwe kuuti twe vhagolosu kwi idala ilya mavhanda aga Yeesu, pe nalyoli kwi idala ilya Yeesu, tuliipokwa ku vhuhalazu uvhwa Mulungu.

1 VaTesaloniki 1:10

nu kumuguliilila uMwana waakwe uYeesu kufuma ku mwanya. Uweene we uMulungu ámuzyusiizye, havhili we akutupoha mu vhuhalazu uvhwa Mulungu vhwe vhukwinza.

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

1 Yohani 3:10

Pe ishi, umuntu we atakuvhomba ingolosu, poosye we atakumukunda uwamwavho, uyo te mwana wa Mulungu. Isho vwe tukumanya uvhusugaano uvhwa vhaana vha Mulungu, na vhaana vha Mukwalanzi.