Matayi 3:2 - ULufingwi uLupwa

² ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Tesitamenti Umupwa 1965

² ahati: Simupindushe, she vwinzilʼuvumwene vwa kumwanya, vuli papipi.

Matayi 3:2 ပူးပေါင်းရင်းမြစ်များ

Matayi 10:7

Lwe mukujenda, mukumusyaje mutinji, ‘Uvhumwene uvhwa Mulungu vhupalamiiye.’

Matayi 11:20

Pe uYeesu ahanda kuvhapilila avhantu avha mu nkaaya zye ávhomvile amafindango aminji, mwe pe avhantu ivho vhatápindusile.

Matayi 12:41

Isiku ilya vhulonzi, avhantu avha mu Nineewe vhaliyimiilila kuvhalonga imwe mwe vhantu avha havhaliilizyo iha, kuuti mwe vhavhiivhi. Vhalivhalonga, mwe pe lwe uYoona akumusya izwi ilya Mulungu ku mwavho, vhátonsite imbiivhi zyavho. Ileelo ipa ndiipo ne mupiti kuluusya uYoona!

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

Matayi 13:24

UYeesu ahavhavhuuzya ishiholanyo ishamwavho ahati, “Uvhumwene uvhwa Mulungu vhuholiine nu muntu we ápesile imbeyu inyinza mu mugunda waakwe.

Matayi 13:31

UYeesu ahavhavhuuzya ishiholanyo ishamwavho ahati, “Uvhumwene uvhwa Mulungu vhuholiine ni mbeyu iya haladaali, ye umuntu ányatuuye nu kuvhwala mu mugunda waakwe.

Matayi 13:33

UYeesu ahayanga ishiholanyo ishamwavho ahati, “Uvhumwene uvhwa Mulungu vhuholiine nu mulembo uwa kuluzizya we umwantanda wumo áwunyatuuye nu kuwusangaanya nu vhusu uvhwa ngana ivitundu vitatu. Lwe aahanya, umunya wonti wuhalula.”

Matayi 13:47

“Havhili, uvhumwene uvhwa Mulungu vhuholiine nu lwelo lwe vhátezile mwa sumbi. Ulwelo ulwo luhalema inswi izya mavhiila mu mavhiila.

Matayi 13:52

Pe woope ahavhaamula ahati, “Umusambiilizi uwa ndajizyo izya Moose we musundikwa mu vhumwene uvhwa Mulungu, akuvha inza umuhaata nyumba we akufumwa ivintu ivipwa ni vikaali mu nkoma yaakwe.”

Matayi 18:23

“Kuli izyo, uvhumwene uvhwa Mulungu vhuholiine ni shiholanyo isha mwene we ahanzaga kuhoma imbaazyo izya mpiiya zye ahavhadaayaga avhavhomvi vhaakwe.

Matayi 20:1

“Uvhumwene uvhwa Mulungu vhuholiine nu muhaata mugunda wumo we álavhiiye inzanshi nkaani kulambila avha kuvhomba imbombo mu mugunda waakwe uwa mampensya.

Matayi 22:2

“Uvhumwene uvhwa Mulungu vhuholiine nu mwene wumo we ámusenganiziinye umwana waakwe umulyo uwa winga.

Matayi 23:13

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Ku nsambiilizyo zyinyu mukuvhadindila avhantu kwinjila mu vhumwene uvhwa Mulungu. Niimwe mweneemwe mutakwinjila, havhili mutakuvhitishila vhe vhakwanza kwinjila.

Matayi 25:1

Pe uYeesu ahavhavhuuzya avhasundikwa vhaakwe ahati, “Ahavhaliilizyo iho uvhumwene uvhwa Mulungu vhuliholana ni shiholanyo isha vhalindu 10 vhe vhányatuuye inyaale zyavho nu kusogola kumuposheela we akwimala.

Matayi 25:14

UYeesu ahajendeelela kuyanga kuuti, “Havhili uvhumwene uvhwa Mulungu vhuholiine ni shiholanyo isha muntu we áshuuye. Lwe aakushuula, ahavhiita avhavhomvi vhaakwe nu kuvhaleshela ishuuma shaakwe, inga vhashitaananie.

Matayi 4:17

Kufuma ahavhaliilizyo iho, uYeesu ahataliha kukumusya kuuti, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Matayi 5:10

Vhalosiitwe vhe vhakuyimvilwa kuzya vhugolosu, mwe pe uvhumwene uvhwa Mulungu vhwavho.

Matayi 5:3

“Vhalosiitwe vhe vhapiina mu mooyo, mwe pe uvhumwene uvhwa Mulungu vhwavho.

Matayi 6:10

Zye ukasiime, zivhombeshe mu nsi umu, inza vwe zikuvhombeha ku mwanya ukwo.

Matayi 6:33

Imwe muvhulondole suuti uvhumwene uvhwa Mulungu nu vhugolosu vhwakwe, pe ivwo vwonti mulipeelwa.

Maliko 1:15

Ahati, “Ahavhaliilizyo aha vhumwene uvhwa Mulungu haafiha nu vhumwene uvhwa Mulungu vhupalamiiye! Mupindushe, mulyitishe Izwi iLyinza ilya Mulungu.”

Maliko 1:4

Uhoome uyo áali wu Yoohani we ahavhanga mwi ilaala, ahakumusyaga ahatinji avhantu vhapindushe nu kwozelwa, inga uMulungu avhaswile uvhutalamalandu vhwavho.

Maliko 6:12

Vhaheepa nu kutaliha kukumusya kuuti avhantu vhatonte nu kupinduha.

uLuuka 1:16

Alivhagalusya aVhaisilayeeli avhinji kwa MWENE waavho uMulungu.

uLuuka 11:20

Ileelo ine, inga nkushimbizya impepo inkandamanu ku maha aga Mulungu, pe uvhumwene uvhwa Mulungu vhwinzile kuli imwe!

uLuuka 13:3

Te vwe zili haa! Ileelo niimwe muliilovha mwenti, inga mutakutonta uvhutalamalandu vhwinyu!

uLuuka 13:5

Te vwe zili haa! Ileelo niimwe muliilovha mwenti, inga mutakutonta uvhutalamalandu vhwinyu!”

uLuuka 15:10

“Nkuvhavhuuzya kuuti, vhwevhulo vwe uMulungu akuseshela pilongolela ilya vhahavhizya vhaakwe, lwe umutalamalandu wooka akutonta uvhutalamalandu vhwakwe.”

uLuuka 15:7

“Nkuvhavhuuzya kuuti, vhwevhulo vwe kuliivha uluseshelo ulupiti ku mwanya, lwe umutalamalandu wooka atonta uvhutalamalandu vhwakwe. Uluseshelo ulwo, luliivha lupiti kuluusya uluseshelo ulwa kuvha na vhantu 99 vhe vhakuyilola kuuti vhagolosu, vhatakwanza kutonta.”

uLuuka 16:30

“Udumbwe uyo havhili ahati, ‘Ndaali, taata Aabulahamu! Ileelo inga umuntu aafuma ku vhafwe, asogola ku kwavho, pe kwe vhatonte imbiivhi zyavho.’

uLuuka 21:31

“Vhwevhulo, niimwe lwe mukuzilola izyo zikuvhombeha, pe muhamanyaje kuuti uvhumwene uvhwa Mulungu vhupalamiiye kwinza.

uLuuka 24:47

Havhili kwi izina lyakwe, avhantu avha mu nsi zyonti, kwandila ku Yelusaleemu, vhalivhakumusizya kuuti vhatontaje imbiivhi zyavho, inga uMulungu avhaswile.

uLuuka 6:20

UYeesu ahavheenya avhasundikwa vhaakwe, ahavhavhuuzya ahati, “Mulosiitwe imwe mwe vhapiina, mwe pe uvhumwene uvhwa Mulungu vhwinyu.

uLuuka 9:2

Pe ahavhasonteelezya kukumusya izwi ilya vhumwene uvhwa Mulungu nu kuvhaponia avhavhinu.

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

iMbombo izya Vhatumwa 20:21

Nkavhasohaga aVhayuuda na vhe te Vhayuuda kuuti vhatonte uvhutalamalandu vhwavho, vhamulandate uMulungu, nu kumwitiha uMwene wiitu uYeesu Chilisiti.

iMbombo izya Vhatumwa 26:20

Nkanda kulumbiilila avhantu avha mu Damaasiki suuti, kuuti vhatonte imbiivhi zyavho, vhamulandate uMulungu nu kuvhomba zye zikulolesya kuuti vhapindusile mu mooyo gaavho. Pisinda, nkalumbiilila amazwi ganaago na ku vhantu avha mu Yelusaleemu na vha mu nsi yonti iya mu Yudeeya na ku vhantu vhe te Vhayuuda.

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

2 VaKolinti 7:10

Uvhuswimiilizu vhwe vhukwinza ku lukasamo ulwa Mulungu vhukumupela umuntu kutonta uvhutalamalandu. Kutonta ukwo, kukumupela umuntu kuuti avhwaje uvhuposhi. Uvhuswimiilizu inza uvhwo te vhwa kuyikwinkwina. Ileelo uvhuswimiilizu vhwe vhukwinza kufumiilana ni zya mu nsi, vhukuleeta uvhufwe.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

2 Timoti 2:25

Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

VaHebuli 6:1

Pe ishi, tutahajendeelele kusyala ni nsambiilizyo izya ku vhwandilo izya Chilisiti vhweleele, nkandi tukanyilaje kusambiilila izyamwavho, inga tuvhe twe vhalandati twe tugomile mu lwitiho. Nalyoli tutakwanzilwa havhili kusambiilizya insambiilizyo izya kutonta imbiivhi zye zikupelela uvhufwe, ni zya kumwitiha uMulungu.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.

Ishitushizya 2:21

Imupiiye ahavhaliilizyo aha kupinduha, ileelo atakwanza kuvhuleha uvhulugusu vhwakwe.

Ishitushizya 2:5

Pe ukumbushe paala pe wáamile lwe ushiili kuteega. Upindushe, uzivhombaje imbombo intanzi. Ileelo inga utavhomba izyo, nkwinza naluvhiilo kuli iwe nu kusheefwa ishisajishilo isha nyaale pe shili.