Matayi 28:6 - ULufingwi uLupwa

⁶ Ataliipo ipa! UMulungu amuzyusiizye, inza vwe ávhavhuziizye! Yeenyi pe vhaamukasiizye.

Tesitamenti Umupwa 1965

⁶ Atalipʼumu. Shʼazyusile inza she lilyo lyʼayanzile, palamilaji mwenye pʼamalambalayʼuwene.

Matayi 28:6 ပူးပေါင်းရင်းမြစ်များ

Matayi 12:40

Nkuyanga vhwevhulo, mwe pe inza vwe uYoona átendiime insiku zitatu mu lwanda ulwa nswi impiti uvhusiku nu musanya, niine ne Mwana wa Aadamu kwe ntendame mu mbiipa insiku zitatu uvhusiku nu musanya.

Matayi 16:21

Kufuma ahavhaliilizyo iho, uYeesu ahataliha kuvhavhuuzya apazelu avhasundikwa vhaakwe kuuti, “Nkwanzilwa kusogola ku Yelusaleemu. Ukwo kwe njimvilwe nkaani na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Matayi 17:23

nu kungoga. Ileelo isiku ilya vhutatu, uMulungu alinzyusya.” Lwe avhasundikwa vhaakwe vhiivwa izyo, vhahaswimiililwa nkaani.

Matayi 17:9

Lwe vhakwiha mwi igamba liila, uYeesu ahavhalajizya, ahati, “Mutahinze mumuvhuuzye umuntu nuumo zye mwazilola, kufishila ahavhaliilizyo he ne Mwana wa Aadamu nazyuha.”

Matayi 20:19

Kwe vhambiishe mu nyoovhe izya vhe te Vhayuuda nu kunjevhula. Havhili kwe vhankome nu muchaapu nu kunkomeela pa shihovhenkanyo. Ileelo isiku ilya vhutatu, uMulungu alinzyusya.”

Matayi 27:63

Pe vhahamuvhuuzya vhahati, “We mwene, tukukumbuha kuuti lwe we akuhopenkanya ula mupuuma, áyanzile átili, ‘Lwe zyatuuha insiku zitatu, ndizyuha.’

Maliko 16:6

Ileelo umujaaha ula ahati, “Mutahasamalaje. Imanyile kuuti mukumulondola uYeesu uwa ku Naazaleeti we aahomeliilwe. Ataliipo ipa! UMulungu amuzyusiizye! Yeenyi pe vhaamukasiizye.

Maliko 8:31

UYeesu ahataliha kuvhasambiilizya avhasundikwa vhaakwe kuuti, “Ne Mwana wa Aadamu nkwanzilwa kuyimba nkaani nu kuhaanwa na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

uLuuka 24:12

Ileelo uPeeteli ahimiilila naluvhiilo, ahashimbila uluvhilo kusogola ku mbiipa. Lwe aafiha, ahinanjizya mu mbiipa, ahalola we mwenda vhweleele we vhámusyililiiye uYeesu. Aheepa paala, akusukumila zye zifumiiye.

uLuuka 24:23

ileelo vhaazile ishaala isha Yeesu naashimo mu mbiipa. Vhinzile kutuvhuuzya kuuti vhalolesheliilwe na vhahavhizya vhe vhavhavhuziizye kuuti uYeesu azyusile.

uLuuka 24:44

Pe ahavhavhuuzya ahati, “Izi, zye naavhavhuziizye ahavhaliilizyo he naamile pooka niimwe, kuuti inongwa zye zisimviilwe mu ndajizyo izya Moose, na makalaata aga vhakuvhwi, na mwi ikalaata ilya Zabuuli zye zikuyanga izyane, zyonti zikwanzilwa zivhombeshe.”

Yohani 10:17

“UTaata ankunzite, mwe pe nkuvhufumwa uvhulanzi vhwane, inga mbwaje havhili.

Yohani 2:19

UYeesu ahavhaamula ahati, “Mongooli iNyumba iMfinjile ino, ine kwe njizenje ku nsiku zitatu.”

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.