Matayi 28:5 - ULufingwi uLupwa

⁵ Ileelo uhavhizya uyo ahavhavhuuzya avhantanda ivho ahati, “Mutogopaje! Imanyile kuuti mwinzile kumulondola uYeesu we aahomeliilwe.

Tesitamenti Umupwa 1965

⁵ Uwenʼuhavizya nyene ahavavuzyʼavantanda ahati: Imwe mutatetemaje. She manyilʼine ukuti mukwanzʼuYesu we vamuhomeleye pashihovenkanyo.

Matayi 28:5 ပူးပေါင်းရင်းမြစ်များ

Matayi 14:27

Ileelo uYeesu ahavhavhuuzya ahati, “Mutogopaje! Gomaaji umwoyo! Neene.”

Matayi 28:10

Pe ahati, “Mutogopaje, musogole muvhavhuuzye avhamwitu kuuti vhasogole ku Galilaaya, ukwo kwe kuuti vhanaaje.”

Matayi 28:4

Lwe avhasikaali vhaala vhamulola, vhahoogopa nkaani, vhahatetema nu kuvha ngati vhantu vhe vhafuuye.

Maliko 16:6

Ileelo umujaaha ula ahati, “Mutahasamalaje. Imanyile kuuti mukumulondola uYeesu uwa ku Naazaleeti we aahomeliilwe. Ataliipo ipa! UMulungu amuzyusiizye! Yeenyi pe vhaamukasiizye.

uLuuka 1:30

Pe uhavhizya ahati, “Maliiya, utogopaje! UMulungu akufwiliiye uvhwila.

uLuuka 24:5

Avhantanda ivho, ilyoga lihavhalema. Vhahakupama pansi. Pe avhanaavuli vhaala vhahavhavhuuzya vhahati, “Shooni she mukumulondola we mupuuma ku vhafwe?

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.