Matayi 27:40 - ULufingwi uLupwa

⁴⁰ Vhahamujevhulaga vhahatinji, “Te weewe we watinji ungayimongola iNyumba iMfinjile nu kuyizenga havhili ku nsiku zitatu? Ishi, inga nalyoli iwe we Mwana wa Mulungu, uyiposhe weneewe, uyiishe pa shihovhenkanyo ipo!”

Tesitamenti Umupwa 1965

⁴⁰ vahati: We umanyilʼukumongolʼi-tempeli nukuyizenga havili kumanda gatatu, uyipohaje wenewe weka. Inga we Mwana wa Mulungu uyihaje pashihovenkanyo.

Matayi 27:40 ပူးပေါင်းရင်းမြစ်များ

Matayi 16:4

Avhantu avha havhaliilizyo iha vhavhiivhi havhili vhavhembu. Vhakwanza ishilolesyo, ileelo te mbalolesye ishilolesyo naashimo, nkandi sheshiila isha Yoona.” Pe uYeesu ahavhaleha paala, aheepa.

Matayi 26:61

“Umuntu uno átili, ‘Ine ingayimongola iNyumba iMfinjile nu kuyizenga havhili ku nsiku zitatu.’”

Matayi 27:41

Vhwevhulo, vhoope avhapiti avha vhapuuti na vhasambiilizi avha ndajizyo na vhasongo avha Vhayuuda vhahamujevhula, vhahati,

Matayi 27:42

“Aavhaposile avhanji, ileelo atangayipoha wuuyo! Inga wu Mwene uwa Vhaisilayeeli, ayiishe pa shihovhenkanyo, pe niiswe kwe tumwitishe.

Matayi 27:54

Lwe umupiti uwa vhasikaali pooka na vhe vhahamuguulaga uYeesu vhaalola ishisumbi, ni zinji inyinji zye zyálolesile vhahoogopa nkaani, vhahayanga vhahati, “Nalyoli umuntu uno aamile Mwana wa Mulungu!”

Matayi 4:3

Pe uMukwalanzi ahinza kumulinga, ahamuvhuuzya ahati, “Inga we Mwana wa Mulungu, gavhuuzye amavhwe iga gagalunkane gavhe makaati.”

Matayi 4:6

Ahamuvhuuzya ahati, “Inga iwe we Mwana wa Mulungu, yisumbe pansi, mwe pe yisimviilwe mu Vhusimbe uVhufinjile kuuti, ‘UMulungu kwe avhalajizye avhahavhizya vhaakwe, kuuti vhakutone mu nyoovhe zyavho, inga utahabumile ishinama pi ivhwe nu kuvwalala.’”

uLuuka 16:31

UAabulahamu ahamwamula ahati, ‘Inga vhatakuzyitiha zye zisimviilwe nu Moose na vhakuvhwi, poosye umuntu azyushe kufuma ku vhafwe, vhatangamwitiha.’”

Ishitushizya 11:10

Avhantu vhonti vhe vhakutendama pa nsi, vhaliseshela nu kudovhela nu kufumwizanya ivipeelwa ku mfwa izya vhahoome ivho vhavhili. Vhalivhomba isho, mwe pe avhakuvhwi ivho vhávhayimvwizye vhe vhakutendama pa nsi ipa.