Matayi 27:27 - ULufingwi uLupwa

²⁷ Pe avhasikaali avha mupiti uMuluumi ula vhahamutwala uYeesu mu nyumba yaakwe iya kukonzezya. Vhahavhavhungaaniha avhasikaali avhamwavho vhonti nu kumuzyunguula uYeesu.

Tesitamenti Umupwa 1965

²⁷ Pavasikali va musungansi vahamusendʼuYesu, vahavala nawo munyumba ya vulonzi, vahamuzinjililʼimpuga zyonti zya vamwavo.

Matayi 27:27 ပူးပေါင်းရင်းမြစ်များ

Matayi 26:3

Ahavhaliilizyo iho, avhapiti avha vhapuuti na vhasongo avha Vhayuuda vhahavhungaana mu nyumba iya kukonzezya iya mupuuti umupiti we izina lyakwe vhahatinji uKayaafa.

Yohani 18:28

Inzanshi lwe kwasha, avhalongozi avha Vhayuuda vhahamunyatula uYeesu kufuma kwa Kayaafa, nu kumutwala ku nyumba iya kukonzezya iya mulongozi uwa Vhaluumi. Ileelo avheene vhatínjiiye mu nyumba umwo, inga vhatahayihandamanie, vhapootwe kulya ishaakulya isha shikulukuulu isha Pasaaka.

Yohani 18:3

Pe ahayiposheela impuga iya vhasikaali na vhavhomvi vhamo kufuma ku vhapiti avha vhapuuti na Vhafalisaayi, ahasogola navho pa shilimbika isho. Lwe vhakusogola, vhányatuuye inyaale na mazondolo ni vilwilo.

Yohani 18:33

Lwe uPilaato ayiivwa izyo, ahinjila havhili mu nyumba iya kukonzezya, ahavhalajizya kuuti vhamutwale uYeesu ku kwakwe. Lwe vhamutwala, ahamuvhuziilizya uYeesu ahati, “Vhuli, iwe we Mwene uwa Vhayuuda?”

iMbombo izya Vhatumwa 10:1

Mu nkaaya iya Kayisaaliya mwámile umuntu wumo we atáamile Muyuuda, izina lyakwe vhahatinji uKolineeliyo. Áamile mupiti wa vhasikaali avha Shiluumi, ahalongozyaga avhasikaali 100, kufuma mu mpuga impiti iya vhasikaali ye vhahatinji iMpuga iya Vhaitaaliya.

iMbombo izya Vhatumwa 23:35

Pe ahati, “Kwe ntejeelezye amalandu gaaho inga vhaafiha vhe vhakulonjeleeye.” Ahalajizya kuuti vhamuguulile uPaavhuli mu nyumba iya kukonzezya iya Heelodi.

iMbombo izya Vhatumwa 27:1

Indajizyo zihafuma kuuti tushuule ni meeli kusogola mu nsi iya Itaaliya. Pe vhahamuvhiiha uPaavhuli na vhakungwa avhanji kwa mwimiilizi wumo uwa vhasikaali. Umwimiilizi uyo izina lyakwe vhahatinji uYuuliyo. Uweene áali mupiti uwa mpuga iya vhasikaali iya mupiti uKayisaali.