Matayi 27:24 - ULufingwi uLupwa

²⁴ Lwe uPilaato aalola kuuti atangagalulanya insiivho izya vhantu ivho nu kuuti vhatalisile ivho, ahanyatula aminzi nu kugeeza mu nyoovhe zyakwe pilongolela lyavho kulolesya kuuti atali nu vhunanzi naavhumo. Pe ahavhavhuuzya ahati, “Ine ntali nu vhunanzi naavhumo ku vhufwe uvhwa muntu uno umugolosu. Izi zili mu nyoovhe zyinyu mweneemwe!”

Tesitamenti Umupwa 1965

²⁴ IlelʼuPilati lwʼayazile vatakumwitiha, nkandi vakwonjezyʼukuhalambana, pʼahasendʼaminzi ahasukusula munyove she vakwenyʼavantʼimpuga yonti, ahati: Ine ne muzelu, amavanda ga muntʼumugolosu wununo. Zyinyu mwenemwe kunukwo.

Matayi 27:24 ပူးပေါင်းရင်းမြစ်များ

Matayi 26:5

Ileelo vhahapanzanya vhahati, “Tutahamuleme isiku ilya pa shikulukuulu, mwe pe avhantu vhanginza vhapele ivho.”

Matayi 27:19

Lwe uPilaato atendiime pa shitengo isha vhulonzi, umushi ahatumiilizya intumi ahati, “Utahamuvhombele ivhiivhi naalimo umuntu uyo we mugolosu, mwe pe uvhusiku uvhwa ileelo njimvile nkaani mu njozi ku zyakwe.”

Matayi 27:23

UPilaato ahavhuziilizya havhili ahati, “Ananzile ishooni she tumuhomeele?” Ileelo avheene vhahajendeelela kuzuma ahalanga kuuti, “Ahomeelwe!”

Matayi 27:4

Ahavhavhuuzya ahati, “Mbomvile uvhutalamalandu uvhwa kumuvhiiha mu nyoovhe zyinyu umuntu we atananzile naashimo.” Ileelo avheene vhahati, “Izyo zitakutwavwa naashimo, zyaho weneewe.”

Matayi 27:54

Lwe umupiti uwa vhasikaali pooka na vhe vhahamuguulaga uYeesu vhaalola ishisumbi, ni zinji inyinji zye zyálolesile vhahoogopa nkaani, vhahayanga vhahati, “Nalyoli umuntu uno aamile Mwana wa Mulungu!”

Matayi 27:9

Isho vwe lyálunjisile izwi lye umukuvhwi uYelemiya ásimvile átili, “Vhányatuuye insavhaazya 30, ishipimilo she aVhaisilayeeli vhítinkiine kumulipa.

Yohani 13:9

Pe uPeeteli ahamwamula ahati, “We Mwene, inga vwe zili, utahanoozye vwe vinama vweka, unoozye ni nyoovhe pooka ni itwe vhweleele.”

Yohani 19:4

UPilaato ahafuma panzi havhili, ahayivhuuzya impuga iya vhantu ivho ahati, “Yeenyi, naakumuleeta ishi kuli imwe umuntu uno, inga mumanye kuuti ntakuvhulola uvhunanzi naavhumo ku kwakwe.”

iMbombo izya Vhatumwa 3:14

Imwe muhamuhaana uYeesu, we Mufinjile wa Mulungu havhili Mugolosu. Ileelo muhalaavha kuuti, umuntu we mugozi we asatulwe!

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.