Matayi 26:74 - ULufingwi uLupwa

⁷⁴ UPeeteli ahanda kutipa nu kulapa, ahati, “Ntamumanyile umuntu uyo!” Ahavhaliilizyo hanaaho inkanda yihavhilishila.

Tesitamenti Umupwa 1965

⁷⁴ Pʼuwenʼahandʼukuyitipa nukulapa ahati: Ine ntamumanyile nakumʼumuntʼuno. Pʼihavilishilʼinkanda.

Matayi 26:74 ပူးပေါင်းရင်းမြစ်များ

Matayi 10:28

Mutavhogopaje vhe vhakugoga we muvhili vhweleele, nkandi mumwogopaje uMulungu we akulovwa nziila mwi ipalaazya ilya mwoto!

Matayi 26:34

UYeesu ahamwamula ahati, “We Peeteli! Nalyoli nkukuvhuuzya kuuti, uvhusiku uvhwa ileelo lwe inkanda yishiili kuvhilishila, kuuti uvhe wankaana lutatu kuuti utamanyile.”

Matayi 26:73

Lwe ahavhaliilizyo hatuuha hansi, avhantu vhe vhímiliiye paala, vhahapalamila kwa Peeteli, vhahamuvhuuzya vhahati, “Nalyoli iwe we wooka mu vhantu ivho, poosye ahayanjile haaho hakulolesya kuuti ufumile ku Galilaaya!”

Matayi 26:75

UPeeteli ahalikumbuha izwi ilya Yeesu lye átili, “Lwe inkanda yishiili kuvhilishila, kuuti uvhe wankaana lutatu.” Pe ahafuma panzi nu kukuuta ku vhuswimiilizu nkaani.

Matayi 27:25

Avhantu vhonti vhahamwamula vhahati, “Uvhunanzi uvhwo uvhwa kumugoga uYeesu, vhuvhe vhwitu na vhaana vhiitu!”

Maliko 14:30

UYeesu ahamwamula ahati, “Nalyoli nkukuvhuuzya kuuti, uvhusiku uvhwa ileelo lwe inkanda yishiili kuvhilishila luvhili, kwe unkaane lutatu.”

Maliko 14:68

Ileelo uPeeteli ahamuhaanila ahati, “Ntakukumanyinsanya inga hansi, havhili ntakumanya zye ukuyanga!” UPeeteli aheepa paala, ahasogola pa mulyango, ahavhaliilizyo hanaaho inkanda yihavhilishila.

uLuuka 22:60

Ileelo uPeeteli ahati, “We muntu weewe we! Zye ukuyanga izyo ine ntazimanyile!” Lwe akuyanga izyo, inkanda yihavhilishila pepaala.

Yohani 18:27

UPeeteli ahahaana havhili ahati, “Te neene.” Ahavhaliilizyo hanaaho inkanda yihavhilishila.

VaLoma 9:3

kuzya vhajenzi vhaane aVhaisilayeeli. Yeenya, inga lwaamile lukasamo lwane, ine neneene, nkandi nitisile kutipwa nu kundehaanya nu Chilisiti, inga kuvhomba vhwevhulo kungavhaavwa avhajenzi vhaane ivho, kuuti vhamwitishe uChilisiti.

1 VaKolinti 16:22

Umuntu wonti we atakumukunda uMwene uYeesu, atipwaje. Malanaasa, kwe kuuti we Mwene uyinze!

Ishitushizya 3:19

Vhonti vhe mbakunzite, nkuvhapilila nu kuvhasunda, pe uvhe nu mute kutonta.