Matayi 26:61 - ULufingwi uLupwa

⁶¹ “Umuntu uno átili, ‘Ine ingayimongola iNyumba iMfinjile nu kuyizenga havhili ku nsiku zitatu.’”

Tesitamenti Umupwa 1965

⁶¹ ve vahati: Umuntu wununo akuti: Imanyilʼine ukumongolʼitempeli ya Mulungu nukuzengʼamanda gatatu vwelele ukuyimala.

Matayi 26:61 ပူးပေါင်းရင်းမြစ်များ

Matayi 12:24

Ileelo lwe aVhafalisaayi vhiivwa izyo, vhahayanga vhahati, “Umuntu uno akushimbizya impepo inkandamanu ku maha aga Belizabuuli, umupiti uwa mpepo inkandamanu!”

Matayi 26:62

Pe umupuuti umupiti ahimiilila pahati yaavho, ahamuvhuziilizya uYeesu, ahati, “Vhuli, utakuvhaamula avhantu ivha kulandatana na zye vhakukulonjeelela?”

Matayi 26:71

Pe uPeeteli aheepa paala, ahasogola pa mulyango uwa kufumila pa lupitu. Umuvhomvi uwamwavho umulindu ahamulola, ahavhavhuuzya avhantu vhe vháali paala ahati, “Umuntu uno aamile pooka nu Yeesu uMunaazaleeti.”

Matayi 27:40

Vhahamujevhulaga vhahatinji, “Te weewe we watinji ungayimongola iNyumba iMfinjile nu kuyizenga havhili ku nsiku zitatu? Ishi, inga nalyoli iwe we Mwana wa Mulungu, uyiposhe weneewe, uyiishe pa shihovhenkanyo ipo!”

Matayi 27:5

Pe uYuuda ahazisumba insavhaazya izyo pa Nyumba iMfinjile, aheepa, ahasogola ahayinyonga.

Maliko 14:58

“Twaamwivuuye akuyanga kuuti, ‘Ingayimongola iNyumba iMfinjile ino ye yázengwilwe ni nyoovhe izya vhantu, na ku nsiku zitatu ingazenga iyinji ye yitakuzengwa ni nyoovhe izya vhantu.’”

Maliko 15:29

Avhantu vhe vhahatuuhaga mwi idala liila vhahamuligaga uYeesu nu kuyinzaanya amatwe gaavho kumusuufwa. Vhahamujevhulaga vhahatinji, “We! Te weewe we watinji ungayimongola iNyumba iMfinjile nu kuyizenga havhili ku nsiku zitatu?

uLuuka 23:2

Vhahanda kumulonjeelela, vhahati, “Umuntu uno, twaamuvhwenyi akusambiilizya insambiilizyo zye zikuvhavhiiha avhantu kusambuha mu nsi yiitu. Akuvhahaana avhantu kufumwa umusonko kwa Kayisaali, havhili akuyanga akuti uweene wu Chilisiti, uMwene.”

Yohani 9:29

Tumanyile kuuti uMulungu áyanzile nu Moose, ileelo umuntu uyo tutamanyile kwe afumile.”

iMbombo izya Vhatumwa 17:18

Mu nsokooni umwo, mwámile avhasambiilile vhamo vhe vhahatinji aVhaepikuleewo na Vhasitoyiiki. Ivho vhahanda kuvhuzilizanya nu Paavhuli. Vhamo vhahati, “Umuntu we akuyangaana uno akwanza kuuti vhuli?” Vhamo vhahati, “Yikuloleha kuuti akulumbiilila izya vhalungu avhajeni.” Vháyanzile isho, mwe pe uPaavhuli ahalumbililaga Izwi iLyinza kuzya Yeesu nu kuzyuha.

iMbombo izya Vhatumwa 18:13

Vhahati, “Tukumulonjeelela umuntu uno, mwe pe akuvhahopenkanya avhantu kuuti vhamupuutaje uMulungu kwi idala lye likulegana ni ndajizyo.”

iMbombo izya Vhatumwa 22:22

Avhantu vhahamutejelezyaga uPaavhuli, ileelo lwe ayanga izyo, pe vhahanda kuzuma ahalanga kuuti, “Mugoji! Umuntu uno akwanzilwa kufwa!”