Matayi 26:46 - ULufingwi uLupwa

⁴⁶ Vhuushi, tujendi. Yeenya, we akunaniila apalamiiye!”

Tesitamenti Umupwa 1965

⁴⁶ Simuvuhaje tujendaje, ayinzilʼuwa kunanilila.

Matayi 26:46 ပူးပေါင်းရင်းမြစ်များ

Matayi 26:45

Lwe agaluha havhili ku vhasundikwa vhaakwe, ahati, “Niishi mukaasite utulo nu kutuuzya? Yeenya, ahavhaliilizyo haafiha, ne Mwana wa Aadamu kwe vhambiishe mu nyoovhe izya vhatalamalandu.

Matayi 26:47

Ahavhaliilizyo hehaala uYeesu lwe akuyanga, uYuuda, we wooka mu vhasundikwa 12 ahafiha ni ivhungaana ipiti ilya vhantu vhe vháamile na mapanga ni nduugu. Avhantu ivho vháfumile ku vhapiti avha vhapuuti na vhasongo avha Vhayuuda.

Maliko 14:42

Vhuushi, tujendi. Yeenya, we akunaniila apalamiiye.”

uLuuka 12:50

Niine ndi na mayimba ge nkwanzilwa kutuushila, kwe njendeelele kuyimba nkaani mu mwoyo waane, kufishila kuuti galunjishe.

uLuuka 22:15

Ahavhavhuuzya ahati, “Naseshela nkaani kulya ishikulukuulu ishi isha Pasaaka pooka niimwe, lwe inshiili kusogola mu mayimba.

uLuuka 22:21

“Ileelo mumanyaje kuuti, umuntu we akwanza kunaniila, tukulya pooka nawo ipa.

uLuuka 9:51

Insiku zyakwe izya kuzuvha ku mwanya lwe zyapalamila, uYeesu ahaamula kusogola ku Yelusaleemu.

Yohani 14:31

Zye nkuzivhomba zye uTaata ándajiziizye kuzivhomba, inga avhantu vhonti avha mu nsi umu vhamanye kuuti imukunzite. Ishi yimiliili, twepe ipa.”

Yohani 21:20

Pe uPeeteli ahashevhela mwisinda, ahamulola umusundikwa we uYeesu ámukunzite akuvhalandata. Umusundikwa uyo we átendiime papiipi nu Yeesu lwe vhaakulya ishaakulya isha Pasaaka, nu kumuvhuziilizya kuuti, “We Mwene, wu naanu we kuuti akwaniile?”

iMbombo izya Vhatumwa 21:13

Ileelo uweene ahatwamula ahati, “Mukuhonzya vhuli kukuuta nu kumvunza umwoyo? Ine nitisile zyonti, te kwe kukungwa kweka vhweleele, nitisile nu kufwa ku Yelusaleemu kuzya izina ilya Mwene uYeesu.”