Matayi 26:39 - ULufingwi uLupwa

³⁹ Ahasogola pilongolela hansi, ahagwa ishikupama, ahalaavha ahati, “We Taata, inga zingavhombeha, nkulaavha uyeefwe amayimba iga kuli ine. Ileelo utahavhombe inza vwe nkasiime ine, nkandi vwe ukasiime weneewe.”

Tesitamenti Umupwa 1965

³⁹ Uwenʼahapitilila ahakupama pansi, ahaputa ahati: We Tata, inga shapagagʼapa kupitilila papane ishikombʼishi shipitililaje. Nkandi ne washʼine zye nkasimʼine, zivombelwaje zyengʼukasimʼiwe.

Matayi 26:39 ပူးပေါင်းရင်းမြစ်များ

Matayi 20:22

UYeesu ahavhaamula ahati, “Mutamanyile zye mukulaavha. Vhuli, mungayimba amayimba inza ge nandi nsogole kuyimba ine?” Vhoope vhahamwamula vhahati, “Eena tungayifumwa.”

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

Maliko 13:22

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

uLuuka 17:16

Lwe aafiha, ahagwa ishikupama pilongolela pa vinama ivwa Yeesu nu kumusalifwa. Umuntu uyo, áamile Musamaliya.

Yohani 11:41

Pe avhantu vhe vháliipo paala, vhahalyefwa ivhwe liila lye lyáli pa mulyango. UYeesu aheenya ku mwanya, ahalaavha kwa Mulungu ahati, “We Taata, nkukusalifwa, mwe pe watejeelezya impuuto zyane.

Yohani 14:31

Zye nkuzivhomba zye uTaata ándajiziizye kuzivhomba, inga avhantu vhonti avha mu nsi umu vhamanye kuuti imukunzite. Ishi yimiliili, twepe ipa.”

Yohani 18:11

UYeesu ahamuvhuuzya uPeeteli ahati, “We Peeteli, galusya ipanga mu shipata shaakwe. Vhuli, utamanyile kuuti nkwanzilwa kuyimba inza vwe uTaata akasiime kuuti njimvilwe?”

Yohani 5:19

UYeesu ahavhavhuuzya avhalongozi ivho ahati, “Nalyoli nkuvhavhuuzya kuuti, ine ne Mwana waakwe, ntangavhomba naalimo ku maha gaane. Nkuvhomba zyeziila zye nkumulola uTaata waane akuvhomba, mwe pe zye uTaata akuvhomba zye niine ne Mwana waakwe nkuvhomba.

Yohani 5:30

UYeesu ahajendeelela kuyanga ahati, “Naashimo she ingavhomba ku maha gaane. Nkuvhalonga avhantu kulandatana na vwe uTaata waane akumbuuzya. Kuli izyo, uvhulonzi vhwane vhugolosu, mwe pe ntakuvhomba zye nkasiime, nkandi zye akasiime uTaata waane we ansonteleziizye.

Yohani 6:38

Nkuyanga isho, mwe pe ine ninzile kufuma ku mwanya, inga mbombaje ulukasamo ulwa Taata waane we ansonteleziizye. Ntinzile kuvhomba zye nkansiime neene.

iMbombo izya Vhatumwa 10:25

Lwe uPeeteli aafiha, uKolineeliyo ahamuposheela, ahasugamila pansi pa vinama vwakwe nu kumupuuta.

Filipi 2:8

Ahayiisya weeka, havhili ámushindisile uTaata, ahiitiha nu kufwa, poosye uvhufwe uvhwa pa shihovhenkanyo.

VaHebuli 5:7

Lwe uYeesu ali mu nsi umu, ahamulaavhaga uMulungu nu kukuuta nkaani na mansozi, mwe pe ámanyile kuuti uMulungu ali na maha aga kumupoha ku vhufwe. Woope uMulungu ahiitiha impuuto zyakwe, mwe pe uYeesu ahamushindihaga.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”