Matayi 26:36 - ULufingwi uLupwa

³⁶ Pe uYeesu ahasogola na vhasundikwa vhaakwe pa shilimbika shimo she vhahatinji iGetisemaani. Lwe aafiha penepo ahavhavhuuzya avhasundikwa vhaakwe ahati, “Mutendame ipa, ine nasogola paala kumulaavha uMulungu.”

Tesitamenti Umupwa 1965

³⁶ PʼuYesu ahavalʼukufiha navo paluvungano lumo, lwe vatili Getisemani izina. Pʼahayanga navasundikwa vakwe ahati: Simutendame panapʼimwe, ine suti nkuvalʼukuputa pala.

Matayi 26:36 ပူးပေါင်းရင်းမြစ်များ

Matayi 26:39

Ahasogola pilongolela hansi, ahagwa ishikupama, ahalaavha ahati, “We Taata, inga zingavhombeha, nkulaavha uyeefwe amayimba iga kuli ine. Ileelo utahavhombe inza vwe nkasiime ine, nkandi vwe ukasiime weneewe.”

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

Matayi 6:6

Ileelo iwe lwe ukumulaavha uMulungu, uyinjilaje kwi iziiho lyaho nu kwigalila umulyango. Pe ulaavhaje kwa Taata waaho we atakuloleha. Pe uTaata waaho uwa ku mwanya we akulola zye zikuvhombeha kukwilu, aliikupa ishipeelwa.

VaHebuli 5:7

Lwe uYeesu ali mu nsi umu, ahamulaavhaga uMulungu nu kukuuta nkaani na mansozi, mwe pe ámanyile kuuti uMulungu ali na maha aga kumupoha ku vhufwe. Woope uMulungu ahiitiha impuuto zyakwe, mwe pe uYeesu ahamushindihaga.