Matayi 26:31 - ULufingwi uLupwa

³¹ Pe uYeesu ahavhavhuuzya avhasundikwa vhaakwe ahati, “Uvhusiku uvhwa ileelo imwe mwenti kwe munshimbile nu kundeha. Nkuyanga vhwevhulo, mwe pe yisimviilwe mu Vhusimbe uVhufinjile kuuti, ‘Ndimuhoma umudiimi, ni ngʼonzi izya mu mpuga iyo zilisaata.’

Tesitamenti Umupwa 1965

³¹ PʼuYesu ahavavuzya ahati: Uvusikʼuvu mwenti mulipunula mulʼine. She lisimṿilwe lye likuti: Ndihomangʼumudimi, ilelo pʼingʼonzi zyʼidimilo zilinyampana.

Matayi 26:31 ပူးပေါင်းရင်းမြစ်များ

Matayi 11:6

Alosiitwe umuntu we akuniitiha ine ishisita amaganigani.”

Matayi 26:24

Ne Mwana wa Aadamu kwe mfwe inza vwe nsimviliilwe mu Vhusimbe uVhufinjile. Ileelo asheela umuntu uyo we akunaniila. Yaamile kwashi ku kwakwe umuntu uyo, inga atápafwilwe.”

Matayi 26:56

Ileelo izi zyavhombeha, inga zye avhakuvhwi vhásimvile mu Vhusimbe uVhufinjile zilunjishe.” Pe avhasundikwa vhaakwe vhonti, vhahamuleha weeka nu kushimbila.

Yohani 16:32

Yeenyi, ahavhaliilizyo hapalamiiye, havhili hali papiipi nkaani, he mwenti kwe musataane. Mwenti kwe musogole ukwinyu nu kundeha neeka. Ileelo ine ntali neeka, mwe pe uTaata ali pooka niine.