Matayi 26:18 - ULufingwi uLupwa

¹⁸ UYeesu ahavhaamula ahati, “Musogole mu nkaaya iya Yelusaleemu kwa muntu wumo, mumuvhuuzye muti, ‘UMusambiilizi atusonteelezya, akuti, “Ahavhaliilizyo haane hapalamiiye. Ine na vhasundikwa vhaane kwe tulye ishaakulya isha Pasaaka mu nyumba yaaho.”’”

Tesitamenti Umupwa 1965

¹⁸ Uwenʼahati: Muvale munkaya mula, kwa shitʼulive muhatinji: UMusambilizi atili: Ahavalilizyo hane hinzile, uPasa nkulya kukwaho poka navasundikwa vane.

Matayi 26:18 ပူးပေါင်းရင်းမြစ်များ

Matayi 21:3

Inga umuntu akuvhavhuziilizya izya ndogomi izyo, muhatinji, ‘UMwene uYeesu akuzyanza,’ woope kuuti avhitishile kwinza nazyo.”

Matayi 23:10

Havhili, mutitihaje lwe avhantu vhakuvhiita kuuti, ‘Mwe vhalongozi,’ mwe pe muli nu Mulongozi wooka vhweleele we wu Chilisiti.

Matayi 23:8

“Ileelo imwe mutitihaje lwe vhakuvhiita kuuti, ‘We musambiilizi!’ Nkuyanga vhwevhulo, mwe pe muli nu Musambiilizi wooka vhweleele, niimwe mwenti mwe vhasundikwa vhaakwe.

Matayi 26:19

Avhasundikwa ivho vhahasogola nu kuvhomba inza vwe uYeesu ávhalajiziizye, vhahasengaanya ishaakulya isha Pasaaka.

Matayi 26:2

“Inza vwe mumanyile, zyasyala insiku zivhili kufiha pa shikulukuulu isha Pasaaka. Ine ne Mwana wa Aadamu kwe vhananiile, inga nkomeelwe pa shihovhenkanyo.”

Matayi 26:49

Naluvhiilo uYuuda ahasogola kwa Yeesu ahati, “We Musambiilizi, mwakaata!” Ahamwofwa.

Maliko 5:35

Lwe akuyanga izyo, vhahinza avhantu vhamo kufuma kuhaaya kwa Yaayili, vhahati, “Yaayili, leha kumutamwa uMusambiilizi, umwana waaho afuuye.”

uLuuka 22:53

Insiku zyonti, twavhanga pooka pa Nyumba iMfinjile, ileelo mutandemaga! Ishi, iha he havhaliilizyo hiinyu, ahavhaliilizyo he umwene uwa shiisi akukonzya.”

Yohani 11:28

Lwe uMaalita ayanga izyo, ahasogola kumwita umunine waakwe uMaliiya, ahamuvhuuzya kukwilu ahati, “UMusambiilizi aliipo ipa, akukwita.”

Yohani 12:23

UYeesu ahavhaamula ahati, “Ishi ahavhaliilizyo haafiha aha vhushindamu vhwane ne Mwana wa Aadamu kuloleha.

Yohani 13:1

Lwe isiku ilya shikulukuulu isha Pasaaka lishiili kufiha, uYeesu ahamanya kuuti ahavhaliilizyo haakwe haafiha aha kwepa mu nsi umu, nu kusogola kwa Taata. Ahavhaliilizyo honti lwe ali mu nsi umu, ávhakunzite avhantu vhaakwe vhe vhámwitisile mu nsi, havhili ájendeleeye kuvhakunda kufishila kumpeleela.

Yohani 17:1

Lwe uYeesu aamala kuyanga na vhasundikwa vhaakwe zyonti izyo, aheenya ku mwanya, ahalaavha ahati, “We Taata, ahavhaliilizyo haafiha. Uvhalolesye avhantu uvhushindamu vhwane ine ne Mwana waaho, inga niine ne Mwana waaho imbalolesye uvhushindamu vhwaho vwe vhuli.

Yohani 20:16

UYeesu ahamwita izina lyakwe ahati, “We Maliiya!” Pe uMaliiya ahashevhela mwisinda, ahamulola uYeesu, ahamwita mu njango iya Shiyalaamu ahati, “Labooni!” Izina ili kwe kuuti, “Musambiilizi.”

Yohani 7:30

Lwe avhantu ivho vhiivwa izyo, vhahalinga kumulema, ileelo atáliipo umuntu we ásheleeye kumulema, mwe pe ahavhaliilizyo haakwe háshiili kufiha.

Yohani 7:6

Pe uYeesu ahavhaamula ahati, “Ahavhaliilizyo haane hashiili, ileelo imwe mungasogola ahavhaliilizyo honti.

Yohani 7:8

Imwe sogolaaji ku Yelusaleemu ku shikulukuulu isho. Ine ntakusogola, mwe pe ahavhaliilizyo haane hashiili kufiha.”