Matayi 25:6 - ULufingwi uLupwa

⁶ Ileelo pa vhusiku pahati, avhantu vhahavhilishila vhahati, ‘Yeenya, we akwimala ayinza! Fumaaji, tujende tumuposheele.’

Tesitamenti Umupwa 1965

⁶ Ilelo pavusiku pahati pe lihavilishilwa ilya kuti: Yenyi, umusendamwantanda! Simuvushʼukumutangana.

Matayi 25:6 ပူးပေါင်းရင်းမြစ်များ

Matayi 24:31

Pe ndivhasonteelezya avhahavhizya vhaane ni isaji lye lilikuutaga kwi izwi ipiti. Vhalivhavhungaaniha avhasaavhulwa vhonti avha Mulungu kufuma imbazu zyonti zine izya nsi, kwandila uluvhazu ulwa kwanda kwe insi yanzite, kufishila kwe yisiliiye.”

Matayi 24:44

Pe ishi, niimwe muyisenganyaaje ahavhaliilizyo honti, mwe pe ne Mwana wa Aadamu ndiyinza ahavhaliilizyo he mutasuvhiiye.”

Matayi 25:1

Pe uYeesu ahavhavhuuzya avhasundikwa vhaakwe ahati, “Ahavhaliilizyo iho uvhumwene uvhwa Mulungu vhuliholana ni shiholanyo isha vhalindu 10 vhe vhányatuuye inyaale zyavho nu kusogola kumuposheela we akwimala.

Matayi 25:31

UYeesu ahajendeelela kuvhavhuuzya avhasundikwa vhaakwe kuuti, “Lwe ine ne Mwana wa Aadamu ninza mu vhushindamu vhwane pooka na vhahavhizya vhonti, nditendama pa shitengo shaane isha vhushindamu.

Matayi 25:5

Lwe we akwimala ahaavha kwinza, utulo tuhavhalema avhalindu ivho vhonti nu kusupiila.

Matayi 25:7

Naluvhiilo avhalindu vhonti vhahadaamula nu kusengaanya inyaale zyavho.

uLuuka 12:20

Ileelo uMulungu ahamuvhuuzya ahati, ‘We mupukupuuku iwe! Uvhusiku uvhwa ileelo ili kuuti ufwe! Ivintu vwonti vwe uyivhishiiye, kuuti vivhe vwa naanu?’

uLuuka 12:46

umwene waakwe alivhwela isiku na havhaliilizyo he umuvhomvi waakwe atasuvhiiye. Pe aliimupa isunde ipiti nu kumuvhiiha pooka na vhe te vhatungamu.

1 VaTesaloniki 4:16

Nkuyanga vhwevhulo, mwe pe uMwene wuuyo aliyiiha kufuma ku mwanya. Aliyanga kwi izwi ilya maha, pooka ni izwi ilya havhizya umupiti ni izwi ilya isaji ilya Mulungu. Pe vhaala vhe vháfuuye she vhamwitisile uChilisiti, vhalizyuha suuti.

2 Peteli 3:10

Isiku ilya Mwene ilya kulonga avhantu liliyinza kwi idala ilya kwitushizya inza umwivha. Isiku ilyo, imwanya yiliyeepa ku lujilimo ulupiti, ivintu vwe vwápeziilwe hali vilipembwa nu mwoto, yoope insi yiliilovha pooka ni vintu vwonti vwe vili muumwo.

Ishitushizya 16:15

UYeesu ahayanga ahati, “Yeenyi, ine nkwinza kwi idala ilya kwitushizya inza umwivha! Alosiitwe umuntu we ali minso nu kuzwala amenda gaakwe, inga atahinze asogole ishitali ukwo nu kulola insoni apazelu.”