Matayi 25:41 - ULufingwi uLupwa

⁴¹ “Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Tesitamenti Umupwa 1965

⁴¹ Pe vope navakumuhonʼumumongo aliyanga navo aliti: Simwepe panapʼipa mwe vantipʼimwe, simuvale kumwoto wa shima we vapembelilwe numukwalanzi navahavizya vakwe.

Matayi 25:41 ပူးပေါင်းရင်းမြစ်များ

Matayi 13:40

Inza vwe indezye zikusaagulwa nu kupembwa mu mwoto, vwe ziliivha ku vhusililishilo uvhwa nsi.

Matayi 13:42

Avhahavhizya ivho vhalivhasumba avhantu ivho mwi ipalaazya ilya mwoto, umwo vhalikuutaga nu kuyimba nkaani.

Matayi 13:50

Avhahavhizya ivho vhalivhasumba avhatalamalandu mwi ipalaazya ilya mwoto, umwo vhalikuutaga nu kuyimba nkaani.”

Matayi 18:8

Inga inyoovhe yaaho, poosye ishinama shaaho shikukupelela kuuti uvhombe uvhutalamalandu, ushidumule nu kushisumba ukutali! Yeenya, kwashi kwinjila mu vhulanzi uvhwa shiima ni shinkuntu poosye she we kwesu, kuluusya kusumbilwa mwi ipalaazya ilya mwoto uwa shiima ni nyoovhe zyonti zivhili poosye ni vinama vwonti vivhili.

Matayi 25:42

Yeenya, lwe náali ni nzala mutámpiiye ishaakulya, havhili lwe náali ni shinyooto mutámpiiye aminzi aga kumwela.

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Matayi 3:12

Uweene ayisengiinye kuvhasavhulanya avhagolosu na vhatalamalandu inza umuntu we alemile ulupe, inga apemente ingana pa luvhuga. Kuluzelufwa uluvhuga, aliyivhungaaniha ingana yaakwe nu kuyivhiiha mu shanga, ileelo ilyelelo na mahambili alivipemba mu mwoto we wutakuzima.”

Matayi 4:10

UYeesu woope ahamwamula ahati, “Yeepa ipa, we Seetano! Yisimviilwe mu Vhusimbe uVhufinjile kuuti, ‘Umupuutaje uMWENE waaho uMulungu weeka, havhili, umuvhombelaje wuuyo weeka vhweleele.’”

Matayi 5:22

Ileelo ine nkuvhavhuuzya kuuti, umuntu wonti we akumuviitilwa uwamwavho, akwanzilwa kupeelwa isunde. Havhili, wonti we akumuliga uwamwavho kuuti we mupukupuuku, akwanzilwa kulongwa pa lukuvhato. Woope we akumutipa uwamwavho, akwanzilwa kusumbilwa mwi ipalaazya ilya mwoto uwa shiima!

Matayi 7:23

Ileelo ine ndivhavhuuzya apazelu ndiiti, ‘Ntavhamanyile imwe inga hansi! Yeepi kuli ine, imwe mwe mukuvhomba imbiivhi!’”

uLuuka 13:27

Ileelo uweene aliiti, ‘Nkuvhavhuuzya kuuti, ntavhamanyile imwe, havhili ntamanyile kwe mufumile! Yeepi kuli ine, imwe mwe mukuvhomba imbiivhi!’

uLuuka 16:24

Ahamwita ahati, ‘We taata Aabulahamu, umfwile uvhwila! Nkuyimba nkaani mu mwoto uno! Nkukulaavha umusonteelezye uLaazalo, atumpishe ahafingwi mu minzi, ayinze anzwilizye pa lumili lwane, inga luhatale.’

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

2 VaTesaloniki 1:7

nu kuuvhapa ulutuuzyo imwe mwe mukuyimvilwa pooka niiswe. Alivhomba izyo lwe uMwene uYeesu akugaluha kufuma ku mwanya nu mwilo uwa mwoto, pooka na vhahavhizya vhaakwe avha maha.

2 VaTesaloniki 1:9

Isunde lyavho liliivha vhunanjisu uvhwa shiima nu kuvhavhiiha ukutali nu Mwene nu vhushindamu vhwakwe uvhupiti.

VaHebuli 6:8

Ileelo insi ye yikwezya amimvwa ni ndezye, yitakuvha ni ilonka naalimo, yikuvha papiipi nu kutipwa nu Mulungu, havhili uvhusililishilo vhwakwe kwe kupembwa mu mwoto.

2 Peteli 2:4

UMulungu atávhafwiliiye uvhwila, avhahavhizya vhe vhávhomvile uvhutalamalandu, ávhasumvile mu shiisi, mwe vhakunziilwe na manyoloolo. Mu shiisi umwo vhakuguliilila isiku ilya kulongwa.

1 Yohani 3:10

Pe ishi, umuntu we atakuvhomba ingolosu, poosye we atakumukunda uwamwavho, uyo te mwana wa Mulungu. Isho vwe tukumanya uvhusugaano uvhwa vhaana vha Mulungu, na vhaana vha Mukwalanzi.