Matayi 25:34 - ULufingwi uLupwa

³⁴ “Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Tesitamenti Umupwa 1965

³⁴ PʼaliyangʼuMwene kuva kumuhono wakwʼumulilo aliti: Simwinzajʼipa mwe valotwa va Tata imwe, mupwanʼuvumwene vwʼuMulungu avayananizizye mwenemwe, atalisile pala pʼiyalizilwʼinsi.

Matayi 25:34 ပူးပေါင်းရင်းမြစ်များ

Matayi 13:35

Izyo zyávhombesile, inga lilunjishe izwi lye umukuvhwi áyanzile átili, “Ndiyanga na vhantu kwi idala ilya viholanyo. Ndivhavhuuzya zye zyázyihiime kufuma ku vhwandilo uvhwa nsi.”

Matayi 19:29

Havhili umuntu we ayilesile inyumba yaakwe, poosye avhanine vhaakwe avhanaavuli, poosye avhantanda, poosye utaata waakwe, poosye umaayi waakwe, poosye avhaana vhaakwe, poosye amagunda gaakwe kuzya izina lyane, uyo aliposheela ivwinji nu vhulanzi uvhwa shiima.

Matayi 20:23

UYeesu ahavhavhuuzya ahati, “Nalyoli kwe muyimbe inza vwe nkusogola kuyimba. Ileelo kutendama ku luvhazu lwane ulwa kundiilo, poosye ulwa kumongo te mbombo yaane kuvhitishila. Uvhuzilo uvhwo vhwa vhaala vhe uTaata waane avhasenganiziinye nziila.”

Matayi 21:5

“Muvhavhuuzye avhantu avha mu nkaaya iya Sayuuni kuuti, ‘Yeenya, uMwene wiinyu akwinza kuli imwe. Uweene mutonsu, alimbiiye pa ndogomi, indogomi inyaana.’”

Matayi 25:21

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

Matayi 25:23

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 27:37

Pa mwanya kwi itwe lya Yeesu vhahavhiiha amazwi aga kumulonjeelela ge gásimviilwe kuuti, “UNO WU YEESU, UMWENE UWA VHAYUUDA.”

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 5:19

Pe ishi, umuntu wonti we akushilanya ululajizyo inga lwoka, mu nyinsi izi nu kuvhasambiilizya avhanji kuuti vhazishilanyaaje, uyo aliivha munsi mu vhumwene uvhwa Mulungu. Ileelo we akuzivhombela imbombo nu kuvhasambiilizya avhanji, uyo we aliivha mupiti mu vhumwene uvhwa Mulungu.

Maliko 10:17

UYeesu ahanda kwepa paala, umuntu wumo ahamushimbiilila, ahamusugamilila, ahamuvhuziilizya ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

Maliko 10:40

Ileelo kutendama ku luvhazu lwane ulwa kundiilo, poosye lwa kumongo, te mbombo yaane kuvhitishila. Uvhuzilo uvhwo, vhwa vhaala vhe vhavhasenganiziinye nziila.”

uLuuka 11:28

Ileelo uweene uYeesu ahati, “Vhalosiitwe nkaani vhe vhakwivwa nu kulishindiha izwi ilya Mulungu!”

uLuuka 11:50

Ishi, avhantu avha havhaliilizyo iha vhalisundwa kuzya vhakuvhwi vhonti vhe vhávhagozile, kufuma ku vhwandilo uvhwa nsi,

uLuuka 12:32

“Mutogopaje, imwe mwe muli impuga inyinsi, mwe pe uTaata wiitu uwa ku mwanya asungwilwe kuuvhapa uvhumwene vhwakwe.

uLuuka 19:38

vhahatinji, “Alosiitwe uMwene we akwinza kwi izina ilya MWENE uMulungu! Ishi kuvhe uvhutehamu nu vhushindamu ku mwanya.”

Yohani 1:49

Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Yohani 12:13

Pe vhahanyatula insamba izya matende, vhaheepa kusogola kumuposheela uYeesu. Vhahanda kuvhilishila kwi izwi, vhahati, “Ashindikwaje uMulungu! Alosiitwe we akwinza kwi izina ilya MWENE uMulungu! Alosiitwe uMwene uwa Vhaisilayeeli.”

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Yohani 19:15

Avheene vhahazuma ahalanga vhahati, “Mugoje! Mugoje! Muhomeele pa shihovhenkanyo!” UPilaato ahavhavhuziilizya ahati, “Vhuli, imuhomele pa shihovhenkanyo umwene wiinyu?” Avhapiti avha vhapuuti vhahamwamula vhahati, “Iswe tutali nu mwene uwunji, nkandi we Kayisaali!”

iMbombo izya Vhatumwa 15:18

inongwa zye zyámanyisile kufuma hali.”

iMbombo izya Vhatumwa 3:26

Pe lwe uMulungu amusevha umuvhomvi waakwe uYeesu, ahamusonteelezya kuli imwe suuti, inga avhaloote kwi idala ilya kuvheefwa mu mbiivhi zyinyu.”

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

1 VaKolinti 15:50

Vhamwitu, nkuyanga nkuti amavhili giitu aga pa nsi ipa, gatanginjila mu vhumwene uvhwa Mulungu. She shikufwa nu kuvhola, shitangavha nu vhulanzi uvhwa shiima.

1 VaKolinti 2:9

Izyo zili inza vwe yisimviilwe mu Vhusimbe uVhufinjile kuuti, “Zye uMulungu avhasenganiziinye vhe vhakumukunda, ataliipo umuntu we azivhwenyi lumo, poosye kuzyivwa, havhili ataliipo umuntu we azivhiisile lumo mu mwoyo waakwe.”

1 VaKolinti 6:9

Mutamanyile kuuti avhavhiivhi te vhahinjile mu vhumwene uvhwa Mulungu? Mutahayihopenkanye! Avhalugusu na vhantu vhe vhakupuuta iviholanyo na vhavhembu, poosye vhe vhakuvhembuha avhanaavuli vhuuvho vheeka,

VaGalati 5:21

nu mwone nu vhwashimwela nu vhupafu ni zinji zye zikuholana niizyo. Nkuvhavhuuzya havhili inza vwe návhavhuziizye kuuti, avhantu vhe vhakuvhomba izyo, te vhahinjile mu vhumwene uvhwa Mulungu.

VaEfeso 5:5

Yikwanzilwa mumanye kuuti umuvhembu nu mulugusu na we akupapamila ivintu te vhahapwane uvhumwene uvhwa Chilisiti nu Mulungu. We akupapamila ivintu we wooka na we akupuuta iviholanyo.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

2 Timoti 2:12

Inga tukujimbiilila, tulikonzya pooka nawo. Ileelo inga twamuhaana, pe woope alituhaana.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

VaHebuli 11:16

Ileelo avhantu ivho vhahayinyonywaga insi inyinza nkaani iya ku mwanya. Ye nongwa uMulungu atakulola insoni inga avhantu ivho vhakumwita kuuti wu Mulungu waavho, mwe pe avhasenganiziinye inkaaya.

VaHebuli 4:3

Ileelo iswe twe tumwitisile uMulungu tuliyinjila pa lutuuzyo lwe áfinzile. Ileelo kuli ivho vhe vhatámwitisile, uMulungu áyanzile átili, “Návisiitwe nu kulapa, náyanzile nátili, ‘Nalyoli avhantu ivha te vhahinjile pa lutuuzyo lwe mbasenganiziinye.’” UMulungu áyanzile isho, pooka nu kuuti ápezile azimazile imbombo zyakwe zyonti kufuma ahavhaliilizyo he áyipezile insi.

VaHebuli 9:26

Inga uChilisiti ahanzilwaga kuyifumwa kuvha mpuutile ulwinji, inza vwe umupuuti umupiti ahafumwaga impuutile ulwinji, pe nkandi ahanzilwaga kuyimvilwa ulwinji kufuma pe uMulungu ápezile insi. Ileelo uweene amanda iga aga vhusililishilo, ayinzile nu kuyifumwa kuvha mpuutile lwoka vhweleele, inga atuzelufwe uvhutalamalandu vhwitu.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 1:9

mwe pe mukuposheela uvhuposhi uvhwa mooyo giinyu. Uvhuposhi uvhwo, vhwe vhukufumiilana nu lwitiho lwinyu kwa Chilisiti.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!

Ishitushizya 19:16

Pa mwenda waakwe na pa shizima shaakwe asimviilwe izina ilya kuuti, “umupiti wa vhapiti nu mwene wa vhamwene.”

Ishitushizya 21:7

Ula we alipoota indingo, aliposheela isho, niine ndiivha ne Mulungu waakwe, woope aliivha mwana waane.

Ishitushizya 5:10

Uhavhinjizya mu vhumwene vhwaho nu kuvhavhiiha kuvha vhapuuti kwa Mulungu wiitu, vhoope vhaliyikonzya insi yonti.”