Matayi 25:10 - ULufingwi uLupwa

¹⁰ “Lwe avhapukupuuku vhaala vhakusogola kuyikalila amafuta, we akwimala ahinza. Avhalindu avha njeele vhe vháyisengiinye, vhahinjila pooka nawo mu nyumba mwe vhahavhombelaga. Pe umulyango wuhigalilwa.

Tesitamenti Umupwa 1965

¹⁰ Ilelo lwe vavazilʼukukala, pʼumusendamwantanda ahafiha, avene ve vayisenginye vahinjila nawo ukulyʼiṿwa pavusendelo, kushilyango kuhigalilwa.

Matayi 25:10 ပူးပေါင်းရင်းမြစ်များ

uLuuka 13:25

Ahavhaliilizyo haliyinza he umuhaata nyumba aligalila umulyango. Pe muliyimiilila panzi nu kwiguzya nu kumulaavha kuuti, ‘We mwene! Tukulaavha utwigulile umulyango!’ Ileelo uweene alivhaamula aliiti, ‘Ntavhamanyile imwe, havhili ntamanyile kwe mufumile!’

1 Peteli 1:13

Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

Matayi 24:44

Pe ishi, niimwe muyisenganyaaje ahavhaliilizyo honti, mwe pe ne Mwana wa Aadamu ndiyinza ahavhaliilizyo he mutasuvhiiye.”

Ishitushizya 22:20

We akuhomeshezya kuli izi, akuti, “Nalyoli nkwinza naluvhiilo.” Amina. Uyinze Mwene Yeesu!

Matayi 25:6

Ileelo pa vhusiku pahati, avhantu vhahavhilishila vhahati, ‘Yeenya, we akwimala ayinza! Fumaaji, tujende tumuposheele.’

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

Ishitushizya 1:7

Yeenyi, akwinza na mavhingo! Avhantu vhonti vhalimulola, poosye vhe vhámulasile ni mpalala, na vhantu avha nsi zyonti vhalikuuta nu kuloosya ku zyakwe. Nalyoli! Amina.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Matayi 7:21

“Te vhonti vhe vhakuyanga kuuti, ‘We Mwene,’ vhaliyinjila mu vhumwene uvhwa Mulungu, nkandi umuntu we akuvhomba zye uTaata waane uwa ku mwanya akwanza, we aliyinjila.

Matayi 24:42

Pe ishi, muvhanje minso, mwe pe mutamanyile isiku lye ne Mwene wiinyu ndiyinza.

Matayi 24:43

Ileelo mumanye ahinza kuuti uwa nyumba inga amanyile ahavhaliilizyo he umwivha akwinza, nkandi akuguulila, inga amudinde atahapankule inyumba yaakwe.

uLuuka 12:35

“Insiku zyonti muvhanje muyisengiinye kuvhomba imbombo, zyope inyaale zyinyu zyahaje.

Ishitushizya 19:7

Tuseshelaje nu kudovhela nu kumushindiha, mwe pe ahavhaliilizyo aha winga uwa Hagonzi aha MWENE uMulungu hafisile, havhili we akwimalwa ayisengiinye.