Matayi 24:5 - ULufingwi uLupwa

⁵ Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Vhalivhahopenkanya avhantu avhinji.

Tesitamenti Umupwa 1965

⁵ She valiyinza mwizina lyane ve vinjʼavantu, ve valitinji: Nene ne Chilisiti. Valivapuṿwa ve vinjʼavantu.

Matayi 24:5 ပူးပေါင်းရင်းမြစ်များ

Matayi 24:11

Havhili avhakuvhwi avhinji avha ilenga vhalifumila, vhoope vhalivhahopenkanya avhantu avhinji.

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Yohani 5:43

Ine ninzile ku maha aga Taata waane, ileelo mukuhaana kumposheela. Ileelo umuntu uwunji inga ayinza ku maha gaakwe wuuyo, mulimuposheela.

Yohani 8:24

Ye nongwa navhavhuuzya kuuti, kwe mufwe mu vhutalamalandu vhwinyu. Ishi inga mutakwitiha kuuti ine ne neene, kwe mufwe mu vhutalamalandu vhwinyu.”

Yohani 8:28

Pe uYeesu ahavhavhuuzya ahati, “Lwe mwafishila kunzuvwa pa shihovhenkanyo ne Mwana wa Aadamu, pe muliimanya kuuti ine ne uMulungu ansonteleziizye. Havhili muliimanya kuuti zyonti zye nkuvhomba, ntakuvhomba ku maha gaane, ileelo nkuziyanga zyeziila zye uTaata ansambiliziizye.

1 Yohani 2:18

Mwe vhaana vhaane, ahavhaliilizyo aha kumpeleela hafisile! Mwivuuye kuuti umulugu uwa Chilisiti akwinza, niishi avhalugu avhinji avha Chilisiti vhinzile. Ilyo lye likutuvhiiha kumanya kuuti, tuli mu havhaliilizyo aha kumpeleela.

1 Yohani 2:22

Umuntu uwa ilenga wu naanu? Umuntu uwa ilenga we wula we akuti uYeesu te wu Chilisiti. Umuntu inza uyo, we mulugu wa Chilisiti, akumuhaana uTaata uMulungu nu Mwana.

1 Yohani 4:3

Ileelo umuntu wonti we atakupemula inza isho, atakulongolwa nu Mupepo uwa Mulungu. Umuntu uyo akulongolwa ni mpepo iya mulugu uwa Chilisiti. Niimwe, mwivuuye kuuti impepo iyo yikwinza, ishi yinzile mu nsi.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.