Matayi 24:45 - ULufingwi uLupwa

⁴⁵ UYeesu ahavhavhuziilizya ahati, “Pe ishi, wu naanu umuvhomvi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

Tesitamenti Umupwa 1965

⁴⁵ Amwʼalipo lelo umunyamata umutungamu uwa njele, wʼumwene wakwe akumwimiha ukuti avapanje iṿwa kulya ava nyumba yakwe, lwe hinzilʼahavalilizyo aha kulila?

Matayi 24:45 ပူးပေါင်းရင်းမြစ်များ

Matayi 10:16

“Yeenyi, nkuvhatumiilizya ngati ngʼonzi pahati pa mpumpi! Pe ishi, muvhanje nu vhushindamu uvhwa njeele inza injoha, havhili muvhanje mwe vhatonsu inza inkunda.

Matayi 13:52

Pe woope ahavhaamula ahati, “Umusambiilizi uwa ndajizyo izya Moose we musundikwa mu vhumwene uvhwa Mulungu, akuvha inza umuhaata nyumba we akufumwa ivintu ivipwa ni vikaali mu nkoma yaakwe.”

Matayi 24:46

Alosiitwe umuvhomvi uyo we lwe umwene waakwe akuvhwela kufuma kwe aashuuye, akumwaga akuvhomba zye ámulajiziizye.

Matayi 25:2

Vhasaano muli ivho, vháali vhapukupuuku na vhamwavho vhasaano vháali vha njeele.

Matayi 25:21

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

Matayi 25:23

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

Matayi 7:24

“Pe ishi, umuntu we akugatejeelezya amazwi gaane nu kugalema, aliivha ngati muntu uwa vhushindamu uvhwa njeele we ázenzile inyumba yaakwe pi iyalaawe.

uLuuka 19:17

Umwene uyo ahamuvhuuzya ahati, ‘Uvhomvile ahinza nkaani, iwe we muvhomvi umwinza! Mwe pe waamile we mutungamu ku vintu ivinsi nkaani, kuuti nkupe amaha aga kukonzya inkaaya 10.’

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

1 Timoti 1:12

Nkumusalifwa uMwene wiitu uChilisiti uYeesu we ampiiye amaha, mwe pe ambwenyi kuuti ne mutungamu, nu kunsevha ku mbombo yaakwe.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

VaHebuli 3:5

UMoose áamile mutungamu ku vhantu vhonti avha mu nyumba iya Mulungu. Imbombo yaakwe ku vhantu ivho yáamile ya kuhomeshezya ziila zye uMulungu ákasiime kuyanga pilongolela.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.