Matayi 24:24 - ULufingwi uLupwa

²⁴ Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Tesitamenti Umupwa 1965

²⁴ She pe valilolehaga avachilisiti avashifumbo navakuvwi vashifumbo, valipelaga namamfindango namayele aga kulingʼukuvapuṿwa nave vasavulwa.

Matayi 24:24 ပူးပေါင်းရင်းမြစ်များ

Matayi 22:14

Nkuyanga vhwevhulo, mwe pe uMulungu akuvhiita avhantu avhinji kwinjila mu vhumwene vhwakwe, ileelo vhe vhakusaavhulwa kwinjila vhansi.”

Matayi 24:11

Havhili avhakuvhwi avhinji avha ilenga vhalifumila, vhoope vhalivhahopenkanya avhantu avhinji.

Matayi 24:22

Inga uMulungu atazivhiihaje insiku izyo izya mayimba kuvha nyinsi, umuntu nuumo we aamile apokwaje. Ileelo kuzya vhasaavhulwa vhaakwe, uMulungu alizivhiiha insiku izyo kuvha nyinsi.

Matayi 24:25

Muvhanje minso, ine navhasoha nziila she zishiili kufumila.

Matayi 24:31

Pe ndivhasonteelezya avhahavhizya vhaane ni isaji lye lilikuutaga kwi izwi ipiti. Vhalivhavhungaaniha avhasaavhulwa vhonti avha Mulungu kufuma imbazu zyonti zine izya nsi, kwandila uluvhazu ulwa kwanda kwe insi yanzite, kufishila kwe yisiliiye.”

Matayi 24:5

Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Vhalivhahopenkanya avhantu avhinji.

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

Maliko 13:22

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

uLuuka 18:7

Ishi, uMulungu atangavhavhombela zye zikwanzilwa avhasaavhulwa vhaakwe vhe vhakumulaavha uvhusiku nu musanya? Angahaavha kuvhaavwa?

Yohani 4:48

UYeesu ahamwamula umulongozi uyo ahati, “Mwe vhantu imwe, vhuli, mutanganiitiha ishisita kulola ivilolesyo ni zya kusukumizya?”

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 6:39

Ulukasamo ulwa Taata waane we ansonteleziizye, lwa kuuti ntahamuteezye inga wooka mu vhaala vhe ampiiye, havhili lwa kuuti nkinze imbazyusye vhonti vhavhe vhapuuma isiku ilya vhusililishilo.

iMbombo izya Vhatumwa 20:16

UPaavhuli ásivhiliiye kushuula ishisita kutuushila ku Hefeeso, inga atahahaavhe mu shigavho isha nsi isha Aasiya. Áhalambiine, kuuti inga angavhwezya, ayandane kufiha ku Yelusaleemu, lwe isiku ilya Pentekoositi lishiili kufiha.

VaLoma 12:18

Muvhombaje zyonti zye mungavhomba zye zikuvhavhiiha kuvha nu vhutehamu na vhantu vhonti.

VaGalati 4:15

Mwámile nu luseshelo, ishi shintu vhuli she shivhaazile? Nkuyanga zya nalyoli, ahavhaliilizyo haala, nkandi mwítisile poosye nu kufwonkola aminso giinyu nu kumpa ine.

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

2 Peteli 3:17

Ishi ileelo imwe vhankundwa, mwe pe mwazimanya inongwa izya vhasambiilizi avha ilenga, muvhanje minso kuuti vhatahinze vhavhahopenkanye kwi idala ilya kuvhalumila ilenga. Inga mukuvhatejeelezya, munginze mugwe nu kululeha ulwitiho lwinyu ulwa nalyoli.

1 Yohani 2:18

Mwe vhaana vhaane, ahavhaliilizyo aha kumpeleela hafisile! Mwivuuye kuuti umulugu uwa Chilisiti akwinza, niishi avhalugu avhinji avha Chilisiti vhinzile. Ilyo lye likutuvhiiha kumanya kuuti, tuli mu havhaliilizyo aha kumpeleela.

1 Yohani 2:22

Umuntu uwa ilenga wu naanu? Umuntu uwa ilenga we wula we akuti uYeesu te wu Chilisiti. Umuntu inza uyo, we mulugu wa Chilisiti, akumuhaana uTaata uMulungu nu Mwana.

1 Yohani 5:18

Tumanyile kuuti umuntu wonti we mwana wa Mulungu, atakuvheelela kuvhomba uvhutalamalandu, mwe pe uMwana wa Mulungu akumuguulila. UMuvhiivhi ula uSeetano atangamuvhomba naashimo.

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.