Matayi 24:22 - ULufingwi uLupwa

²² Inga uMulungu atazivhiihaje insiku izyo izya mayimba kuvha nyinsi, umuntu nuumo we aamile apokwaje. Ileelo kuzya vhasaavhulwa vhaakwe, uMulungu alizivhiiha insiku izyo kuvha nyinsi.

Tesitamenti Umupwa 1965

²² Ingʼisiku lilyo lyasitagʼukudumulwa, pe nkandi numʼumuntu atakupona. Nkandi lilidumulwa isiku lilyo avasavulwa ukuti pe valipona.

Matayi 24:22 ပူးပေါင်းရင်းမြစ်များ

Matayi 22:14

Nkuyanga vhwevhulo, mwe pe uMulungu akuvhiita avhantu avhinji kwinjila mu vhumwene vhwakwe, ileelo vhe vhakusaavhulwa kwinjila vhansi.”

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 24:31

Pe ndivhasonteelezya avhahavhizya vhaane ni isaji lye lilikuutaga kwi izwi ipiti. Vhalivhavhungaaniha avhasaavhulwa vhonti avha Mulungu kufuma imbazu zyonti zine izya nsi, kwandila uluvhazu ulwa kwanda kwe insi yanzite, kufishila kwe yisiliiye.”

Maliko 13:20

Inga uMWENE uMulungu atazivhiihaje insiku izyo izya mayimba kuvha nyinsi, umuntu nuumo we aamile apokwaje. Ileelo kuzya vhasaavhulwa vhaakwe, uMulungu alizivhiiha insiku izyo kuvha nyinsi.

uLuuka 18:7

Ishi, uMulungu atangavhavhombela zye zikwanzilwa avhasaavhulwa vhaakwe vhe vhakumulaavha uvhusiku nu musanya? Angahaavha kuvhaavwa?

VaLoma 9:11

Ileelo avhaana ivho she vhashiili kupaapwa, havhili she vhashiili kuvhomba ishintu shonti, shivhe shinza, poosye shivhiivhi, uMulungu ahamuvhuuzya uLebeka ahati, “Usongo alimuvhombela umwana.” Izi zikulolesya kuuti uMulungu akusaavhula umuntu kulandatana nu lukasamo ulwa Mulungu, yitakuvha kulandatana ni mbombo izya muntu uyo.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.