Matayi 24:14 - ULufingwi uLupwa

¹⁴ Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

Tesitamenti Umupwa 1965

¹⁴ Inongwʼinyinza zya vumwene zinizi zilikumuha mwonti munsʼumu mwe vasamiyʼavantu, vontʼavakunzi vazimanye, ilelo pʼuvusililishilo vuliyinza.

Matayi 24:14 ပူးပေါင်းရင်းမြစ်များ

Matayi 10:7

Lwe mukujenda, mukumusyaje mutinji, ‘Uvhumwene uvhwa Mulungu vhupalamiiye.’

Matayi 18:19

Havhili nalyoli nkwonjezya kuvhavhuuzya kuuti, inga vhavhili muli imwe mu nsi umu vhitinkana kulaavha zimo, uTaata waane uwa ku mwanya alivhavhombela zyenezyo.

Matayi 24:3

Pe uYeesu ahazuvha pi igamba ilya Mazayituuni nu kutendama penepo. Lwe atendama, avhasundikwa vhaakwe vhahasogola kwa Yeesu kukwilu vhahati, “Tuvhuuzye, zyonti izyo zilifumila lii? Havhili shilolesyo vhuli she shilitulolesya kwinza kwaho nu vhusililishilo uvhwa nsi?”

Matayi 24:6

Ahavhaliilizyo iho muliyivwaga inkoolo izya vhulugu ni nongwa izya vhulugu, mutahinze musaaje. Poosye zivhe vhuli, izyo zikwanzilwa kufumila, ileelo ahavhaliilizyo aheene aha kumpeleela haliivha hashiili.

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Matayi 9:35

UYeesu ahazyunguulaga mu nkaaya zyonti na mu ntala zyonti. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Maliko 13:10

Isuuti inga Izwi iLyinza lyakumuha insi zyonti, pe uvhusililishilo vhuliyinza.

uLuuka 2:1

Ahavhaliilizyo haala he uYoohani ápafwilwe, uKayisaali uAguusito umwene umupiti uwa vhumwene uvhwa Shiluumi álajiziizye kuuti, avhantu vhonti avha mu nsi zye ahakonzyaga, vhasimbisye amazina gaavho.

uLuuka 24:47

Havhili kwi izina lyakwe, avhantu avha mu nsi zyonti, kwandila ku Yelusaleemu, vhalivhakumusizya kuuti vhatontaje imbiivhi zyavho, inga uMulungu avhaswile.

uLuuka 4:5

Pe uMukwalanzi ahamutwala uYeesu pamo pe páali pamwanya nkaani, ahamulanga uvhumwene uvhwa mu nsi zyonti ku havhaliilizyo hansi.

iMbombo izya Vhatumwa 1:2

kufishila isiku lye ányatuliilwe kusogola ku mwanya. Lwe ashiili kunyatulwa, uMupepo uMufinjile ahamulongola kuvhalajizya avhatumwa vhaakwe vhe ávhasavhuuye, vwe yikwanzilwa vhavhombaje imbombo.

iMbombo izya Vhatumwa 11:28

Wooka muli ivho, izina lyakwe vhahatinji uAgaabo. Uweene ahimiilila, ahakuvhwa uvhukuvhwi kutuushila kwa Mupepo uMufinjile kuuti, inzala impiti yiliigwa mu nsi nyinji. Inzala iyo ye yáfumiiye, lwe uKayisaali uKilavhudiyo umwene umupiti ahazikonzyaga insi izyo.

iMbombo izya Vhatumwa 17:31

Akuvhalajizya isho, mwe pe avhiisile isiku lye alivhalonga avhantu vhonti mu vhwanalyoli, kwi idala ilya muntu we amusavhuuye. UMulungu avhahomesheziizye avhantu vhonti izyo, kwi idala ilya kumuzyusya umuntu uyo.”

iMbombo izya Vhatumwa 17:6

Lwe vhatavhaaga, vhahamulema uYaasoni pooka na vhamwavho vhamo, vhahavhatwala ku maha ku vhapiti avha nkaaya, uku vhakuzuma ahalanga kuuti, “Avhantu ivha vhe vhakupela ivho ipiti mu nsi zyonti. Ishi vhinzile mu nkaaya yiitu.

iMbombo izya Vhatumwa 19:27

Te kuuti ye mbombo yiitu yeeka vhweleele ye kwe vhayisuufwe, nkandi ni nyumba iya mulungu wiitu umwantanda uAliteemi yoope kwe vhayisuufwe. Havhili uvhushindamu uvhwa mulungu uyo we iAasiya ni nsi yonti yikumunyila kwe wusile.”

iMbombo izya Vhatumwa 20:25

“Natuuhaga uku nuukwo kuvhakumusizya imwe mwenti izya vhumwene uvhwa Mulungu. Ileelo ishi tejeelezyi, ine imanyile kuuti, te muhandole havhili naalumo.

VaLoma 10:18

Poosye vhwevhulo, nkuvhuziilizya kuuti, vhuli, aVhaisilayeeli vhatívuuye? Nalyoli vhívuuye, mwe pe uVhusimbe uVhufinjile vhukuti, “Izwi lyavho lyívwisile mu nsi zyonti, na mazwi gaavho gáfisile ku vhusililishilo uvhwa nsi.”

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

VaHebuli 1:6

Havhili uMulungu lwe akumuleeta uMwana waakwe imozi mu nsi, áyanzile átili, “Avhahavhizya vhonti avha Mulungu vhamupuute uMwana uyo.”

VaHebuli 2:5

Tumanyile kuuti uMulungu atavhapiiye avhahavhizya amaha aga kuyikonzya insi impwa ye yikwinza, ye tukuyanga inongwa zyakwe.

Ishitushizya 14:6

Nkalola uhavhizya uwamwavho akubuluha pahati pamwanya, áamile ni Izwi iLyinza ilya shiima. Ahavhalumbiilila vhe vhakutendama pa nsi, insi zyonti ni nkolo zyonti ni njango zyonti ni mpuga zyonti.

Ishitushizya 16:14

Izyo zye mpepo izya gaseetano zye zikuvhomba ivilolesyo. Zye zila zye zikusogola ku vhamwene avha nsi zyonti kuvhavhungaaniha pooka kuzya vhulugu, isiku liila ipiti lye uMulungu uwa Maha Gonti alivhalonga avhantu vhonti.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.