Matayi 24:13 - ULufingwi uLupwa

¹³ Ileelo we alijimbiilila kufishila ku vhusililishilo, we aliipokwa.

Tesitamenti Umupwa 1965

¹³ Nkandʼuno wengʼakwumishizya ukufiha pampelela wʼalipona.

Matayi 24:13 ပူးပေါင်းရင်းမြစ်များ

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Matayi 24:12

Havhili, mwe pe uvhuvhiivhi vhuliivula nkaani, avhantu avhinji vhaliileha kuvhakunda avhamwavho.

Matayi 24:6

Ahavhaliilizyo iho muliyivwaga inkoolo izya vhulugu ni nongwa izya vhulugu, mutahinze musaaje. Poosye zivhe vhuli, izyo zikwanzilwa kufumila, ileelo ahavhaliilizyo aheene aha kumpeleela haliivha hashiili.

Maliko 13:13

Avhantu vhonti vhalivhavitilwaga, mwe pe mukundandata ine, ileelo we alijimbiilila kufishila ku vhusililishilo we aliipokwa.”

uLuuka 21:19

Niimwe inga mulijimbiilila, pe muliposheela uvhulanzi uvhwa shiima shiima.”

uLuuka 8:15

Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

VaHebuli 10:39

Ileelo iswe tutali inza avhantu ivho vhe vhakusisinta nu kuteega, nkandi tuli pooka na vhaala vhe vhakumwitiha. Kwi idala ilyo, tupokwilwe.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.