Matayi 23:8 - ULufingwi uLupwa

⁸ “Ileelo imwe mutitihaje lwe vhakuvhiita kuuti, ‘We musambiilizi!’ Nkuyanga vhwevhulo, mwe pe muli nu Musambiilizi wooka vhweleele, niimwe mwenti mwe vhasundikwa vhaakwe.

Tesitamenti Umupwa 1965

⁸ Nkandʼimwe mutavatashʼavantu ilya Labi. She muli numusambilizi winyu woka mwene, nkandʼimwe mwe vanamuntu mwenti.

Matayi 23:8 ပူးပေါင်းရင်းမြစ်များ

Matayi 10:25

Umusundikwa akwanzilwa kuvha inza umusambiilizi waakwe, woope umuzya akwanzilwa kuvha inza umwene waakwe. Inga vhakumwita umuhaata nyumba kuuti wu Belizabuuli, vhuli, te vhahavhiite avhantu avha mu nyumba yaakwe izina ivhiivhi nkaani?”

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 23:10

Havhili, mutitihaje lwe avhantu vhakuvhiita kuuti, ‘Mwe vhalongozi,’ mwe pe muli nu Mulongozi wooka vhweleele we wu Chilisiti.

Matayi 23:7

Havhili, vhakusungwa avhantu vhavhalamuhaje ku mushinzi lwe vhali mu madala nu kuuti vhavhiitaje vhatinji, ‘We musambiilizi.’

Matayi 26:25

Pe uYuuda we wa kumwaniila uYeesu, woope ahamuvhuziilizya ahati, “We Musambiilizi, vhuli, neene?” UYeesu ahamwamula ahati, “Iwe wayanga.”

Matayi 26:49

Naluvhiilo uYuuda ahasogola kwa Yeesu ahati, “We Musambiilizi, mwakaata!” Ahamwofwa.

Maliko 10:51

UYeesu ahamuvhuziilizya ahati, “Ukwanza inkuvhombele ishooni?” Ahati, “We Musambiilizi, nkulaavha umponie, intalishe kulola havhili.”

Maliko 11:21

UPeeteli ahakumbuha izya itiini liila, ahati, “Musambiilizi, yeenya itiini lye waalitifile lyumile!”

Maliko 14:45

UYuuda lwe aafiha vhweleele paala, ahasogola kwa Yeesu ahati, “We Musambiilizi!” Ahamwofwa.

Maliko 9:5

UPeeteli ahamuvhuuzya uYeesu ahati, “We Musambiilizi, hinza iswe tusyale panaapa, tuzenje ivwegwi vitatu. Shimo shivhe shaaho, ishamwavho shivhe sha Moose, ni shamwavho shivhe sha Eeliya.”

uLuuka 22:32

Ileelo ine, nkulavhiiye kwa Mulungu, inga utahinze uleshe ulwitiho lwaho kuli ine. Niiwe lwe wangalushila ine, uvhagomwe na vhamwinyu.”

Yohani 1:38

Pe uYeesu ahagalunkana mwisinda, ahavhalola avhasundikwa ivho vhakumulandata. UYeesu ahavhavhuziilizya ahati, “Vhuli, mukulondola ishooni?” Vhoope vhahamwamula vhahati, “We Laabi (izina ili kwe kuuti Musambiilizi), ukutendama kwoshi?”

Yohani 1:49

Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Yohani 11:8

Avhasundikwa vhaakwe vhahamuvhuziilizya vhahati, “We Musambiilizi, shiniishi vhweleele aVhayuuda vhamo vhanzaga kukuhoma na mavhwe kuuti ufwe kunuukwo. Ishi shooni she ukwanza kusogola havhili?”

Yohani 20:16

UYeesu ahamwita izina lyakwe ahati, “We Maliiya!” Pe uMaliiya ahashevhela mwisinda, ahamulola uYeesu, ahamwita mu njango iya Shiyalaamu ahati, “Labooni!” Izina ili kwe kuuti, “Musambiilizi.”

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 3:26

Pe vhahasogola kwa Yoohani uMwozyi, vhahamuvhuuzya vhahati, “We musambiilizi, umuntu we waamile nawo kwi isyila ilya ijenje uYoolodaani, we waatuvhuziizye inongwa zyakwe, woope akwozya avhantu. Havhili avhantu avhinji vhakusogola ku kwakwe kuluusya ku kwaho.”

Yohani 4:31

Lwe avhantu vhaala vhashiili kufiha, avhasundikwa vhaakwe vhahamulaavha vhahati, “We Musambiilizi, nzaaga ulye ishaakulya.”

Yohani 6:25

Lwe avhantu ivho vhamwaga uYeesu kwi isyila ilya sumbi uwa Galilaaya, vhahamuvhuziilizya vhahati, “We Musambiilizi, uyinzile havhaliilizyo vhuli uku?”

Yohani 9:2

Avhasundikwa vhaakwe vhahamuvhuziilizya vhahati, “We Musambiilizi, vhutalamalandu vhwa naanu vhwe vhwámupeleeye umuntu uno kuuti apaapwe wu ntonko? Vhuli, ávhomvile wuuyo, pamo vhapaafi vhaakwe vhe vhávhomvile?”

2 VaKolinti 1:24

Te kuuti iswe tukwanza kuvhavijiilizya zye mukwanzilwa kuvhomba mu lwitiho lwinyu, mwe pe imwe mugomile mu lwitiho. She shikwanzilwa kuli iswe, kwe kuvhomba imbombo pooka niimwe, inga museshele.

2 VaKolinti 4:5

Nkuyanga vhwevhulo, mwe pe iswe tutakukumusya inongwa zyitu, ileelo tukukumusya kuuti uYeesu Chilisiti we wu Mwene, niiswe twe vhavhomvi vhiinyu kwi idala ilya kumuvhombela uYeesu.

VaEfeso 3:15

Uweene we vhwandilo uvhwa vhulanzi ku vipelwa vwonti ivwa ku mwanya na ku vhantu vhonti avha mu nsi.

Filemoni 1:16

Te avhe muzya waaho vhweleele, nkandi kwe avhe wamwitu unkundwa mwa Yeesu Chilisiti. Ine imunkunzite nkaani, niiwe umukunde nkaani, inza umunine waaho, havhili inza uwamwitu mwa Mwene uYeesu.

Yakobu 3:1

Mwe vhamwitu, kuli imwe kutahaavhe avhasambiilizi avhinji avha izwi ilya Mulungu, mwe pe mumanyile kuuti isiku ilya kulongwa, uMulungu alitulonga iswe swe vhasambiilizi nkaani kuluusya avhanji.

1 Peteli 5:3

Mutavhakonzyaje avhiitisi vhe mukuvhalongozya ku maha, nkandi uvhulanzi vhwinyu vhuvhanje shiholanyo ishinza ku kwavho.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”

Ishitushizya 22:9

Ileelo uweene ahambuuzya ahati, “Leha! Ine ne muvhomvi vhweleele inza iwe na vhamwinyu avhakuvhwi na vhonti vhe vhakuzyitiha indajizyo zye zili mwi ikalaata ili. Mupuute uMulungu!”